Kuvululelwa 6:11 - Tshwa Bible

¹¹ Ku lo hiwa ka munwe ni munwani wa vona a nguwo yo basa yo leha; va lo byeliwa a kuva va humula xikhatanyana, wu kala wu tatiseka a ntsengo wa malanza-kulobye ni vamakabye lava va ta nga dawa khwatsi hi vona. Tis. 68:17; Maheb. 12:22

Kuvululelwa 6:11 교차 참조

Danieli 12:13

Kanilezi ti fambele u ya rinzela xikhati xa magumo, hakuva U ta humula, zonake u ta vuka u amukela a xiavelo xa wena a kumbheleni ka masiku.

Mateu 10:21

A munhu i ta nyikela nakulobye kufeni, ni raru i ta nyikela nʼwana wakwe; a vanana va ta vukela vabeleki vabye, va va dayisa.

Luka 15:22

Kanilezi a raru wakwe i te ngalo ka malanza yakwe: Hatlisani, mu neha a nguwo yo saseka nguvu, mu mu ambexa; mu mu mehela a phera litihweni lakwe, ni zilato mikonzweni yakwe;

Johani 16:2

Va ta mu hlongola masinagogeni; kunene, xa hata xikhati laha munwe ni munwani loyi a mu dayako, a ta nga alakanya lezaku i tirela Nungungulu. Xip. 9:22; Miti. 26:9, 10

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

2 Va le Tesalonika 1:7

Ni ku nyika nwina lava mu xanisekako a ku humula zinwe na hina, laha Hosi Jesu a ta nga wonekeliswa hi le tilweni zinwe ni tingelosi ta ntamu wakwe phingweni ga nzilo, Kuv. 14:13

2 Timote 4:7

Nzi lwile a kulwa ko saseka, nzi mbhetile a kutsutsuma ka mina, nzi gongole a kukholwa.

Maheberu 11:40

hakuva Nungungulu i hi longiselele a xilo xi nene xe hunzeleta, lezaku a va na ku mbheleliswa na hina hi nga hi kona.

Maheberu 12:23

ni le hlengeletanweni ya hombe, ni ka bandla ga matewula ma tsalilweko le tilweni, ni ka Nungungulu a nga Mulamuli wa vontlhe, ni ka mimoya ya vanhu va lulamileko va mbhelelisilweko, Lu. 10:20; Fil. 3:12; Kuv. 14:4

Maheberu 4:10

Hakuva yena loyi a enghenileko kuhumuleni ka Nungungulu, i humule na yena mitirweni yakwe, kota lezi Nungungulu a nga humula ka yakwe.

Kuvululelwa 10:6

yi hlambanya hi loyi a hanyako kala kupinzuka ni kupinzuka, loyi a nga vanga tilo ni lezi zi nga ka gona, ni misava ni lezi zi nga ka yona, ni bimbi ni lezi zi nga ka gona, yiku: A xa ha hi kona xikhati kambe. Neh. 9:6; Dan. 12:7; Xip. 16:17

Kuvululelwa 13:15

Zonake xi lo kuma ntamu wa ku nyika kuhefemula ka xifananiso xa xihari, lezaku a xifananiso xa xihari xi ta zi kota ku wulawula, ni kuva va dawa vontlhe lava va nga kala ku khozela a xifananiso xa xihari.

Kuvululelwa 14:13

Nzi lozwa a gezu ga le tilweni, giku: Tsala uku: Va katekile a vafileko lava va felako Hosini ku sukela lezi! A Moya wuku: Ina, va ta humula mitirweni yabye, hakuva a mitiro yabye ya va lanzela. 1 Tes. 4:16; 2 Tes. 1:7; Maheb. 4:9, 10

Kuvululelwa 17:6

Nzi lo wona wasati na a popilwe hi nkhata wa vobasa, ni nkhata wa vakustumunyu va Jesu; nzi su hlamala nguvu. Xip. 6:9, 10; 13:15; 18:24

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9

Kuvululelwa 7:9

Anzhako ka lezo nzi lo cuwuka, nzi wona a xidlemo xa tsanza-vahlayi, xa matiko wontihe, ni tixaka, ni mifumo, ni tirimi, na xi yimile mahlweni ka xitshamu xa wuhosi ni mahlweni ka Yivana, na va ambele a tinguwo to basa to leha, na va hi ni micinzu mandleni yabye; Rom. 11:25; Xip. 3:5, 18; 5:9; 6:11