Kuvululelwa 19:12 - Tshwa Bible

¹² A mahlo yakwe ma kotisa malangavi ya nzilo, ni hlokweni yakwe ku hi ni zidlodlo zinyingi; a hi ni vito gi tsalilweko, legi ku nga hiko kona loyi a gi tivako saseka yena yece. Xip. 2:17, 18; 6:2

Kuvululelwa 19:12 교차 참조

Genesisi 32:29

Jakobe i lo mu wutisa, aku ngalo: Nzi byele a vito ga wena. Yena aku ngalo: U nzi wutisela yini a vito ga mina ke? Yena i lo mu katekisa kwalaho.

Tisimu 8:5

Hakuva wena u mu mahile kutsongwani a lava ku ecana ni Nungungulu; U mu bombisile hi wukosi ni kudzunziwa.

Eksodusi 23:21

Chela kota ha yona, u ingisa a gezu ga yona, u nga yi kaneti, hakuva yi nga ta timisela hi kubiha ka nwina, hakuva yona yi na ni vito ga mina.

Mavingu 30:4

Himani a nga nga kanziha tilweni a tlhela a chika ke? Himani a nga khomako a moya hi canja gakwe ke? imani a nga hlengeletelako mati ngubyeni yakwe ke? imani a yimisileko wontihe magumo ya misava ke? imani vito gakwe? A vito ga nʼwana wakwe himani, loku u kari u gi tiva?

Xizimba xa ka Solomoni 3:11

Humani nwina vanhwana va Zioni, muya wona hosi Solomoni, Ni xidlodlo xa wuhosi lexi a nga tlhatekiwa hi nyine wakwe A sikwini ga kuteka kakwe, Hi siku ga kutsaka ka mbilu yakwe.

Isaya 62:3

U tava xidlodlo xa wumbhuri a canjeni ga Jehova, Ni mubodi wa wuhosi lomu canjeni ga Nungungulu wa wena.

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Danieli 10:6

A miri wakwe wu wa fanana ni krisolite, a nghohe yakwe yi wa hatima kukotisa xingwalangwanza, a mahlo yakwe ma ku khwatsi zihlahle zi vurako, a mawoko yakwe ni milenge yakwe zi wa ku khwatsi i suku wu kutlilweko, a gezu gakwe loku a wulawula gi wa ringana ni guwa ga xidlemo xa hombe.

Zakaria 9:16

Jehova Nungungulu wabye i ta va hanyisa hi siku lego, kota lezi va nga tlhambi wa tiko gakwe; hakuva va ta fana ni maribye ya lisima ma kwezimako lomu ka xidlodlo a tikweni gakwe.

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Mateu 21:5

Byelani a nhanyana wa Zioni, muku: Languta, a Hosi ya wena yata ka wena, Yi rulile, yi khilele mbongoleni, A role ga pswele ga mbongola.

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Luka 10:22

Na a hunzulukela ka vapizani, aku: Zontlhe zi nyikilwe ka mina hi Dadani. A nga kona a mu tivako Nʼwana lezaku himani, sine Dadani yece; niku himani Dadani, sine. Nʼwana yece, ni wihi loyi Nʼwana a xuvako ku mu wonekelisa ka yena. Mat. 28:18; Joh. 1:18; 3:35; 5:27

Johani 17:11

A nza ha hi tikweni, kanilezi vona va ha hi tikweni; mina nzita ka wena. Dadani wa ku Basa, va hlayise vitweni ga wena legi u nzi nyikileko gona, kasi va fela ku tshama munwe, khwatsi hi hina hi nga munwe. Xip. 13:1; 1 Ped. 1:5; Juda 1

Johani 17:12

Na nza ha hi navo, nzi lo va hlayisa vitweni ga wena, legi u nzi nyikileko gona; nzi va gongile, a ku na munwe a lovileko, saseka a nʼwana wa kulova, kasi a mitsalo yi fela ku tatiseka. Tis. 109:8; Maheb. 2:13; 1 Joh. 2:19

Va le Efesusi 1:21

a hehla ka mifumo, ni mintamu, ni wukulu, ni wuhosi, ni mavito wontihe ma vitanwako, na ku nga hi ka xikhati lexi ntsena, kanilezi ni ka xikhati xi tako. Fil. 2:9

Maheberu 2:9

Kanilezi Jesu loyi a mahilweko ava lahasi ka tingelosi ka xikhatanyana, ha mu wona na a tlhatekilwe a xidlodlo xa kungangamela ni wudzunzo, hi kota ya kuxaniseka hi kufa, lezaku hi tipswalo ta Nungungulu a fela kuzwa kufa hi kota ya vanhu vontlhe. Joh. 3:16; Miti. 2:33; Rom. 5:18

Kuvululelwa 1:14

A hloko yakwe ni misisi yakwe yi wa basile khwatsi hi woya go basa ga tiyivu, khwatsi hi gapongo; a mahlo yakwe a ma ku khwatsi malangavi ya nzilo; Dan. 7:9; 10:6

Kuvululelwa 12:3

Ku lo woneka manwani masingita le tilweni, ya drako wa hombe wo pswhuka, a nga hi ni ntlhanu wa tihloko ni timbiri, ni khume ga timhonzo, ni ntlhanu wa zidlodlo ni zimbiri tihlokweni takwe. Xip. 13:1; 17:3, 9, 10

Kuvululelwa 13:1

Nzi lo yima sekeni ga bimbi, nzi wona a xihari xi huma bimbini, na xi hi ni khume ga timhonzo ni ntlhanu wa tihloko ni timbiri. Le timhonzweni ta xona xi wa hi ni khume ga zidlodlo, ni le tihlokweni ta xona ku wa tsalilwe a mavito ya tihlamba. Dan. 7:2, 7

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

Kuvululelwa 6:2

Nzi lo cuwuka, nzi wona a haxi go basa; ni loyi a nga khilele hehla ka gona i wa hi ni wura; i lo nyikwa xidlodlo, i lo huma kota muhluli a yako kuhluleni. Tis. 45:4, 5; Zak. 6:3-11

Valamuli 13:18

A ngelosi ya Jehova yi te ngalo ka yena: Hikuyini u wutisako a vito ga mina ke? I vito gi hlamalisako!