Kuvululelwa 3:19 - Tshwa Bible

¹⁹ Nzi kawuka ni ku tsayisa vontlhe lava nzi va ranzako; hikwalaho pinyama u hunzuluka. Mav. 3:11; Maheb. 12:5

Kuvululelwa 3:19 교차 참조

2 Samueli 7:14

Nzi tava raru wakwe, yenawu i tava nʼwana wa mina. Ku taku loku a maha za kubiha nzi mu tsayisa hi nhonga ya vanhu, ni limhika la vanana va vanhu, 1 Kro. 22:10; Maheb. 1:5; Kuv. 21:7

Joba 5:17

Langutani, i katekile munhu loyi Nungungulu a mu lulekako: Hikwalaho u nga soli a xitsayiso xa Nyamintamu. Maheb. 12:5; Jak. 1:12; Kuv. 3:19

Tisimu 39:11

Loku u tsayisa munhu hi kota ya kubiha, U maha wukosi gakwe gi mbhela khwatsi hi loku gi giwa hi tisumba; Kunene, vanhu vontlhe kuhefemula ntsena. (Sela.)

Tisimu 6:1

Jehova, u nga nzibi zangeni ya wena, U nga nzi tsayisi hi kota ya kutsanwa ka wena. Tis. 38:2; Jer. 10:24

Tisimu 69:9

Hakuva a ku pangamela a yindlu ya wena ku nzi mitile; Ni ziruko za lava va ku rukatelako zi nzi wele. Joh. 2:17; Rom. 15:3

Tisimu 94:10

Loyi a layako a matiko ni ku nyika munhu wutlhari, A nga ta tsayisa ke?

Mavingu 15:10

A kukawukwa ka bayisa ka loyi a tsikako ndlela; i loyi a alako ziluleko i tafa.

Mavingu 15:32

Loyi a alako gonziselelo i kanyisa muhefemulo wakwe; anilezi loyi a ingisako ziluleko i kuma kupimisisa.

Mavingu 22:15

A wupumbu gi namarela mbilwini ya nwanana; anilezi a nhonga ya tsayiselelo yi ta gi susa ka yena.

Isaya 26:16

Jehova, va ku langutele kukaratekeni kabye, Laha u nga va tsayisa va lo rilela ka wena.

Jeremia 10:24

O Jehova, nzi tsayise, Kanilezi hi lipimo li nzi ringeneko, Na ku nga hi zanga ya wena, lezaku u nzi lovisa. Tis. 6:1; 38:2

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Jeremia 30:11

Hakuva nzi zinwe na wena, Kasi ku ku hanyisa, ku wula Jehova. Hakuva nzi ta mbhetisa wontihe a matiko Lawo nzi ku hangalasileko ka wona; Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 31:18

Nzi zwile Efraime ku ti tsetsa, aku: U nzi tsayisile, nzi kwapiwa A ku fanana ni nkuzana yi nga tolovelangiko a muyoko; Nzi hunzuluse, kasi nza wuya, Hakuva hi wena Jehova Nungungulu wa mina.

Jeremia 7:28

Zonake wena u ta wula kabye, uku: Legi i tiko gi nga ingisiko a gezu ga Jehova a Nungungulu wabye, hambu ku amukela a ziluleko. A kutsumbeka ku hava, ku susilwe a milonwini yabye.

Zefania 3:2

A wu ingisangi gezu ni ginwe, a wu amukelangi a ziluleko, a wu tsumbangi Jehova, a wu tshinelangi ka Nungungulu wa wona.

Mateu 25:7

A vanhwana vontlhe va lo vuka, va longisa tikandiya tabye. Lu. 12:35

Johani 2:17

Zonake a vapizani vakwe va lo alakanya lezaku ku tsalilwe ku ngalo: A ku pangamela a yindlu ya wena ku ta nzi nwalala. Tis. 69:9

Va le Roma 12:11

Mu nga lolohi kupinyameni ka nwina; vurani moyeni, mu tirela a Hosi. Kuv. 3:15

1 Va le Korinte 11:32

Kanilezi loku hi lamulwa hi biwa hi Hosi, kasi hi fela ku kala hi nga koneki zinwe ni misava. Joba 5:17; Am. 3:2

2 Va le Korinte 6:9

a ku khwatsi hi lava va nga tibyiwiko, kasi lezo ha tibyiwa khwatsi; aku khwatsi hafa, kasi lezo ha hanya; aku khwatsi ha tsayiswa, kasi lezo a hi dawi; Tis. 118:18; 1 Kor. 4:9; Xip. 5:11

2 Va le Korinte 7:11

Langutani, lezi mu nga cheliwa a wusiwana ga lixaka leli a li ranzako Nungungulu; kupangama ka ku yini ku nga tira xikari ka nwina; ina, ni kutihlamulela ka ku yini; ina, i zanga ya ku yini; ina, kuchava ka ku yini; ina, kunavela ka ku yini; ina, kupinyama ka ku yini; ina, kutsayisa ka ku yini! Mu kombisile hi zontlhe lezaku a mu na nanzu mhakeni leyi.

Va le Galatia 4:18

Kanilezi zi sasekile xontlhe xikhati a ku pinyamelelwa hi zo saseka, na ku nga hi loku nzi hi kona zinwe na nwina ntsena.

Deuteronome 8:5

Vumela lomu mbilwini ya wena lezaku Jehova Nungungulu wa wena a ku laya, khwatsi hi munhu a layako nwanana wakwe.

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

Kuvululelwa 2:5

Hikwalaho alakanya laha u wileko ha kona, u hunzuluka, u maha mitiro yo sangula; loku u nga mahi lezo nzi tata ka wena, nzi ta susa a meza ya wena ya kandiya a wutshanwini ga yona, loku u nga hunzuluki. Mat. 21:41