Kuvululelwa 2:14 - Tshwa Bible

¹⁴ Kanilezi nzi na ni zisolo zinwani ha wena, hakuva laho u na ni vanwani lava va namarelako a gonzo ya Balami, loyi a nga gonzisa Balaki a ku veka xikhunguvanyiso mahlweni ka vanana va Israeli, lezaku vaga zakuga lezi zi phahlelweko zifananisweni, ni ku bhaya. Mitse. 25:1; Miti. 15:29; 1 Kor. 8:9

Kuvululelwa 2:14 교차 참조

Isaya 57:14

Aku: Bhoxani ndlela, ecanyetani misava, Basisani ndlela, Mu susa zikhunguvanyiso lomu ndleleni ya vanhu va mina.

Jeremia 6:21

Hikwalaho Jehova i ngalo: Nzi ta vekela tiko legi a zikhunguvanyiso, a vapswali ni vanana va ta khunguvanyeka khatiginwe, a muakelwani ni munghana wakwe va ta lova zinwe.

Ezekieli 3:20

Kambe loku a munhu a lulamileko a huma kululameni kakwe, a maha kubiha, mina nzi ta veka zikhunguvanyiso mahlweni kakwe, afa. Hikuva u nga mu tlharihisangiko i ta fela xionhweni xakwe, ni zimaho zakwe zi lulamileko zi nga ha ta alakanyiwa; kanilezi a nkhata wakwe nzi ta wu lava canjeni ga wena.

Ezekieli 44:12

Hakuva va lo va tirela mahlweni ka zifananiso zabye, vave a xikhunguvanyiso xo biha ka yindlu ya ka Israeli; hikwalaho nzi lo hlambanya hi ku tlakusa a canja ga mina, ku wula Hosi Jehova, lezaku va ta rwala a zigoho zabye.

Mitsengo 24:14

Makunu mina nza famba ka hina. Kanilezi ngone nzi ta ku kombisa lezi zi ta nga mahiwa hi lava vanhu lomu tikweni ga wena ka masiku ma ha tako.

Mitsengo 31:16

Languta, lava hi vona va nga maha lezaku a va ka Israeli va onha mahlweni ka Jehova hi xilayelo xa Balaami, va kala a vanana va ka Israeli va onha mahlweni ka Jehova hi makungo ya Peori, kala ku humelela a ntungu lomu tlhanganweni wa Jehova.

Mitsengo 31:8

Va lo daya ni tihosi ta vaMidiani, ku lo dawa Evi, na Rekemu, na Zura, na Hura, na Reba, ntlhanu wa tihosi ta vaMidiani; va lo daya kambe na Balaami a nʼwana wa Beori hi supado. Jox. 13:21

Mateu 18:7

Khombo a give ka tiko hi kota ya zikhunguvanyiso! Kunene a zikhunguvanyiso zi fanele kuva kona, kanilezi i khombo ka munhu loyi zi tako ha yena. Lu. 17:1; 1 Kor. 11:19

Mitiro 15:29

zi nga lezaku mu tsika lezi zi phahlelweko ka zifananiso, ni nkhata, ni lezi zi fileko hi ku tlimbiwa, ni kubhaya. Loku mu ti wonela ka lezo, mu tava mu mahile khwatsi. Salani khwatsi! Levi 17:14; Xip. 21:25; Kuv. 2:14

Mitiro 21:25

Kanilezi hi kukumbuka a vamatiko lava va kholilweko, hi lo va tsalela hi laya lezaku ava ti hlayise ka lezi zi phahlelwako ka zifananiso, ni nkhata, ni lezi zi fileko hi ku tlimbiwa, ni kubhaya. Gen. 9:4; Xip. 15:20, 29

Va le Roma 11:9

Na Davida i ngalo: A meza yabye a yi hunzuke yi maha tlhamu ni ziyo, Ni kuva xikhunguvanyiso ni tsayiselelo ka vona. Tis. 69:22

Va le Roma 14:13

Hikwalaho ngha hi nga ha lamulani. Kanilezi lamulani lezaku munhu a nga veki xikhunguvanyiso ndleleni ya makabye wakwe, kutani xilo xo mu wisa. 1 Kor. 8:9

Va le Roma 14:21

Zi sasekile ku kala u ngagi nyama, hambu kunwa vinya, hambu ku maha xilo lexi a makabye wa wena a ta nga khunguvanyeka ha xona.

Va le Roma 9:32

Hikuyini ke? Hilezi va nga kala ku wu lava hi kukholwa, kanilezi va wu lava hi mitiro. Va lo khunguvanyeka ribyeni ga xikhunguvanyiso: Lu. 2:34; 1 Kor. 1:23

1 Va le Korinte 1:23

kanilezi hina hi kanela Kristu loyi a belelweko; loyi a nga xikhunguvanyiso ka vaJuda, ni wupumbu ka vamatiko; Isa. 8:14; Mat. 11:6

1 Va le Korinte 7:2

kanilezi hi kota ya wubhayi, ngha wanuna munwe ni munwani a hi ni sati wakwe, ni wasati munwe ni munwani a hi ni nuna wakwe. Mav. 5:19

Maheberu 13:4

Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.

Joxua 24:9

Zonake Balaki a nʼwana Zipora, a hosi ya maMoabi, i lo suka alwa na Israeli; yena i lo rumela vanhu kuya vitana Balaami a nʼwana Beori, kasi ku ta mu phunga.

1 Pedro 2:8

Kambe: A ribye ga xikhunguvanyiso, ni ribye legi gi ta nga va wisa. Va khunguvanyeka ha gona hakuva a mhaka a va yi ingisi; hakuva va wa yimiselwe lezo. Isa. 8:14; Rom. 9:22

2 Pedro 2:15

Na va tsikile a ndlela yo lulama, va lo penga va lanzela a ndlela ya Balami nʼwana Beori, loyi a nga ranza a nzhiho wa ku maha kubiha; Mitse. 22:5, 21, 23

Juda 1:11

Khombo a give ka vona! Hakuva va fambile hi ndlela ya Kana, hi kota ya hakhelo va tsutsumela kuhambukeni ka Balami, va lobyiswa hi kuhluwuka ka Kora. Gen. 4:5; Mitse. 16:1; 22:7, 21

Kuvululelwa 2:20

Kanilezi nzi na ni xisolo lexi ha wena, lezaku u vumela Jezebeli, a wasati loyi a ti wulako ku muprofeti, a gonzisa ni ku xengetela a malanza ya mina a kuva ma bhaya, ni kuga nyama yi phahlelweko zifananisweni. Ekso. 34:15; 1 Tih. 16:31; Miti. 15:20

Kuvululelwa 2:4

Kanilezi nzi na ni xisolo lexi ha wena, lezaku u tsikile a liranzo la wena lo sangula.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6