Kuvululelwa 9:20 - Tshwa Bible

²⁰ Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23

Kuvululelwa 9:20 교차 참조

2 Tihosi 22:17

Hakuva va nzi fularele va hisa tibani ka vanwani vanungungulu, va nzi zangarisa hi mitiro yontlhe ya mandla yabye; hikwalaho a zanga ya mina yi vindlukile yi vukela wutshamu legi; cima yi nga ta renga.

2 Kronekele 28:22

Hambu lezo a nga wa hi khombyeni i lo simamisa a onhela Jehova.

2 Kronekele 34:25

Hakuva vona va nzi tsikile, va ya hisela vanwani vanungungulu a tibani, va nzi zangarisa hi mitiro yontlhe ya mandla yabye; hikwalaho a zanga ya mina ya vurela legi wutshamu; cima yi nga ta timeka.

Tisimu 106:37

Futsi, va lo phahlela ka madimoni Hi varisanyana ni vanhwana vabye. 2 Tih. 21:6; 23:10; Jer. 7:31

Isaya 2:8

Kambe a tiko gabye gi tele hi zifananiso, va khozela a ntiro wa mandla yabye wutsumbu, lezi zi mahilweko hi titiho tabye.

Isaya 41:7

A muvatli i tiyiseta mufuli wa nzalama; Loyi a bethako hi kono a tiyiseta loye a bako a xigalanyunzo. A dzunza a muri wo zariyeta ha wona, aku: Wu nene! Zonake a tiyisa a xifananiso hi tikhokho kasi xi nga tsekatseka.

Jeremia 1:16

Zonake nzi ta hlawutela a kulamula ka mina hehla kabye hi kota ya kubiha kabye kontlhe, hakuva va nzi tsikile, va ya hisa tibani ka vanwani vanungungulu, ni ku khozela a mitiro ya mandla yabye wutsumbu.

Jeremia 25:6

Mu nga lanzeli vanwani vanungungulu, kasi mu va tirela ni ku va khizamela, mu nga vindlusi a khulo ga mina hi mitiro ya mandla ya nwina, kasi mina nzi nga mu maheli kubiha.

Jeremia 44:8

Mu vindlusela yini a zanga ya mina hi mitiro ya mandla ya nwina, mu hisela vanwani vanungungulu a tibani lomu tikweni ga Gipite, lomu mu tileko mu ta luvela, kasi mu fela ku susiwa mu mahiwa xiruko, mu tseketselwa xikari ka matiko wontihe ya misava ke?

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 51:17

Loku va zi wona a vanhu va yima vaku kaye, va nga pimi nchumu; Ni vafuli va nzalama va wisiwa tingana hi zifananiso zabye zi vatlilweko, Hakuva a zifananiso zabye mawunwa, a zi na muhefemulo.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Danieli 5:4

Va lonwa vinya va dumisa a vanungungulu va nzalama, ni va siliva, ni va suku, ni va xiketse, ni va tisinya, ni va maribye.

Levi 17:7

Va nga ha nyikeli miphahlelo yabye ka madimoni, lawa va bhayako nawo. Lowu wu tava nayo wa pinzukelwa ka zontlhe zizukulwana zabye. Deut. 32:17; 1 Kor. 10:20

Mika 5:13

Nzi ta fuvisa a zifananiso za wena zi vatlilweko, ni timhinga ti nga xikari ka wena, u nga ta ha khozela a mitiro ya mandla ya wena.

Mateu 21:32

Hakuva Johani i lota, a ta mu tivisa a ndlela ya kululama, a mu mu kholwangi; kanilezi a vahlengisi ni zibhayi va lo mu kholwa; hambu lezi mu nga zi wona, a mu hunzulukangi, kasi mu fela ku kholwa hi yena. Xip. 3:1; Lu. 3:12, 13

Mitiro 17:29

Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.

Mitiro 19:26

Nwina ma zi wona ni ku zizwa, lezaku a hi laha Efesusi koce, kanilezi kusuhani ka Asia gontlhe, Paule loyi i vumelisile vanhu vanyingi a va hambukisa, aku: A vanungungulu lava va mahilweko hi mandla a hi vanungungulu. 1 Kro. 16:26; Isa. 44:10-20; Jer. 10:3

Mitiro 7:41

Va lo maha a role hi lawo masiku, va neha a muphahlo zifananisweni, va tsaka hi mitiro ya mandla yabye.

2 Va le Korinte 12:21

Ku nga taku loku nzi chikele ka nwina, a Nungungulu wa mina i ta nzi bohlisa mahlweni ka nwina, zonake nzi rilela vanyingi lava va onhileko kale, va nga hunzulukangiko a kunyenyezeni ni wubhayini ni wurembini legi va gi mahileko. 1 Kor. 5:1; Xip. 2:1, 4; Fil. 3:18

Deuteronome 31:29

Hakuva nza zi tiva lezaku loku nzi file, mu ta ti bihisa futsi, mu hambuka ndleleni leyi nzi mu leleteleko yona; ni makhombo ma ta mu chikelela hi zikhati za ha tako; hakuva nwina mu ta maha kubiha mahlweni ka Jehova; mu ta mu zangarisa hi mitiro ya mandla ya nwina.

Deuteronome 32:17

Va khozelile madimoni lawa ma nga hiko Nungungulu, Ni vanungungulu lava va nga va tiviko, Vanungungulu vaswa, lava va chikelako lokuloku, Lava vararu va nwina va nga va chavangiko. Tis. 106:36; 1 Kor. 10:20

Deuteronome 4:28

Leyo mu ta ya khozela vanungungulu va mahilweko hi mandla ya vanhu; vanungungulu va mahilweko hi tisinya ni maribye, lava va nga woniko, hambu kuzwa, ni kuga ni ku nuheta.

1 Timote 4:1

Kanilezi a Moya wa wula wu tiyisa lezaku a vanwani va ta tsika kukholwa a zikhatini za ha tako, va ingisa a mimoya leyi yi kanganyisako ni gonzo ya madimoni, Dan. 11:35; Joh. 16:13; 1 Ped. 1:20; 2 Ped. 2:1; Kuv. 9:20

Kuvululelwa 15:1

Nzi lo wona manwani masingita le tilweni lawa ya hombe ma hlamalisako, ya ntlhanu wa tingelosi ni timbiri ti nga ni ntlhanu wa zixaniso ni zimbiri zo gumesa, hakuva ku tatiseka ha zona a zanga ya Nungungulu.

Kuvululelwa 16:8

Leʼya wumune yi lo halata mukhelo wa yona a gambyeni; gi nyikwa ntamu wa ku tlahulela vanhu hi nzilo.

Kuvululelwa 9:19

Hakuva a ntamu wa mahaxi wu wa hi milonwini ya wona, ni lomu mihkileni ya wona; hakuva a minkila ya wona yi wa fanana ni tinyoka, leti ti nga ni tihloko, leti ma bayisako ha tona. Isa. 9:15

Kuvululelwa 9:21

A va hunzulukangi kudayeni kabye, ni kuloyeni kabye, ni kubhayeni kabye, ni kuyiveni kabye. Xip. 22:15