Kuvululelwa 9:17 - Tshwa Bible

¹⁷ Le xiwonisweni nzi lo wona mahaxi ni lava va nga ma khilele kota lezi: a vavanuna va wa hi ni zikatawu zo pswhuka za xiketse laha zifuveni khwatsi i nzilo, ni za wukuxe khwatsi i jakinte, ni zo balala khwatsi i solufa; a tihloko ta mahaxi ti wa kotisa a tihloko ta tinghala; ku huma nzilo ni musi ni solufa hi lomu kanwini ka wona. 1 Kro. 12:8; Isa. 5:28, 29

Kuvululelwa 9:17 교차 참조

Genesisi 19:24

zonake Jehova i lo nisa a solufa ni nzilo hehla ka Sodoma ni Gomora, zita hi ka Jehova le tilweni. Deut. 29:23; Isa. 13:19; Lu. 17:29

1 Kronekele 12:8

A vanwani vavanuna va ntamu hi va ka Gadi, lava va sukileko vaya ka Davida le khokholeni ga le xiwuleni; va wa hi tinhenha ti tivako a kulwa yimpi, va khomako matlhari ni zitlhangu, lava a tinghohe tabye ti nga wa fana ni ta tinghala, va tsutsuma ku fana ni timhuti hehla ka zitsunga.

Tisimu 11:6

I ta nisa makala ya nzilo hehla ka vakubiha, ni nzilo ni solufa, Ni mheho yi hisako; Lezi zi tava xiavelo xa gombe gabye. Gen. 19:24; Deut. 29:23; Ezek. 38:22

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Ezekieli 33:22

Makunu a canja ga Jehova gi wa hi hehla ka mina ni gambo, hi mahlweni loyi wo pona na a nga se chikela; kanilezi ni mixo na a nga se ku chikela i lo vulula a nomu wa mina, nzi wa nga ha hi mbeveve kambe.

Danieli 8:2

A muwonisweni lowu nzi waku khwatsi nzi le Xuxani, xi nga xiluvelo xa hosi lomu tikweni ga Elami, nzi wona muwoniso na nzi hi laha Congweni wa Ulai.

Danieli 9:21

ina, na nza ha wulawula mikombelweni, Gabrieli a wanuna loyi nzi nga mu wonile kuranga lomu muwonisweni, i lota na a puruma hi xihatla, a ta nzi khumba hi xikhati xa munyikelo wa laha gambyeni.

Kuvululelwa 11:5

Loku munhu a lava ku va bayisa, ku huma nzilo kanwini kabye, wu khadamula valala vabye; ni loku munhu a lava ku va bayisa i ta dayiswa zalezo. Mitse. 16:29; 2 Tih. 1:10, 12

Kuvululelwa 14:10

yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11

Kuvululelwa 21:20

a xa wuntlhanu i sardoni; a xa wuntlhanu ni xinwe i sardisi; a xa wuntlhanu ni zimbiri i krisolite; a xa wuntlhanu ni zinharu i berile; a xa wuntlhanu ni mune i topazi; a xa wukhume i krisopase; a xa wukhume ni xinwe i jakinte; a xa wukhume ni zimbiri i ametiste.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 9:18

Ku lo dawa a xipanze xa wunharu xa vanhu hi zixaniso lezi zinharu, hi nzilo ni musi ni solufa, lezi zi nga huma milonwini ya wona.

Kuvululelwa 9:9

Yi wa hi ni zikatawu za xiketse laha zifuveni; a guwa ga tipapa ta yona gi wa kotisa guwa ga tikareta, ga mahaxi manyingi ma tsutsumelako kulweni. Joeli 2:5-7