Kuvululelwa 7:17 - Tshwa Bible

¹⁷ Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8

Kuvululelwa 7:17 교차 참조

Tisimu 22:26

A va hlokisilweko va taga va xura, Lava va lavako Jehova va ta mu dumisa; A timbilu ta nwina a ti hanye kala kupinzuka. Isa. 65:13; Mat. 5:5

Tisimu 23:5

Wena wa nzi longisela a meza mahlweni ka valala va mina, U totile a hloko ya mina hi mafura, A gombe ga mina ga pupuma.

Tisimu 28:9

Hanyisa vanhu va wena, u katekisa a tshomba ya wena; Maha murisi wabye, u va tlakusa kala kupinzuka. Deut. 9:29

Isaya 12:3

Hikwalaho mu takha hi kutsaka lomu tihlobyeni ta kuhanyisa. Joh. 4:14; 7:37

Isaya 25:6

A ka xitsunga lexi Jehova wa tiyimpi i ta mahela matiko wontihe a mubuzo, Mubuzo wa zilo zi nonileko, ni vinya gi hlutilweko, Zakuga za mafura ni mongo, ni vinya go bava gi minyilweko.

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Isaya 30:19

Hakuva wena tiko u akileko lomu Zioni ni Jerusalema, u nga ha rili! Loku u kanyuluka i ta ku tsetselela; loku azwa gezu ga wena i ta ku hlamula.

Isaya 30:25

Hehla ka zitsunga zontlhe zo leha ni ka minganga yontlhe yo tlakuka ku tava kona micongo ni micongwana ya mati lawa ma khulungako, hi siku ga kudawa ka hombe, laha a makhokhola ma ta ngawa. Ezek. 39:4, 17; Kuv. 19:17

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Isaya 49:9

Lezaku u byela lava va bohilweko, uku: Humani! Ni ka lava va nga munyameni, uku: Ti wonekeliseni! Va taga tindleleni, Va kuma wugelo lomu zitsungeni zontlhe.

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Isaya 60:20

A gambo ga wena cima gi nga ta ha pela, Ni hweti ya wena yi nga ta hafa kambe; Hakuva Jehova i tava kuwonekela ka wena ka pinzukelwa, Ni masiku ya nkosi wa wena ma ta mbhela.

Isaya 65:19

Mina nzi ta tsaka hi Jerusalema. Nzi tsakela vanhu va mina; Cima ku nga ta ha zwala ka yena a gezu ga kurila, Hambu gezu ga tihuwa.

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Mika 5:4

I ta yima a gisa a tlhambi hi ntamu wa Jehova, ni wukulu ga vito ga Jehova a Nungungulu wakwe. Va ta aka hi kurula, hakuva lezo i tava wa hombe kala magemetamusi ya misava.

Mika 7:14

Hisa a vanhu va wena hi nhonga ya wena, va nga tiyivu ta tshomba ya wena ti tshamileko toce khwatini ga le Karmeli. A ti gele Baxani ni Gileade khwatsi hi masikwini ya kale. Mitse. 23:9; Deut. 33:28

Mateu 2:6

Na wena Betlehema, tiko ga Juda, A ku tsongwanyani xikari ka ti hosana ta ka Juda; Hakuva hi ka wena ku ta huma mufumeli, Loyi a ta nga maha murisi wa vanhu va mina va Israeli. Mika 5:2; Joh. 7:42; Kuv. 2:27

Mateu 5:4

Va katekile lava va rilako, hakuva va ta chavelelwa.

Johani 10:11

Mina nzi murisi nene. A murisi loyi nene i nyikela kuhanya kakwe hi kota ya tiyivu. Isa. 40:11; Ezek. 34:12, 23

Johani 10:14

Mina nzi murisi nene; nza tiva a tiyivu ta mina, nzi tibyiwa hi tona, 2 Tim. 2:19

Johani 4:10

Jesu i lo hlamula, aku kakwe: Loku u wa xi tivile a xinyikiwo xa Nungungulu, ni lezaku himani a nge ngalo ka wena: Hi nga nziha nzinwa, ngha u kombele yena, zonake ngha na yena a ku nyikile a mati ya kuhanya. Isa. 12:3; Jer. 2:13; Zak. 13:1

Johani 4:11

A wasati aku ngalo kakwe: Hosi, u hava xa kukha ha xona, ni hlowo yi etile; u ta ma kuma kwihi a mati lawo ya kuhanya ke?

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Mitiro 20:28

Ti woneleni nwina, ni ka ntlhambi wontihe, lowu a Moya wa ku Basa a nga mu veka vahlayisi va wona, a ku gisa a bandla ga Hosi, legi yi gi xavileko hi nkhata wa yona. 1 Kor. 12:28; 1 Tim. 4:16; 1 Ped. 1:19

1 Pedro 5:2

Risani a ntlhambi wa Nungungulu lowu mu nga nawo, mu nga wu hlayisi hi kukurumetwa kanilezi hi ku zi ranza; na ku nga hi ku tirela bhinzu, kanilezi hi matsenya; Joh. 21:15-17; 1 Kor. 9:17

Kuvululelwa 14:4

Lava hi vona va nga kala ku ti nyenyezisa hi vavasati, hakuva va basile; hi lava va lanzako Yivana ni kwihi laha yi yako kona. Va xabyilwe vanhwini a kuva mbhanzo wo ranga ka Nungungulu ni ka Yivana. 2 Kor. 11:2; Jak. 1:18; Xip. 5:9

Kuvululelwa 21:22

A nzi wonangi tempeli ka wona; hakuva a tempeli ya wona hi Hosi Nungungulu wa ntamu-wontlhe, zinwe ni Yivana. Joh. 4:23

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20

Kuvululelwa 21:4

I ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa; hakuva a zilo zo sangula zi hunzile. Isa. 25:8; 35:10; 1 Kor. 15:26

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17

Kuvululelwa 22:1

Zonake yi lo nzi komba a congo wa mati ya wutomi, na ma vangamela khwatsi hi kristali, wu huma xitshanwini xa wuhosi xa Nungungulu ni xa Yivana, Ezek. 47:1; Zak. 14:8

Kuvululelwa 4:11

Hosi ya hina ni Nungungulu wa hina, wena u fanele ku amukela kukhesiwa ni kudumiswa ni ntamu; hakuva hi wena u nga vanga zilo zontlhe, hi kota ya kuranza ka wena zi kona, zi vangilwe. Gen. 1:1; Miti. 17:24; Xip. 5:12

Kuvululelwa 5:6

Nzi lo wona a Yivana na yi yimile xikari ka xitshamu xa wuhosi ni mune wa zimahwa zi hanyako, ni xikari ka manghanakana, na yiku khwatsi yi tlhabyilwe. Yi wa hi ni ntlhanu wa timhonzo ni timbiri, ni ntlhanu wa mahlo ni mambiri, ma nga mimoya ya ntlhanu ni mimbiri ya Nungungulu, leyi yi rumilweko misaveni yontlhe. Isa. 53:7; Zak. 3:9; Joh. 1:29