Kuvululelwa 15:4 - Tshwa Bible

⁴ Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23

Kuvululelwa 15:4 교차 참조

Tisimu 105:7

Hi yena Jehova, a Nungungulu wa hina; A zinene zakwe zi lomu misaveni yontlhe.

Tisimu 111:9

I rumele kutlatlheka ka vanhu vakwe, I yimisile a xivumelwano xakwe kala kupinzuka; A vito gakwe gi basile, ga chaveka.

Tisimu 22:23

Nwina lava mu chavako Jehova, mu dumiseni; Mu kuliseni nwina nwentlhe vana va Jakobe; Rurumelani ha yena, nwina nwentlhe varisanyana va Israeli.

Tisimu 22:27

Wontihe matlhelo ya misava ma ta alakanya Jehova, ma hunzuluka; Tixaka tontlhe ta vamatiko ti ta khizama mahlweni ka wena.

Tisimu 22:3

Kasi wena u basile, Wena loyi u tshamako xiluvelweni xa kudumisa ka Israeli.

Tisimu 86:9

A matiko wontihe lawa u ma mahileko ma tata, ma ku khizamela, Hosi, Ma kulisa vito ga wena. Zef. 2:11; Zak. 14:9

Tisimu 89:7

Nungungulu wa chaveka hlengeletanweni wa vakubasa, A chabyiwa ku hunza vontlhe lava va mu ranzeleko.

Tisimu 97:8

Zioni i lo zizwa a tsaka, A vanhwana va Juda va nengela, Hi kota ya kulamula ka wena, Jehova.

Tisimu 99:5

Kulisani Jehova, a Nungungulu wa hina, Khizamani xitsikelweni za mikonzo yakwe; I basile.

Tisimu 99:9

Kulisani Jehova, Nungungulu wa hina, Khozelani xitsungeni xakwe xo basa, Hakuva Jehova, Nungungulu wa hina i basile.

Isaya 24:15

Dumisani Jehova le Mutsuwuka-gambo, ni lomu kukomama ni bimbi, khesani a vito ga Jehova, Nungungulu wa ka Israeli.

Isaya 25:3

Hikwalaho a vanhu va ntamu va ta ku dumisa, A muti wa vamatiko laʼvo tshisa wu ta ku chava.

Isaya 26:9

A muhefemulo wa mina wu ku xuvile ni wusiku, A moya wu nga nzeni ka mina wu hlotisisa wena; Hakuva loku u tsayisa misava kulamuleni ka wena, A vaaki va yona va gonza kululama.

Isaya 45:23

Nzi hlambanyile hi wutsumbu ganga, A mhaka ya lisine yi humile nonwini wa mina, Leyi yi to kala yi nga tsanzeki: Lezaku a madzolo wontihe ma ta nzi khizamela, Ni tirimi tontlhe ti ta hlambanya ha mina.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Isaya 60:5

Zonake u ta zi wona u tsaka, A mbilu ya wena yi ta tlula-tlula yi nengela, Hakuva a kufuma ka bimbi ku ta tiswa ka wena, Ni titshomba ta matiko ti tata ka wena.

Jeremia 10:7

O Hosi ya matiko, himani a nga ku chaviko? U fanele ku chabyiwa, Hakuva xikari ka tontlhe titlhari ta vamatiko, Ni ka mifumo yabye yontlhe, Cima a nga kona loyi; a fananako na wena. Kuv. 15:8

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 5:22

Xana a mu nzi chavi ke? ku wula Jehova; mu nga ta rurumela mahlweni ka mina ke? Mina loyi nzi nga veka a seke a kuva mbhingano wa bimhi wa kala kupinzuka, lezaku gi nga zi koti ku wu hunza. Hambu loku a mabyandlati ma gobhoza hi ntamu a ma zi koti ku hlula, hambu loku gi nga dzinza-dzinza hi ntamu, cima gi nga ta hunza. Joba 26:10; Tis. 104:9

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Habakuka 1:12

Kasi a ku sukeli kupinzukeni, wena Jehova Nungungulu wa mina, Loyi a Basileko wa mina ke? Hi nga tafa! Jehova, wena u va vekele kulamulwa; wena u nga Ribye ga hina, u va yimisele a kutsayiswa.

Zakaria 14:16

A misalela ya matiko wontlhe lawa ma ngalwa ni Jerusalema, lembe ni lembe yi ta kanziha ku ya khozela Hosi Jehova wa tiyimpi, ni ku ya maha a mubuzo wa mixaxa.

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Va le Roma 15:9

ni lezaku a vamatiko va fela ku dumisa Nungungulu hi kota ya wuxinji gakwe; kota lezi ku tsalilweko, ku ngalo: Hikwalaho nzi ta ku dumisa xikari ka vamatiko, Nzi yimbelela a vito ga wena. Tis. 18:49; Joh. 10:18

1 Pedro 1:16

hakuva ku tsalilwe ku ngalo: Ngha mu basa, hakuva mina nzi basile. Levi 11:44; 19:2; 20:7

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 14:7

Yiku ngalo: Chavani Nungungulu, mu mu dumisa; hakuva a xikhati xakwe xa ku lamula xi chikele. Khizamelani loyi a nga maha tilo ni misava ni bimbi ni tihlowo ta mati. Tis. 33:6; Miti. 14:15; Xip. 11:18

Kuvululelwa 16:5

Nzi lozwa a ngelosi ya mati, yiku: U lulamile, wena Loyi u nga kona, Loyi u nga hi kona, wena Wobasa, hakuva u lamulisile lezo. Isa. 49:26; Mat. 23:34; Xip. 11:18

Kuvululelwa 16:7

Nzi lozwa alati gi wulawula, giku: Kunene, Hosi Nungungulu wa Ntamu-wontlhe, a kulamula ka wena ku nene, ku lulamile.

Kuvululelwa 19:2

hakuva a kulamula kakwe ku nene ku lulamile; hakuva i lamule a xibhayi leʼxa hombe, lexi xi nga holisa misava hi kubhaya ka xona, i photele a nkhata wa malanza yakwe ka xona. Deut. 32:43; Xip. 15:3

Kuvululelwa 19:8

I lo nyikiwa ku ambala tinguwo to saseka ta wukene, ti basisilweko tiku pa! A tinguwo to saseka ta wukene hi mitiro ya kululama ya vobasa. Tis. 45:13, 17; 132:9

Kuvululelwa 3:7

Tsalela a ngelosi ya bandla ga le Filadelfia, uku: Loyi a basileko, A wa zinene, Loyi a nga ni pfhungulo ya Davida, Loyi a vululako, ku nga vali munhu, Loyi a valako, ku nga vululi munhu, i ngalo: Joba 12:14; Isa. 22:22; Miti. 3:14

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3

Kuvululelwa 6:10

Va loba huwa hi gezu ga hombe, vaku: Hosi yo basa ni ya zinene, ku ta kala rini u nga lamuli u photela a nkhata wa hina ka lava va akileko misaveni ke? Ekso. 19:6; 1 Ped. 2:5, 9

1 Samueli 2:2

Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.