Kuvululelwa 16:17 - Tshwa Bible

¹⁷ Leʼya wuntlhanu ni timbiri yi lo halata mukhelo wa yona ndengelengeni; ku lo huma a gezu ga hombe gita hi le xitshanwini xa wuhosi lomu tempeleni, giku: Zi mbhelile. Xip. 21:6

Kuvululelwa 16:17 교차 참조

Johani 19:30

Jesu na a amukele viniga, aku ngalo: Ku mbhelile. Zonake i lo gowota hloko, afa. Xip. 17:4

Va le Efesusi 2:2

lezi mu nga famba ha zona kale, kukotisa a mahanyela ya misava leyi, mu lanzela a hosana ya mintamu ya lomu ndengelengeni, wu nga moya lowu wu tirako makunu ka lava va nga ingisiko. Kol. 3:6; 1 Joh. 5:19

Va le Efesusi 6:12

Hakuva a kulwa ka hina a hilwi ni nyama ni nkhata, kanilezi hilwa ni tihosana ta mimoya, ni mintamu, ni tihosi ta munyama lowu, ni mimoya ya kubiha ya le hehla. Joh. 12:31; Rom. 8:38; Kol. 1:13; 2:15

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Kuvululelwa 14:15

Yinwani ngelosi yi lo huma tempeleni, yi vitana hi gezu ga hombe ka loyi a tshamileko hehla ka refu, yiku: Ruma sikela ga wena, u tshovela, hakuva a xikhati xa kutshovela xi chikele, hilezi ma womile a mavele ya misava. Jer. 51:33; Joeli 3:13; Xip. 14:10

Kuvululelwa 14:17

Yinwani ngelosi yi lo huma tempeleni ya le tilweni, yonawu yi wa hi ni sikela go kariha.

Kuvululelwa 16:1

Zonake nzi lozwa a gezu ga hombe gi huma tempeleni, giku ka tingelosi ta ntlhanu ni timbiri: Fambani mu ya halata misaveni a ntlhanu wa mikhelo ni yimbiri ya zanga ya Nungungulu. Xip. 14:10

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17