Kuvululelwa 20:4 - Tshwa Bible

⁴ Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16

Kuvululelwa 20:4 교차 참조

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Danieli 7:18

Kanilezi a vobasa va Loyi a Hunzeleleko Kutlakuka va ta nyikwa mufumo va fuma kala kupinzuka ni kupinzuka.

Danieli 7:22

kala ata leyi wakale hi masiku, a ta lamulela a vobasa va Loyi a Hunzeleleko Kutlakuka; ku lo chikela a xikhati lexi a vobasa va nga hiwa mufumo.

Danieli 7:27

A mufumo ni ntamu ni wukulu ga mifumo yontlhe lahasi ka tilo zi ta nyikiwa a tiko ga vobasa va Loyi a Hunzeleleko Kutlakuka. A mufumo wakwe ngwa simasima, a matiko wontihe ma ta mu tirela ma mu ingisa.

Danieli 7:9

Na nzi kari nzi cuwuka ku lo vekiwa zitshamu za wuhosi, a wakale ka masiku i lo tshama. A tinguwo takwe ti wa basile ku fana ni gapongo, a misisi yakwe yi wa basile ku fana ni woya gi hlazilweko ga yivu. A xitshamu xakwe xa wuhosi xi wa fana ni malangavi ya nzilo, ni maranzani ya xona ma wa hi ya nzilo wu vurako. Kuv. 1:14; 4:2

Malaki 4:5

Langutani, nzi ta mu rumela muprofeti Elija hi mahlweni na gi nga se kuta a siku ga Jehova, leʼga hombe gi chavisekako. Mat. 11:14; Mar. 9:11; Lu. 1:17

Mateu 19:28

Jesu i lo va hlamula, aku: Hizinene nziku ka nwina: Hi xikhatini xa ku vuxetwa luswa ka zontlhe, laha a Nʼwana wa munhu a ta nga tshama xitshanwini xakwe xa wuhosi, nwina lava mu nzi lanzeleko mu ta tshama ka 12 wa zitshamu za wuhosi, mu lamula a 12 wa tixaka ta Israeli.

Mateu 24:10

Kwalaho ku ta khubeka vanyingi; va ta nyiketana ni ku vengana.

Marku 6:16

Kanilezi laha Herodi na zi zwile, i te ngalo: Hi Johani, loyi nzi nga mu tsema hloko, i vukile hi ka vafileko. Mat. 14:2; Lu. 3:19

Marku 6:27

Zalezo yi lo rumela ginwe ga masochwa yakwe, yi gi laya ku neha hloko ya Johani; gi lo famba gi ya mu tsema hloko lomo paxweni,

Marku 9:11

Va lo mu wutisa, vaku: Hi yini a vatsali va nge ngalo, Elija i fanele ku ranga ata ke? Mal. 4:5; Mat. 17:10

Luka 1:17

Yena i ta ranga mahlweni kakwe hi moya ni ntamu wa Elija, a kuva a hunzulusa a timbilu ta vararu ka vana vabye, lava va hluwukileko a va tlhelisa wutlharini ga valulamileko; ni ku yi longisela Hosi a vanhu va longiselweko yona. Mal. 4:5; Mat. 11:14

Luka 14:14

zonake u ta kateka, hakuva va vumala za ku ku tlhelisela ha zona; hakuva u ta tlheliselwa a kuvukeni ka valulamileko.

Luka 22:30

kasi ma fela kuga ni kunwa mezeni ya mina le mufunweni wa mina; mu ta tshama zitshanwini za wuhosi, mu lamula khume ga tixaka ni timbiri ta Israeli. Tis. 49:14; Mat. 8:11; Kuv. 19:9

Johani 14:19

Ka ha hi xikhatanyana, zonake a tiko gi nga ta ha nzi wona; kanilezi nwina mu ta nzi wona, hakuva nza hanya, na nwina mu ta hanya. Xip. 16:16; 1 Kor. 15:20

Va le Roma 11:15

Hakuva loku a kuhoxiwa kabye ku hunzukile kuva a kutlhanganyiswa ka misava, xana a kuamukelwa kabye ku tava yini? ku tava kuhanya ka kuvuxiwa hi ka vafileko.

Va le Roma 8:17

Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18

2 Timote 2:12

loku hi timisela, hi ta fuma zinwe naye; kanilezi loku hi mu kaneta, yenawu i ta hi kaneta. Mat. 10:33; Mar. 8:38; Rom. 8:17; 1 Ped. 4:13

Kuvululelwa 1:2

loyi a mahako wukustumunyu makunu hi mhaka ya Nungungulu ni wumboni ga Jesu Kristu, hi zilo zontlhe lezi a zi wonileko. 1 Kor. 1:6; 1 Joh. 1:1

Kuvululelwa 1:9

Mina makabye wa nwina Johani, tlhelo xihlengeli-kuloni kuxanisekeni ni le mufunweni ni kuhoniseleni loku ku nga ka Jesu, nzi wa hi le xihlaleni xi tibyako Patmosi, hi kota ya mhaka ya Nungungulu ni wukustumunyu ga Jesu. 2 Tim. 2:19; Fil. 1:7

Kuvululelwa 11:11

Loku ku hunzile masiku manharu ni khihlanya a moya wa wutomi wu tako hi ka Nungungulu wu lo enghena ka vona, va yima hi milenge yabye; ni lava va nga va wona va lo telwa hi kuchava ka hombe. Ezek. 37:5, 9, 10, 14

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

Kuvululelwa 11:7

Zonake loku va hetile wukustumunyu gabye a xihari lexi xi humako nkeleni wa lieswila xi talwa navo, xi va hlula, xi va daya. Dan. 7:21; Xip. 17:8

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Kuvululelwa 14:11

A musi wa kuxaniseka kabye wu tuvika kala kupinzuka ni kupinzuka; a va na kuhumula mumu ni wusiku lava va khozelako xihari ni xifananiso xa xona, ni wihi loyi a tekako a xifungo xa vito ga xona. Isa. 34:10

Kuvululelwa 15:2

Nzi lo wona xo khwatsi i bimbi ga vidro gi patsilweko ni nzilo; nzi wona ni lava va nga hlula xihari ni xifananiso xa xona, ni xihlayo xa vito ga xona, na va yimile mbhirini ya bimbi ga vidro, na va hi ni magubhu ya Nungungulu mandleni yabye. Xip. 13:15-17; 21:18

Kuvululelwa 17:8

A xihari lexi u xi wonileko xi wa hi kona, kanilezi a xa ha hi kona; xi lava ku huma hi lomu nkeleni wa lieswila, xiya kulobyisweni. A vaaki va misava lava a mavito yabye ma nga tsaliwangiko bhukwini ga wutomi kusukela kuvangiweni ka misava, va ta hlamala loku va wona xihari, hakuva xi wa hi kona, zonake a xa ha hi kona, kasi xi ta tlhela xiva kona. Xip. 11:7; 13:8, 10

Kuvululelwa 2:26

Loyi a hlulako, a kholeka mitirweni ya mina kala kugumesa, nzi ta mu nyika ntamu hehla ka matiko. Mat. 19:28; Joh. 6:29; 1 Kor. 6:3

Kuvululelwa 20:6

I katekile i basile loyi a nga ni xiavelo kuvukeni ko sangula, a kufa ka wumbiri a ku na ntamu hehla ka vakunghaho; kanilezi va tava vapristi va Nungungulu ni va Kristu, va ta fuma naye 1,000 wa malembe. Isa. 61:6; 1 Ped. 2:9; Xip. 2:11

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17

Kuvululelwa 3:21

Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2

Kuvululelwa 4:4

A xitshamu xa wuhosi xi wa ranzelwe hi 24 wa zitshamu za wuhosi; a hehla ka zona ku wa tshamile a 24 wa manghanakana, na ma ambele a tinguwo to basa, ma hi ni zidlodlo za nzalama tihlokweni ta wona.

Kuvululelwa 6:9

Laha yi nga namula a xifungo xa wuntlhanu, nzi lo wona lahasi ka alati a mihefemulo ya lava va delweko hi kota ya mhaka ya Nungungulu, ni wukustumunyu legi va nga hi nago. Tis. 40:3; Dan. 4:1; Rom. 3:24

Kuvululelwa 7:3

yiku: Mu nga onhi misava, kutani bimbi, hambu ni tisinya, hi kala hi veka zifungo zimombyeni za malanza ya Nungungulu wa hina. Ezek. 9:4; Xip. 6:6; 22:4