A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1
A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.
Hilezo i ta dzukisa a matiko manyingi; A tihosi ti ta su kaye mahlweni kakwe, Hakuva ti ta wona lezi ti kalako ti nga se ku byeliwa, Ti gonza lezi ti kalako ti nga se ku zizwa.
Kota lezi a vula ni gapongo zi nako hi le tilweni, Zi nga tlheliko na zi nga se ku tsakamisa misava, Zi yi nonisa ni ku yi milisa, Kasi ya nyika mbewu ka mubyali, ni zakuga ka mugi;
Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.
A wukosi ga Lebanoni gi tata ka wena, A kipres ni pinyero ni seringa khatiginwe, Kasi ku bombisa a wutshamu ga mina gi basileko; Nzi ta ngangamelisa a wutshamu legi ku yimileko ka gona a milenge ya mina.
U ta anwa a mafi ya matiko, Ina, u ta anwa a mavele ya tihosi; Zonake u ta zi tiva lezaku mina Jehova nzi Muhanyisi wa wena Ni Mutiruli wa wena, a Nyamintamu wa ka Jakobe.
Hakuva nza yi tiva mitiro yabye ni maalakanyo yabye. A xikhati xata laha nzi ta nga tsombanyisa a matiko wontihe ni tirimi; va tata va ta wona kungangamela ka mina.
Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17
A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.
lezaku nzi tava xitiri xa Jesu Kristu xikari ka vamatiko, nzi khozela kota mupristi wa ivangeli ya Nungungulu, lezaku a vamatiko vave a munyileko wu amukelekako, na wu basisilwe hi Moya wa ku Basa. Gal. 2:7, 9; 1 Tim. 2:7
Hakuva a va le Makedonia ni va le Akaia va xuvile ku maha hlengo, kasi ku vunetela lava va vumalako xikari ka vobasa va le Jerusalema. 1 Kor. 16:1; 2 Kor. 8:1; 9:2
Bhumani nwina matiko, yimbelelani hi kutsaka zinwe ni vanhu vakwe, Hakuva Nungungulu i tlhelisele a nkhata wa malanza yakwe, Wa ti photela hehla ka valala vakwe, I maha nzhiho hi kota ya misava yakwe, ni vanhu vakwe. Tis. 9:13; Rom. 15:10; Kuv. 19:2
wu khulunga xikari ka maphango ya muti. Seno ni seno ka congo ku wa hi ni sinya ya wutomi, leyi yi pswalako mihanzu ya khume ni yimbiri, a ku kheta hi tihweti; ni matluka ya sinya ma wa tira ku holisa matiko. Gen. 2:9; Ezek. 47:12; Xip. 2:7
