Kuvululelwa 22:14 - Tshwa Bible

¹⁴ Va katekile lava va hlazako tinguwo tabye, lezaku va fela kuva ni ntamu wa kuga a sinya ya wutomi, va enghena mutini hi tinyangwa ta wona. Dan. 12:12

Kuvululelwa 22:14 교차 참조

Genesisi 2:9

Jehova Nungungulu i lo milisa laha misaveni tontlhe tisinya ti sasekileko kucuwukekeni, na ti sasekile ku giwa; ni sinya ya wutomi xikari ka simu, ni sinya ya ku tiva kusaseka ni kubiha.

Genesisi 3:22

Jehova Nungungulu aku ngalo: Languta, munhu i hunzukile, i kota hina a kutiveni ka kusasa ni kubiha; ku nga taku a nawuluta a canja gakwe a khaya sinya ya wutomi aga, a hanya kala kupinzuka.

Tisimu 112:1

Dumisani Jehova! I katekile a munhu loyi a chavako Jehova, Loyi a tsakelako nguvu milayo yakwe.

Tisimu 118:20

A nyangwa ya Jehova hi leyi, A vakululama va ta enghena ha yona.

Eksodusi 19:10

Jehova i te ngalo ka Mosi: Famba ka vanhu u ya va basisa nyamutlha na manziko, va hlaza tinguwo tabye;

Danieli 12:12

I katekile loyi a rinzelako kala a chikela ka 1,335 wa masiku.

Johani 10:7

Hikwalaho Jesu i lo engeta aku ka vona: Hizinene nziku ka nwina: Mina nzi nyangwa ya tiyivu.

Johani 10:9

Mina nzi nyangwa, loku munhu a enghena ha mina, i ta hanyiswa; i ta enghena a huma, a kuma mikova. Xip. 14:6; Efe. 2:18

Johani 14:15

Loku mu nzi ranza, mu ta hlayisa milayo ya mina. 1 Joh. 5:3

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 4:12

Xana wena u wa hombe ku hunza a dadani wa hina Jakobe, loyi a nga hi nyika leyi hlowo ke, a nganwa kona yena, ni vana vakwe, ni mintlhambi yakwe?

1 Va le Korinte 7:19

A wutshiva a hi nchumu, ni wuhkhuna a hi nchumu; a xa hombe hi ku hlayisa a milayo ya Nungungulu. Joh. 15:14; Gal. 6:15; Kol. 3:11; 1 Joh. 2:8

1 Va le Korinte 8:9

Kanilezi tlharihani, hakuva a kutlhatlheka ka nwina ku nga dzuka ku maha xikhunguvanyiso ka lava va nga ni gome.

1 Va le Korinte 9:5

A hi na fanelo hina ku fambafamba na hi hi ni sati loyi a nga mukholwa, a ku khwatsi hi vanwani vapostoli, ni vanakulobye va Hosi, na Kefasi ke? Mat. 8:14; 13:55; Mar. 6:3; Lu. 6:15; Gal. 1:19

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

1 Johani 3:3

Ni wihi loyi a nga ni kutsumba loku ha yena, wa ti basisa, kota lezi yena a basileko.

1 Johani 5:3

Hakuva a ku mu ranza Nungungulu hi ku hlayisa milayo yakwe; ni milayo yakwe a yi karati. Mika 6:8; Joh. 14:15, 21, 23

Kuvululelwa 2:7

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a kuva aga sinya ya wutomi, leyi yi nga kona Paradiseni ga Nungungulu. Gen. 2:9; Mat. 11:15; Xip. 22:2, 14

Kuvululelwa 21:12

Wu wa ranzelwe hi ligingisi la hombe lo leha, li nga ni khume ga tinyangwa ni timbiri, ni laha tinyangweni ku wa yimile khume ga tingelosi ni timbiri; le hehla ka tinyangwa ku wa tsalilwe mavito, lawa ma nga mavito ya khume ga tixaka ni timbiri ta vanana va ka Israeli. Ezek. 48:31-34

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5

Kuvululelwa 22:2

wu khulunga xikari ka maphango ya muti. Seno ni seno ka congo ku wa hi ni sinya ya wutomi, leyi yi pswalako mihanzu ya khume ni yimbiri, a ku kheta hi tihweti; ni matluka ya sinya ma wa tira ku holisa matiko. Gen. 2:9; Ezek. 47:12; Xip. 2:7

Kuvululelwa 22:7

Languta, nzata lokuloku. I katekile loyi a hlayisako a kuprofeta ka legi bhuku. Xip. 3:11

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9