Kuvululelwa 2:13 - Tshwa Bible

¹³ Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.

Kuvululelwa 2:13 교차 참조

Mateu 10:23

Kanilezi loku va mu xanisa mutini wo kari, chavelani ka munwani; hakuva hizinene nziku ka nwina: Mu nga ta kala mu mbheta a miti ya vaIsraeli, na Nʼwana wa munhu a nga se ku chikela. Miti. 8:1; Xip. 16:28

Mateu 24:9

Hi xikhati lexo va ta mu nyikela kuxanisekeni, va mu daya; mu ta vengiwa hi matiko wontihe hi kota ya vito ga mina. Xip. 10:17; Mar. 13:9; Lu. 21:12

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Luka 21:17

Mu ta vengiwa hi vanhu vontlhe hi kota ya vito ga mina.

Mitiro 22:20

ni laha ku nga halatwa a nkhata wa Stefani a kustumunyu wa wena, minawu nzi wa yimile kwalaho, nzi vumela a ntiro wa kona, na nzi hlayisa a tinguwo ta lava va nga mu daya. Xip. 7:53; Lu. 11:48; Rom. 1:32

Mitiro 9:14

ni kwalaha i na ni ntamu a wu kumileko ka vapristi va hombe, a ku ta boha vontlhe lava va khongelako hi vito ga wena. Xip. 7:59; 22:16

1 Va le Tesalonika 5:21

kanilezi hlotani zontlhe, mu khomisisa lezi za zinene. 1 Joh. 4:1

1 Timote 5:8

Kanilezi loku a hi kona munhu a nga hlayisiko a maxaka yakwe, nguvunguvu a va ngango wakwe, yena i kanetile a kukholwa, i bihile ku hunza loyi a nga kholwiko.

2 Timote 1:13

Khomisisa hi kukholwa ni liranzo leli li nga ka Kristu Jesu a timhaka leti ti nene, leti u ti zwileko ka mina, lezaku tiva xikombiso ka wena. Rom. 2:20; 6:17; 1 Tim. 6:3; Tit. 1:9; Maheb. 10:23

2 Timote 2:12

loku hi timisela, hi ta fuma zinwe naye; kanilezi loku hi mu kaneta, yenawu i ta hi kaneta. Mat. 10:33; Mar. 8:38; Rom. 8:17; 1 Ped. 4:13

Maheberu 10:23

A hi khomisiseni a kuvumela ka kutsumba ka hina, kasi ku nga kanakaniswi; hakuva i tsumbekile loyi a nga hi tsumbisa. 1 Kor. 1:9; 10:13; 2 Tes. 3:3

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22

Jakobe 2:7

Xana a va rukateli a vito legi gi nene mu vitanwako ha gona ke?

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Kuvululelwa 13:2

A xihari lexi nzi nga xi wona xi wa kotisa yingwe, a milenge ya xona kotisa ya ursu, ni nomu wa xona wu ku khwatsi i nomu wa nghala. Drako i lo xi nyika ntamu wakwe, ni xitshamu xakwe xa wuhosi, ni wuhosi ga hombe. Dan. 7:4-6; Xip. 12:9

Kuvululelwa 14:12

Hi laha ku wonekako a kutimisela ka vobasa, lava va hlayisako milayo ya Nungungulu ni kukholwa ka Jesu.

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 17:6

Nzi lo wona wasati na a popilwe hi nkhata wa vobasa, ni nkhata wa vakustumunyu va Jesu; nzi su hlamala nguvu. Xip. 6:9, 10; 13:15; 18:24

Kuvululelwa 2:2

Nza yi tiva mitiro ya wena, ni kupinyama ka wena ni kutimisela ka wena, ni lezaku a ku na kuhonisela hi vanhu va kubiha; u va hlolile lava va ti wulako vaku vapostoli, na va nga hi vona, u kumile lezaku vo hemba. Tis. 1:6; 2 Kor. 11:18; 1 Joh. 4:1

Kuvululelwa 3:11

Nzata lokuloku; khomisisa lezi u nga nazo, kasi u nga tekelwi a xidlodlo xa wena. Fil. 4:5; Xip. 2:25

Kuvululelwa 3:3

Hikwalaho alakanya lezaku u yi amukelisile kuyini niku u yi zwisile kuyini a mhaka, u yi hlayisa, u hunzuluka. Hikwalaho loku u nga vuki u hanyanya, nzi tata kota khamba, u nga ta xi tiva a xikhati lexi nzi ta nga ku tela ha xona. Mat. 24:42; 1 Tim. 6:20; 2 Tim. 1:13