22 Kani hi wihi a henyako ni xihi xilo a xi tshameleko, i ta hlaza a tinguwo takwe, hambu lezo i tava a nga hlazekangi kala laha gambyeni.
Na zona zi ta mu nyenyezisa; hakuva kani hi wihi loye a khumbako a xirumbi xa zona, i tava a nga hlazekangi kala gambyeni.
Kani hi wihi loye a henyako a sango gakwe, i ta hlaza a tinguwo takwe, a hlamba matini, hambu lezo i tava a nga hlazekangi kala laha gambyeni.
Ni loku ku vekiwa a xilo laha mubhedini, kutani laha ka wutshamu legi a tshamileko ka gona, a munhu a dzuka a xi henya, a munhu loye i tava a nga hlazekangi kala laha gambyeni.
Ni zontlhe lezi zi khumbilweko hi munhu a nyenyezileko zi tava zi nga hlazekangi; ni loyi a mu khumbako i tava a nga hlazekangi kala laha gambyeni.
