Kuvululelwa 21:11 - Tshwa Bible

¹¹ wu hi ni kungangamela ka Nungungulu. Wu lo hatima khwatsi hi ribye ga ntsengo wa hombe, a ku fanana ni ribye ga jasperi, na gi basisile ku khwatsi hi kristali. Xip. 22:5

Kuvululelwa 21:11 교차 참조

Joba 28:17

A nzalama ni kristali a zi ringani nago; A gi na ku xabyiwa hi zibya za nzalama yi hlutilweko.

Isaya 4:5

Hehla ka gontlhe a wuakelo ga xitsunga xa Zioni, ni hehla ka gotsovanyano wakwe, Jehova i ta vanga a refu ni musi laha hlikanhini, ni langavi ga nzilo laha wusikwini, hakuva hehla ka kungangamela kontlhe ku ta andlaliwa a xikhubhunyeto.

Ezekieli 1:22

Le hehla ka tihloko ta zivangwa ku wa hi ni xo fanana ni mpfuka wa tilo, wu nga hi ni muvala kukotisa kristali yo hatima nguvu, wu andlelweko hehla ka tihloko ta zona.

Ezekieli 1:26

Le hehla ka mpfuka wu nga hi hehla ka tihloko ta zona, ku wa hi ni xo fanana ni xitshamu xa wuhosi xi nga ku khwatsi hi ribye ga safira; ni hehla ka lexi xi nga fanana ni xitshamu xa wuhosi ku wa hi ni xe fanana ni munhu. Ekso. 24:10; Dan. 7:9; Kuv. 4:2

Ezekieli 28:16

Laha u nga kari u maha wukwewu go tala u lo tala hi tihanyi, uwa xionhweni. Hikwalaho nzi ku hlongole xitsungeni xa Nungungulu kota loye a nyenyezileko; nzi ku lovisile lomu xikari ka maribye ma kwezimako, wena kerubima gi ungamelako.

Ezekieli 43:2

Nzi lo wona a kungangamela ka Nungungulu wa ka Israeli na kuta hi le Mutsuwuka-gambo. A gezu gakwe gi wa ku khwatsi i guwa ga mati yo tala; a misava yi ngangamela hi wukosi gakwe.

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Kuvululelwa 15:8

Zonake a tempeli yi lo tala hi musi wu humako kungangameleni ka Nungungulu ni ntanwini wakwe; ku wa nga hi kona ni munwe a nga zi kota ku enghena tempeleni kala zi tatiseka a ntlhanu wa zixaniso ni zimbiri za tingelosi leti ta ntlhanu ni timbiri. Ekso. 40:34; Isa. 6:42; Tes. 1:9

Kuvululelwa 22:1

Zonake yi lo nzi komba a congo wa mati ya wutomi, na ma vangamela khwatsi hi kristali, wu huma xitshanwini xa wuhosi xa Nungungulu ni xa Yivana, Ezek. 47:1; Zak. 14:8

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17

Kuvululelwa 4:3

Loyi a tshamileko ka xona i lo woneka ku khwatsi i ribye ga jasperi ni sardisi; ni wura ga nyazimu gi lo renzelekela a xitshamu xa wuhosi, gi woneka ku khwatsi i ribye ga emeraldi. Ezek. 1:28

Kuvululelwa 4:6

A mahlweni xa xitshamu xa wuhosi ku wa hi kona xo khwatsi i bimbi ga vidro go kota kristali. Lomu matlhelweni wontihe ya xitshamu xa wuhosi ku wa hi ni mune wa ximahwa zi hanyako, na zi tele hi mahlo seno mahlweni ni lenzhako. Ezek. 1:5; Xip. 15:2