Kuvululelwa 21:23 - Tshwa Bible

²³ Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20

Kuvululelwa 21:23 교차 참조

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Isaya 2:10

Enghena xitsungeni, u fihlala lomu tshurini, mahlweni ka kuchaviseka ka Jehova, ni kungangamela ka wukulu gakwe.

Isaya 2:19

A vanhu va ta tsutsumela timhakweni ta maribye, ni lomu minkeleni ya misava, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 2:21

loku va tsutsumela lomu timhakweni ta maribye ni mikovotlweni ya zitsunga, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Habakuka 3:3

Nungungulu wata hi le Temani, Loyi wa ku Basa wata hi le xitsungeni xa Parani. (Sela.) A kungangamela kakwe ku fenengeta a matilo, A misava yi tele hi kudumiswa kakwe. Ekso. 19:16; Deut. 33:2

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Marku 8:38

Hakuva loyi a nga ni tingana ha mina ni timhaka ta mina xizukulwaneni lexi xa wubhayi ni kuonha, a Nʼwana wa munhu kambe i tava ni tingana ha yena, laha a ta nga wuya hi kungangamela ka Raru wakwe, zinwe ni tingelosi to basa. Mat. 10:33; Lu. 9:26; 2 Tim. 1:8

Luka 2:32

A kuwonekela ka ku woninga a vamatiko, Ni wudzunzo ga vanhu va wena va Israeli. Isa. 9:2; 60:1, 2, 3; Miti. 13:47

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 1:4

A kuhanya ku wa hi ka yena; ni kuhanya ku wa hi kuwonekela ka vanhu. Xip. 8:12; 1 Joh. 5:11

Johani 1:9

A kuwonekela ka zinene, loku ku woningako vanhu vontlhe, ku wa kari kuta misaveni. Isa. 49:6

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Johani 5:23

kasi vontlhe va fela kuva ni xichawo hi Nʼwana, kota lezi va nga ni xichawo hi Dadani. Loyi a nga hiko na xichawo hi Nʼwana, a nga chavi ni Dadani loyi a mu rumileko. 1 Joh. 2:23

Mitiro 22:11

Laha nzi nga tsanzeka ku wona hi kota ya kungangamela ka kuhatima loko, lava nzi nga hi navo va lo nzi koka hi canja, nzi kala nzi chikela le Damasku.

Kuvululelwa 14:4

Lava hi vona va nga kala ku ti nyenyezisa hi vavasati, hakuva va basile; hi lava va lanzako Yivana ni kwihi laha yi yako kona. Va xabyilwe vanhwini a kuva mbhanzo wo ranga ka Nungungulu ni ka Yivana. 2 Kor. 11:2; Jak. 1:18; Xip. 5:9

Kuvululelwa 18:1

Anzhako ka lezo nzi lo wona yinwani ngelosi yi relela hi le tilweni, yi hi ni ntamu wa hombe; ni misava yi lo woningwa hi kungangamela ka yona. Ezek. 43:2

Kuvululelwa 21:11

wu hi ni kungangamela ka Nungungulu. Wu lo hatima khwatsi hi ribye ga ntsengo wa hombe, a ku fanana ni ribye ga jasperi, na gi basisile ku khwatsi hi kristali. Xip. 22:5

Kuvululelwa 21:25

A tinyangwa ta wona cima ti nga ta valwa laha hlikanhini, (hakuva ku nga tava kona wusiku ka wona,) Isa. 60:11, 20; Zak. 14:7

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17

Kuvululelwa 5:6

Nzi lo wona a Yivana na yi yimile xikari ka xitshamu xa wuhosi ni mune wa zimahwa zi hanyako, ni xikari ka manghanakana, na yiku khwatsi yi tlhabyilwe. Yi wa hi ni ntlhanu wa timhonzo ni timbiri, ni ntlhanu wa mahlo ni mambiri, ma nga mimoya ya ntlhanu ni mimbiri ya Nungungulu, leyi yi rumilweko misaveni yontlhe. Isa. 53:7; Zak. 3:9; Joh. 1:29

Kuvululelwa 7:17

Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8