Kuvululelwa 14:14 - Tshwa Bible

¹⁴ Nzi lo cuwuka nzi wona a refu go basa, hehla ka refu ku wa tshamile munwe wo fana ni Nʼwana wa munhu, na hi ni xidlodlo xa nzalama hlokweni yakwe, ni sikela go kariha canjeni gakwe. Dan. 7:13; Xip. 1:13

Kuvululelwa 14:14 교차 참조

Tisimu 21:3

Hakuva u mu tlhangaveta hi zikatekiso zi nene; U mu ambexa a xidlodlo xa nzalama hlokweni yakwe.

Tisimu 97:2

A marefu ni munyama zi mu ranzele, A kululama ni kulamula ziseketelo za xitshamu xakwe xa wuhosi. Ekso. 19:16

Isaya 19:1

Langutani, Jehova i khilele hehla ka refu go hatlisa, A kongoma Gipite. A zifananiso za le Gipite zi ta rurumela mahlweni kakwe, Ni timbilu ta maGipite ti ta panzeka nzeni kabye.

Ezekieli 1:26

Le hehla ka mpfuka wu nga hi hehla ka tihloko ta zona, ku wa hi ni xo fanana ni xitshamu xa wuhosi xi nga ku khwatsi hi ribye ga safira; ni hehla ka lexi xi nga fanana ni xitshamu xa wuhosi ku wa hi ni xe fanana ni munhu. Ekso. 24:10; Dan. 7:9; Kuv. 4:2

Danieli 7:13

Lomu miwonisweni ya wusiku nzi lo wona a munwe loyi a fananako ni nʼwana wa munhu na ata hi marefu ya tilo, ata ka wakale hi masiku, a yisiwa mahlweni kakwe. Mat. 16:27; 24:30; Mar. 14:62

Mateu 13:30

Ngha na mu zi tsika zi kula zinwe ku kala ku chikela kutshovela. Hi xikhati xa kutshovela nzi taku ka vatshoveli: A kuranga wungeletelani a nyasavari, mu mu boha hi tinyanza, mu mu hisa; kanilezi a mavele mu ma hlengeletela magombeni ya mina. Xip. 3:12

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Marku 4:29

Kanilezi laha mavele na ma buvile, hi kona a tshovelako, hakuva a kuhula ku chikele. Kuv. 14:15

Luka 21:27

Zonake va ta wona Nʼwana wa munhu na ata hi refu, a hi ni ntamu ni kungangamela ka hombe. Mat. 24:30; Kuv. 1:7; 14:14

Maheberu 2:9

Kanilezi Jesu loyi a mahilweko ava lahasi ka tingelosi ka xikhatanyana, ha mu wona na a tlhatekilwe a xidlodlo xa kungangamela ni wudzunzo, hi kota ya kuxaniseka hi kufa, lezaku hi tipswalo ta Nungungulu a fela kuzwa kufa hi kota ya vanhu vontlhe. Joh. 3:16; Miti. 2:33; Rom. 5:18

Kuvululelwa 1:13

Laha xikari ka timeza ta tikandiya nzi lo wona wo kari wo fanana ni nʼwana wa munhu, na ambele a nguwo yo leha, yi bohilwe laha xifuveni hi bhandi ga nzalama. Ezek. 1:26; Dan. 7:13; 10:5

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37

Kuvululelwa 10:1

Nzi lo wona yinwani ngelosi ya ntamu na yi relela hi le tilweni, yi ambele refu, ni wura ga nyazimu gi hi hehla ka hloko ya yona; a nghohe ya yona yi kotisa gambo, ni mikonzo ya yona yiku khwatsi timhanze ta nzilo. Ezek. 1:28; Mat. 17:2; Xip. 1:15

Kuvululelwa 11:17

maku: Ha ku bonga, Hosi Nungungulu wa Ntamu-wontlhe, Loyi u nga kona, Loyi u nga hi kona, hilezi u tekile a ntamu wontihe wa wena wa hombe, u sangule ku fuma. Xip. 1:4, 8; 19:6

Kuvululelwa 19:12

A mahlo yakwe ma kotisa malangavi ya nzilo, ni hlokweni yakwe ku hi ni zidlodlo zinyingi; a hi ni vito gi tsalilweko, legi ku nga hiko kona loyi a gi tivako saseka yena yece. Xip. 2:17, 18; 6:2

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Kuvululelwa 6:2

Nzi lo cuwuka, nzi wona a haxi go basa; ni loyi a nga khilele hehla ka gona i wa hi ni wura; i lo nyikwa xidlodlo, i lo huma kota muhluli a yako kuhluleni. Tis. 45:4, 5; Zak. 6:3-11