Kuvululelwa 12:11 - Tshwa Bible

¹¹ Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Kuvululelwa 12:11 교차 참조

Luka 14:26

Loku a munhu ata ka mina, na a nga vengi a raru wakwe, ni nyine, ni sati, ni vana, ni vanakulobye, ni vamakabye, ina, hambu ni kuhanya kakwe, a nga zi koti ku maha mupizani wa mina. Xip. 16:13

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Mitiro 21:13

Kanilezi Paule i lo hlamula aku: Hikuyini mu rilako mu panza a mbilu ya mina ke? Kasi mina a nzi longelangi ku bohiwa ntsena, kanilezi ni ku fela a vito ga Hosi Jesu le Jerusalema. Xip. 20:24

Va le Roma 16:20

Nungungulu wa kurula i ta hatla a lamata Satani lahasi ka mikonzo ya nwina. A tipswalo ta Hosi ya hina Jesu Kristu a tive na nwina.

1 Va le Korinte 15:57

Kanilezi a ku bongiwe Nungungulu, loyi a hi nyikako kuhlula hi Hosi ya hina Jesu Kristu. Rom. 7:25; 1 Joh. 5:4

1 Johani 4:4

Vana vanga, nwina mu va Nungungulu, mu hlulile a vaprofeti va mawunwa; hakuva loyi a nga ka nwina ngwa hombe a ku hunza loyi a nga laha tikweni. Joh. 14:30

1 Johani 5:5

Himani loyi a hlulako tiko, loku ku nga hi yena loyi a kholwako lezaku Jesu i Nʼwana wa Nungungulu ke? 1 Kor. 15:57

Kuvululelwa 1:2

loyi a mahako wukustumunyu makunu hi mhaka ya Nungungulu ni wumboni ga Jesu Kristu, hi zilo zontlhe lezi a zi wonileko. 1 Kor. 1:6; 1 Joh. 1:1

Kuvululelwa 1:9

Mina makabye wa nwina Johani, tlhelo xihlengeli-kuloni kuxanisekeni ni le mufunweni ni kuhoniseleni loku ku nga ka Jesu, nzi wa hi le xihlaleni xi tibyako Patmosi, hi kota ya mhaka ya Nungungulu ni wukustumunyu ga Jesu. 2 Tim. 2:19; Fil. 1:7

Kuvululelwa 11:7

Zonake loku va hetile wukustumunyu gabye a xihari lexi xi humako nkeleni wa lieswila xi talwa navo, xi va hlula, xi va daya. Dan. 7:21; Xip. 17:8

Kuvululelwa 12:17

Zonake drako i lo zangarela nguvu a wasati, a suka a yalwa ni lava va nga sele va pswalo wakwe, lava va hlayisako milayo ya Nungungulu, va hi ni wukustumunyu ga Jesu. Gen. 3:15; Xip. 1:2, 9

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Kuvululelwa 2:13

Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.

Kuvululelwa 2:17

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a manna ma fihlilweko, nzi mu nyika ni ribye go basa, legi ku tsalilweko ka gona a vito giswa; a ku na munhu a gi tivako, saseka loyi a gi amukelako. Xip. 19:12

Kuvululelwa 2:26

Loyi a hlulako, a kholeka mitirweni ya mina kala kugumesa, nzi ta mu nyika ntamu hehla ka matiko. Mat. 19:28; Joh. 6:29; 1 Kor. 6:3

Kuvululelwa 2:7

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a kuva aga sinya ya wutomi, leyi yi nga kona Paradiseni ga Nungungulu. Gen. 2:9; Mat. 11:15; Xip. 22:2, 14

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

Kuvululelwa 3:21

Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2

Kuvululelwa 3:5

Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3

Kuvululelwa 6:9

Laha yi nga namula a xifungo xa wuntlhanu, nzi lo wona lahasi ka alati a mihefemulo ya lava va delweko hi kota ya mhaka ya Nungungulu, ni wukustumunyu legi va nga hi nago. Tis. 40:3; Dan. 4:1; Rom. 3:24