Kuvululelwa 9:21 - Tshwa Bible

²¹ A va hunzulukangi kudayeni kabye, ni kuloyeni kabye, ni kubhayeni kabye, ni kuyiveni kabye. Xip. 22:15

Kuvululelwa 9:21 교차 참조

Isaya 47:12

Yima zalezi ni wutumbe ga wena ni mimbhulo yinyingi ya wena, Leyi u yi tirileko kusukela wusweni ga wena, Kutani zi ta ku vuna ku chavisa a valala va wena.

Isaya 47:9

Kanilezi a makhombo laya mambiri ma ta ku humela xikanwe hi siku ginwe: U ta lahlekelwa hi vanana uva noni; Zi ta wela ka wena hi kutikisilweko, Hambu loku u hi ni mimbhulo yo tala ni wuloyi ga ntamu.

Isaya 57:3

Kanilezi nwina vana va zitumbe za xisati, tshinelani laha, Nwina pswalo wa zirembi ni zibhayi! Mat. 12:39; 16:4

Danieli 11:33

Lava va tlharihileko xikari ka tiko va ta gonzisa vanyingi; kanilezi va ta dawa hi supado, ni nzilo, ni wukhumbi ni kuphangiwa a masiku yo kari.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

2 Va le Korinte 12:21

Ku nga taku loku nzi chikele ka nwina, a Nungungulu wa mina i ta nzi bohlisa mahlweni ka nwina, zonake nzi rilela vanyingi lava va onhileko kale, va nga hunzulukangiko a kunyenyezeni ni wubhayini ni wurembini legi va gi mahileko. 1 Kor. 5:1; Xip. 2:1, 4; Fil. 3:18

Va le Galatia 5:20

Ni ku khozela vanungungulu va hava, a wutumbe, a wulala, a timholova, a xiluse, a zanga, a kubangana, a kuhambana, a kukanetana,

Kuvululelwa 13:13

Xi maha masingita ya hombe, lezaku xi maha ni nzilo wu relela hi le tilweni hehla ka misava, na va kari va zi wona vanhu. Deut. 13:1; 1 Tih. 18:38; Mat. 24:24

Kuvululelwa 13:15

Zonake xi lo kuma ntamu wa ku nyika kuhefemula ka xifananiso xa xihari, lezaku a xifananiso xa xihari xi ta zi kota ku wulawula, ni kuva va dawa vontlhe lava va nga kala ku khozela a xifananiso xa xihari.

Kuvululelwa 13:7

Xi lo nyikiwa ntamu wa kuva zilwa ni vobasa, xi va hlula: xi nyikiwa ni ntamu hehla ka tontlhe tixaka, ni mifumo, ni tirimi, ni matiko. Dan. 7:21

Kuvululelwa 14:8

Ni ngelosi yinwani ya wumbiri, yi lo lanzela, yiku: I wile, i wile, Babuloni loyi wa hombe, loyi a nwisileko matiko wontihe a vinya ga zanga ga kubhaya kakwe. Isa. 21:9; Jer. 51:7; Xip. 19:2

Kuvululelwa 16:6

Hakuva va halatile a nkhata wa vobasa ni wa vaprofeti; u va nyikile nkhata a kuva vanwa, va fanele lezo.

Kuvululelwa 17:2

lexi a tihosi ta misava ti nga bhaya naxo, lexi a vaaki va misava va nga popiwa hi vinya ga kubhaya ka xona. Jer. 51:7

Kuvululelwa 17:4

A wasati i wa ambele xiwunguwungu ni to pswhuka, a bombile hi nzalama ni maribye ya tsengo wa hombe ni maperola, na a khomile a gombe ga nzalama canjeni gakwe, legi gi nga wa la su hlafala hi manyala, ni chaka ga wubhayi gakwe. Jer. 51:7; Dan. 11:38; Xip. 18:12, 16

Kuvululelwa 17:5

Le ximombyeni xakwe ku wa tsalilwe a vito ga fihlakalo, gaku: Babuloni wa hombe, a nyine wa zibhayi ni manyala ya misava. 2 Tes. 2:7; Xip. 14:8; 18:9

Kuvululelwa 18:3

Hakuva a matiko wontihe ma nwile a vinya ga zanga ya kubhaya kakwe; a tihosi ta misava ti bhayile zinwe naye, ni vamahungani va misava va fumile hi kota ya wubhayi gakwe; Isa. 47:15; Xip. 14:8

Kuvululelwa 19:2

hakuva a kulamula kakwe ku nene ku lulamile; hakuva i lamule a xibhayi leʼxa hombe, lexi xi nga holisa misava hi kubhaya ka xona, i photele a nkhata wa malanza yakwe ka xona. Deut. 32:43; Xip. 15:3

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Kuvululelwa 9:20

Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23