Kuvululelwa 17:17 - Tshwa Bible

¹⁷ Hakuva Nungungulu i vekile timbilwini tabye a ku maha kuranza kakwe, va vumelana ku nyika xihari a kufuma kabye, ti karala ti tatiseka a timhaka ta Nungungulu. 2 Tes. 2:11; Xip. 10:7

Kuvululelwa 17:17 교차 참조

Ezra 7:27

A ku bongiwe Jehova Nungungulu wa vadadani va hina, loyi a vekileko a timhaka ta ku nghahi mbilwini ya hosi, ta ku dzunza a yindlu ya Jehova le Jerusalema,

Tisimu 105:25

Lava a nga hunzula timbilu tabye lezaku va venga vanhu vakwe; Va maha wumbyori ka malanza yakwe.

Mavingu 19:21

Ku na ni makungo manyingi mbilwini ya munhu; anilezi a wusungukati ga Jehova hi gona gi tiyileko.

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Isaya 45:17

Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Danieli 12:7

Nzi lozwa a munhu loyi a nga ambele a tinguwo ta wukene, a nga yimile hehla ka mati ya congo, laha a nga tlakusa canja gakwe ga xinene ni ga xibhabha, a hlambanya hi loyi a hanyako kala kupinzuka, aku: Ku tava a xikhati ni zikhati ni khihlanya ga xikhati, ni loku va mhhetile ku tshova a ntamu wa tiko ga kubasa, zonake ku tava magumo ya zontlhe lezi zilo. Deut. 32:40; Kuv. 10:5; 12:14

Luka 22:22

Hakuva a Nʼwana wa munhu wa ti fambela, kota lezi ku yimisilweko; kanilezi i khombo ka munhu loyi a mu tokometako! Mat. 26:24; Miti. 2:23

Luka 22:3

Kanilezi Satani i lo enghena ka Judasi, loyi a tibyako Iskarioti, loyi a nga hlayiwa ni vakhume ni vambiri, Mat. 26:14; Mar. 14:10; Joh. 13:2, 27

Luka 22:37

Hakuva nziku ka nwina: Ku fela ku tatiseka ka mina lezi zi tsalilweko ku ngalo: I hlayelwe zinwe ni vaonhi; hakuva lezi zi kanelweko ha mina za tatiseka makunu. Isa. 53:12; Mar. 15:28

Johani 10:35

Loku a va vitanile aku vanungungulu, vona lava a mhaka ya Nungungulu yi nga tile kabye (ni mitsalo a yi na ku fuva), Rom. 13:1

Johani 13:18

A nzi wulawuli ha nwina nwentlhe; nza tiva lava nzi va hlawulileko; aku kasi wu fela ku tatiseka a mutsalo lowu wu nge ngalo: Loyi a gako zibaba za mina, i nzi tlakusele xirenze. Tis. 41:9; Mat. 26:23

Johani 13:2

Kwalaho xilalelweni, Satani i wa sina a vekile mbilwini ya Judasi Iskarioti nʼwana Simoni, aku a mu tokometa. Lu. 22:3

Johani 19:24

Hikwalaho vaku ngalo: Hi nga gi hanzuli, kanilezi a hi hlahluveni, lezaku gi ta maha ga mani; kasi ku fela ku tatiseka a mutsalo, lowu wu nge ngalo: Va lo avana a tinguwo ta mina, Va hlahluveta a bhaji ga mina. A masochwa ma lo maha lezo. Tis. 22:18

Johani 19:28

Anzhako ka lezo Jesu na a zi tiva lezaku zontlhe zi mbhelile; kasi mutsalo wu fela ku tatiseka aku ngalo: Nzi na ni tora. Tis. 69:21

2 Va le Korinte 8:16

A ku bongiwe Nungungulu loyi a nyikileko Titusi yaleyo mbilu ya ku mu pinyamela.

Kuvululelwa 10:7

Kanilezi a masikwini ya gezu ga ngelosi ya wuntlhanu ni timbiri, laha yi ta ngaba mpunzu, ku heteka a fihlakalo wa Nungungulu, khwatsi hi mahungu yo saseka lawa a nga ma byela a malanza yakwe a vaprofeti.

Kuvululelwa 15:1

Nzi lo wona manwani masingita le tilweni lawa ya hombe ma hlamalisako, ya ntlhanu wa tingelosi ni timbiri ti nga ni ntlhanu wa zixaniso ni zimbiri zo gumesa, hakuva ku tatiseka ha zona a zanga ya Nungungulu.

Kuvululelwa 17:13

Ti hi ni kupima kunwe, ti nyika a ntamu wa tona ni wuhosi ga tona ka xihari.

Kuvululelwa 19:9

Yiku ka mina: Tsala: Va katekile lava va rambilweko mubuzweni wa muchado wa Yivana. Yi engeta yiku ka mina: Leti hi timhaka ta zinene ta Nungungulu. Mat. 22:2, 3; Lu. 14:15, 16

Kuvululelwa 6:11

Ku lo hiwa ka munwe ni munwani wa vona a nguwo yo basa yo leha; va lo byeliwa a kuva va humula xikhatanyana, wu kala wu tatiseka a ntsengo wa malanza-kulobye ni vamakabye lava va ta nga dawa khwatsi hi vona. Tis. 68:17; Maheb. 12:22