Kuvululelwa 2:26 - Tshwa Bible

²⁶ Loyi a hlulako, a kholeka mitirweni ya mina kala kugumesa, nzi ta mu nyika ntamu hehla ka matiko. Mat. 19:28; Joh. 6:29; 1 Kor. 6:3

Kuvululelwa 2:26 교차 참조

Tisimu 2:8

Kombela ka mina, nzi ta ku nyika a matiko a kuva tshomba ya wena, Ni magemetamusi ya misava ma ta lumba wena.

Tisimu 2:9

U ta va tshova hi nhonga ya xiketse, U ta va fayetela kotisa a mbita ya muwumbi. Kuv. 2:27; 12:5; 19:15

Tisimu 49:14

Va yiswa le Xeole khwatsi i ntlhambi, A kufa hi murisi wabye; Ni mixo a valulamileko va ta va fumela, A wumbhuri gabye gi ta giwa hi Xeole, A va na ginwani wuakelo.

Danieli 7:18

Kanilezi a vobasa va Loyi a Hunzeleleko Kutlakuka va ta nyikwa mufumo va fuma kala kupinzuka ni kupinzuka.

Danieli 7:22

kala ata leyi wakale hi masiku, a ta lamulela a vobasa va Loyi a Hunzeleleko Kutlakuka; ku lo chikela a xikhati lexi a vobasa va nga hiwa mufumo.

Danieli 7:27

A mufumo ni ntamu ni wukulu ga mifumo yontlhe lahasi ka tilo zi ta nyikiwa a tiko ga vobasa va Loyi a Hunzeleleko Kutlakuka. A mufumo wakwe ngwa simasima, a matiko wontihe ma ta mu tirela ma mu ingisa.

Mateu 10:22

Mu ta vengiwa hi vanhu vontlhe hi kota ya vito ga mina; kanilezi loyi a timiselako kala magumo, hi yena a ta nga hanyiswa. Lu. 21:17; Mar. 13:13

Mateu 19:28

Jesu i lo va hlamula, aku: Hizinene nziku ka nwina: Hi xikhatini xa ku vuxetwa luswa ka zontlhe, laha a Nʼwana wa munhu a ta nga tshama xitshanwini xakwe xa wuhosi, nwina lava mu nzi lanzeleko mu ta tshama ka 12 wa zitshamu za wuhosi, mu lamula a 12 wa tixaka ta Israeli.

Mateu 24:13

Kanilezi loyi a timiselako kala kugumesa, yaloye i ta hanyiswa. Mar. 13:13; Maheb. 3:6, 14; Kuv. 2:10

Johani 6:29

Jesu i lo hlamula, aku kabye: A ntiro wa Nungungulu hi lowu, lezaku mu kholwa ka yena loyi a mu rumileko. 1 Joh. 3:23

Va le Roma 2:7

I ta nyika wutomi ga pinzukelwa ka vona lava va lavako a wukosi ni kudzunziwa ni kungaboli, na va timisela mitirweni yo saseka. 2 Kor. 4:17; Juda 21; Kuv. 2:7

Va le Roma 8:37

Kanilezi ka zontlhe lezi zilo ha hlula ni ku hlula ha yena loyi a nga hi ranza. 1 Joh. 5:4

1 Va le Tesalonika 3:5

Hi kota ya lezo laha nzi nga kala nzi nga hi nako a ku retsevele, nzi lo mu ruma lezaku nzi fela ku tiva a kukholwa ka nwina; kutani mu nga ngha mu ringilwe hi muringi, ni ntiro wa hina wu maha wa mahala. 1 Kor. 7:5; Gal. 2:2

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22

Jakobe 2:20

Xipumbu nzi wena, hikuyini u nga ranziko a ku tiva lezaku a kukholwa loku ku nga hava mitiro a ku vuni nchumu ke?

1 Johani 2:19

Va humele xikari ka hina, kanilezi va wa nga hi va hina; hakuva loku va wa hi va hina, ngha va simamisile zinwe na hina; kanilezi va lo huma kasi ku fela ku woneka lezaku vontlhe a hi va hina. Joh. 6:37; Miti. 20:30; 1 Kor. 11:19

1 Johani 3:23

A kuleletela kakwe hi loku, lezaku hi kholwa vitweni ga Nʼwana wakwe Jesu Kristu, hi ranzana kota lezi yena a nga hi leletela. Joh. 6:29; 15:12; 17:3; 1 Ped. 4:8

1 Johani 5:5

Himani loyi a hlulako tiko, loku ku nga hi yena loyi a kholwako lezaku Jesu i Nʼwana wa Nungungulu ke? 1 Kor. 15:57

Kuvululelwa 2:11

Loyi a nga ni tindleve, ngha a ingisa lezi a Moya wu byelako mabandla. Loyi a hlulako a nga ta bayiswa hi kufa ka wumbiri. Xip. 20:14; 21:8

Kuvululelwa 2:17

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a manna ma fihlilweko, nzi mu nyika ni ribye go basa, legi ku tsalilweko ka gona a vito giswa; a ku na munhu a gi tivako, saseka loyi a gi amukelako. Xip. 19:12

Kuvululelwa 2:7

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a kuva aga sinya ya wutomi, leyi yi nga kona Paradiseni ga Nungungulu. Gen. 2:9; Mat. 11:15; Xip. 22:2, 14

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16

Kuvululelwa 21:7

Loyi a hlulako i taga a tshomba ya lezi zilo; nzi tava Nungungulu wakwe, yena i tava nwananga. Maheb. 8:10

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

Kuvululelwa 3:21

Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2

Kuvululelwa 3:5

Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3