Kuvululelwa 21:15 - Tshwa Bible

¹⁵ Loyi a nga kari a wulawula na mina i wa hi ni lipimo lo khwatsi lihlanga la nzalama lo pima ha lona muti, ni tinyangwa ta wona, ni ligingisi la wona. Ezek. 40:3; Zak. 2:1

Kuvululelwa 21:15 교차 참조

Ezekieli 40:3

I lo nzi yisa lomo, languta, ku wa hi ni munhu loyi a nga woneka kota suku. I wa yimile laha nyangweni na hi ni ngoti ya wukene canjeni gakwe, ni lihlanga lo pima ha lona. Zak. 2:1; Kuv. 21:15

Zakaria 2:1

Nzi na su tlaku mahlo ya mina, nzi wona a wanuna na hi ni lingoti la lipimo canjeni gakwe.

Zakaria 2:2

Nziku kakwe: uya kwihi? Yena aku ka mina: Nzi famba nzi ya pima Jerusalema, nzi ta wona a kuanama ni kuleha ka gona.

Kuvululelwa 21:12

Wu wa ranzelwe hi ligingisi la hombe lo leha, li nga ni khume ga tinyangwa ni timbiri, ni laha tinyangweni ku wa yimile khume ga tingelosi ni timbiri; le hehla ka tinyangwa ku wa tsalilwe mavito, lawa ma nga mavito ya khume ga tixaka ni timbiri ta vanana va ka Israeli. Ezek. 48:31-34

Kuvululelwa 21:16

A muti wu na ni mune wa matlhelo, a kuleha ka wona ku ringana ni kuanama. Yi lo pima a muti hi lihlanga, wu hi ni 12,000 wa mastadiu, a kuleha ni kuanama ni kutlakuka ka wona ku wa ringana.

Kuvululelwa 21:21

A tinyangwa leti ta khume ni timbiri ti wa hi khume ga maperola ni mambiri; a nyangwa yinwe ni yinwani yi hi perola ginwe. A maphango ya muti ma wa hi nzalama yi basileko, yo fanana ni vidro go vangamela.

Kuvululelwa 21:25

A tinyangwa ta wona cima ti nga ta valwa laha hlikanhini, (hakuva ku nga tava kona wusiku ka wona,) Isa. 60:11, 20; Zak. 14:7