Kuvululelwa 16:21 - Tshwa Bible

²¹ Ku lona vula ya maralala ya hombe hi le tilweni hehla ka vanhu, a kutika ka ginwe ni ginwani ku wa hi talenta; ni vanhu va lo rukatela Nungungulu hi kota ya xixaniso xa maralala, hakuva xi wa hi xa hombe nguvu. Ekso. 9:23-25; Xip. 11:19

Kuvululelwa 16:21 교차 참조

Joba 38:22

U wa na nga enghena wuhlayiselweni ga gapongo ke? Kutani u wa na nga wona a wuhlayiselo ga maralala,

Joba 38:23

Lezi nzi zi hlayiselako a masiku ya zikarato Ni masiku ya yimpi ni kulwa ke? Ekso. 9:18; Isa. 32:19; Kuv. 16:21

Eksodusi 9:18

manziko hi xwalexi xikhati, nzi ta nisa a vula ya maralala yo tshisa nguvu, leyi ya ku cima a mu se yi wona lomu tikweni ga Gipite, kusukela kusanguleni ka gona kala lezi.

Eksodusi 9:22

Zonake Jehova aku ka Mosi: Tlakusa a canja ga wena le hehla, kasi kuna a vula ya maralala lomu tikweni gontlhe ga Gipite, yi nela a vanhu ni zifuyo, ni byanyi gontlhe lomu tikweni ga Gipite.

Isaya 30:30

Zonake Jehova i ta zwakalisa a gezu gakwe ga wudumo, A kombisa lezaku gi bisa kuyini a woko gakwe zangeni yakwe, Hi nzilo wu lovisako, ni bhubhutsa, ni xipupuri ni vula ya maralala. Ekso. 9:23; Jox. 10:11

Isaya 8:21

Va ta pepetseka tikweni, va xaniseka ni kuzwa ndlala; ni loku vazwa ndlala va ta zangara, va rukatela hosi yabye ni Nungungulu wabye.

Ezekieli 13:11

hikwalaho u ta byela lava va gi tshulako hi mhemba lezaku gi tawa. Ku tana a vula ya hombe, na nwina maralala ya hombe mu tawa; ni xingulu xi ta gi khungumula.

Ezekieli 13:13

Hikwalaho Hosi Jehova i ngalo: Nzi ta vuxa a xingulu zangeni ya mina, hi kota ya khulo ga mina ku tana a vula ya hombe, ni maralala ya hombe zangeni ya mina, kasi ku gi hetisa.

Joxua 10:11

Ku te na va ha chava va ka Israeli, na va relela le Bete-Horoni, Jehova i lo nisa maribye ya hombe hehla kabye mata hi le tilweni, kala le Azeka, vona va lo dawa, lava va nga dawa hi vula ya maribyana va wa tele nguvu ku hunza lava va nga dawa hi va ka Israeli hi matlhari. Ekso. 9:17

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Kuvululelwa 16:11

va rukatela Nungungulu wa tilo hi kota ya kubayisa kabye ni zilonza zabye; a va hunzulukangi mitirweni yabye.

Kuvululelwa 16:9

Ni vanhu va lo tlahulwa hi mumu wa hombe; va lo rukatela a vito ga Nungungulu loyi a nga ni ntamu hehla ka zixaniso lezo; a va hunzulukangi va mu dumisa. Dan. 5:22, 23; Xip. 11:13

Kuvululelwa 8:7

Leʼyo ranga yi loba a mpunzu wa yona, zonake kuna vula ya maralala ni nzilo, na zi patsilwe ni nkhata, zi hoxwa misaveni. Ku lo hiswa a xipanze xa wunharu xa misava, ku hiswa ni xipanze xa wunharu xa tisinya, ku hiswa ni byanyi gontlhe go nyuka. Isa. 2:13; Ezek. 38:22; Xip. 16:2