Kuvululelwa 3:12 - Tshwa Bible

¹² Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

Kuvululelwa 3:12 교차 참조

1 Tihosi 7:21

Zonake i lo yimisa timhanze leti timbiri laha nyangweni ya yindlu. A mhanze leyi a nga yi yimisa tlhelo ga xinene i lo yi chula vito ga Jakina, ni leyi ya tlhelo ga xibhabha i lo yi chula vito ga Boazi.

Tisimu 46:4

Wu kona a congo lowu a mati ya wona ma nengelisako a muti wa Nungungulu, A wuakelo go basa ga Loyi a Hunzeleleko Kutlakuka.

Tisimu 48:8

Lezi hi nga zizwa, hi zi wonile Lomu mutini wa Jehova wa tiyimpi, A mutini wa Nungungulu wa hina; Jehova i ta wu lonzowota kala kupinzuka. (Sela.)

Tisimu 87:3

A timhaka ta wudzunzo ta wulawuliwa ha wena, Muti wa Nungungulu. (Sela.) Isa. 2:2; Mika 4:1-4

Isaya 62:2

A vamatiko va ta wona kululama ka wena, Ni tihosi tontlhe ti ta wona kungangamela ka wena; Wena u ta vitaniwa hi vito giswa, Legi gi ta nga chuliwa hi nomu wa Jehova.

Isaya 65:15

A vito ga nwina gi ta sala gi hi xiruko xikari ka vahlawulilweko va mina, Hosi Jehova i ta ku daya, Zonake i ta nyika malanza yakwe a ginwani vito. Jer. 29:22; Kuv. 2:17

Jeremia 1:18

Hakuva, nyamutlha nzi ku mahile a kuva a muti wa khokhola, ni mhanze ya xiketse, ni khurisi ga suku a mahlweni ka tiko gontlhe, a mahlweni ka tihosi ta ka Juda ni tihosana ta kona, ni mahlweni ka vapristi ni vanhu va tiko.

Ezekieli 40:49

A kuleha ka ligumbagumba ku wa hi 20 wa mikono, a kuanama ka lona ku wa hi 11 wa mikono. A kuenghena ka lona va wa kanziha hi zikanzihelo. Ku wa hi ni timhinga kusuhani ni timhanze, yinwe hi tlhelo ga seno, a yinwani hi tlhelo ga seniya.

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Marku 12:16

Va yi neha. I te ngalo kabye: Ngwa mani a mufananiso lowu ni kutsala loku ke? Vaku ngalo kakwe: Za Kesari.

Va le Galatia 2:9

laha na va wonile a tipswalo leti nzi nyikilweko tona, Jakobe na Kefasi na Johani lava va tibyiwako lezaku timhanze, va lo nyika mina na Barnabasi a mandla ya xinene ya wunakulobye, lezaku hina hiya ka vamatiko, na vona vaya ka lava va zitshiva. Mat. 16:18; Rom. 1:5; 12:3; Kuv. 21:14

Va le Efesusi 3:15

loyi a mingango yontlhe ya le tilweni ni ya laha misaveni yi chuliwako ha yena, Fil. 2:9

Maheberu 12:22

Kanilezi nwina mu tile xitsungeni xa Zioni, ni le mutini wa Nungungulu a hanyako, a Jerusalema ga le tilweni, ni ka tingelosi ti nga hlayiwiko, Fil. 3:20; Kuv. 3:12

Maheberu 13:14

Hakuva seno a hi na muti wu simamisako, kanilezi hi lava lowu wu ta ngata. Mika 2:10; Fil. 3:20

1 Johani 4:4

Vana vanga, nwina mu va Nungungulu, mu hlulile a vaprofeti va mawunwa; hakuva loyi a nga ka nwina ngwa hombe a ku hunza loyi a nga laha tikweni. Joh. 14:30

Kuvululelwa 14:1

Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 2:11

Loyi a nga ni tindleve, ngha a ingisa lezi a Moya wu byelako mabandla. Loyi a hlulako a nga ta bayiswa hi kufa ka wumbiri. Xip. 20:14; 21:8

Kuvululelwa 2:17

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a manna ma fihlilweko, nzi mu nyika ni ribye go basa, legi ku tsalilweko ka gona a vito giswa; a ku na munhu a gi tivako, saseka loyi a gi amukelako. Xip. 19:12

Kuvululelwa 2:7

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a kuva aga sinya ya wutomi, leyi yi nga kona Paradiseni ga Nungungulu. Gen. 2:9; Mat. 11:15; Xip. 22:2, 14

Kuvululelwa 21:2

Nzi lo wona muti wo basa, a Jerusalema giswa, na gi relela hi le tilweni ka Nungungulu, na gi longisilwe kota muswika a bombiselweko nuna wakwe. Isa. 52:1; 2 Kor. 11:2; Maheb. 12:22

Kuvululelwa 22:4

Ma ta wona nghohe yakwe, ni vito gakwe gi ta tsaliwa zimombyeni zabye. Mat. 5:8; 1 Joh. 3:2; Xip. 14:1

Kuvululelwa 3:5

Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3