Kuvululelwa 18:19 - Tshwa Bible

¹⁹ Va lo ti palatela tsutsungwani tihlokweni tabye, va hlaluka, va rila, va maha hlomulo, vaku: Yowe, yowe, a muti lowu wa hombe, lowu vontlhe lava va nga ni mataru lomu bimbini va nga fumiswa hi wukosi ga wona! Hakuva hi xitshuketi wu hangalakile nwa! Jox. 7:6; Joba 2:12

Kuvululelwa 18:19 교차 참조

2 Samueli 13:19

Tamara i lo teka a khuma a ti chela hlokweni yakwe, a hanzula a nguwo yakwe ya mavalavala a nga wa yi ambele, a rwala mawoko yakwe laha hlokweni, a suka a famba na a kari g rila. Joba 2:12; Jer. 2:37

Nehemia 9:1

Makunu hi siku ga 24 ga hweti ywaleyi a vanana va ka Israeli va lo tsombana va yila, na va ambele tinguwo ta xirilo, va ti cheletela a tshuri.

Joba 2:12

Ku te loku va tlakusa mahlo yabye na va hi kule, va nga mu tivi, va lo tlakusa magezu yabye, va rila; va lo hanzula tinguwo tabye, va xwanyela khuma hehla ka tihloko tabye gi tsutsusela tilweni.

Isaya 13:19

Babuloni, loyi a dzunziwako hi mifumo, A muti lowu a maKaldea ma ti kulisako hi kubombisiwa ka wona, Wu taku khwatsi hi Sodoma ni Gomora laha Nungungulu a nga yi lovisa.

Mikosi 2:10

A masingalakati ya nhanyana wa Zioni ma tshamile lahasi, ma ti miyelela; Va ti cheletele khuma tihlokweni tabye, va ambele a tinguwo ta xirilo. A vanhwana va Jerusalema vazwa tingana, vo zi lahasi.

Ezekieli 27:30

Va ta kanyuluka hi kota ya wena, va rila hi ku tsikwila, Va ta ti chela ntshuri, va puluwunza lomu khumeni.

Joxua 7:6

Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.

Kuvululelwa 17:16

Ni khume ga timhonzo leti u nga ti wona, ni xihari, zi ta venga xibhayi, zi mu maha xisiwana ni ximbyiri, zi taga nyama yakwe, zi mu hisa hi nzilo. Jer. 50:41, 42; Ezek. 16:37-44

Kuvululelwa 18:10

Ti yimile kule hi ku chava a kuxaniseka kakwe, tiku: Yowe, yowe, a muti lowu wa hombe wa Babuloni, a muti wa ntamu! hakuva a kutsayiswa ka wena ku chikele hi xitshuketi. Isa. 21:9

Kuvululelwa 18:3

Hakuva a matiko wontihe ma nwile a vinya ga zanga ya kubhaya kakwe; a tihosi ta misava ti bhayile zinwe naye, ni vamahungani va misava va fumile hi kota ya wubhayi gakwe; Isa. 47:15; Xip. 14:8

Kuvululelwa 18:8

Hikwalaho a zixaniso zakwe zi tata hi siku ginwe, a kufa, ni hlomulo, ni ndlala; yena i ta hiswa hi nzilo hakuva i na ni ntamu Hosi Nungungulu loyi a mu-lamulako. Isa. 47:9; Jer. 50:34

1 Samueli 4:12

Ku lo tsutsuma a munhu wa ka Benjamini na sukela laha yimpini, a ya le Xilo gwalego siku, a tinguwo takwe na ti hanzulelwe, na hi ni misava hlokweni yakwe. Jox. 7:6; 2 Sam. 1:2