Kuvululelwa 12:1 - Tshwa Bible

¹ Zonake ku lo woneka a masingita ya hombe le tilweni, ya wasati loyi a nga ambele gambo, a hi ni hweti lahasi ka mikonzo yakwe, le hlokweni yakwe i wa hi ni xidlodlo xa khume ga tinyeleti ni timbiri.

Kuvululelwa 12:1 교차 참조

2 Kronekele 32:31

Makunu laha a tihosi ta le Babuloni ti nga rumela a mitsumi ka yena a ku ta mu wutisa hi zihlamaliso lezi zi humelelako lomu tikweni ga va ka Israeli, Nungungulu i lo mu tsika a mu ringa, kasi ku tiva zontlhe zi nga wa hi mbilwini yakwe.

Tisimu 104:2

U ambele kuwonekela kukotisa nguwo, U andlala matilo kukotisa a tenda. Gen. 1:1; Isa. 40:22

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Xizimba xa ka Solomoni 6:10

Himani loyi a cuwukako khwatsi wuronga, Na a sasekile khwatsi hi hweti, Loyi a xwengulako kukotisa gambo, Ni ku chavisa ku fanana ni yimpi yi nga ni tinghapa?

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 62:3

U tava xidlodlo xa wumbhuri a canjeni ga Jehova, Ni mubodi wa wuhosi lomu canjeni ga Nungungulu wa wena.

Zakaria 9:16

Jehova Nungungulu wabye i ta va hanyisa hi siku lego, kota lezi va nga tlhambi wa tiko gakwe; hakuva va ta fana ni maribye ya lisima ma kwezimako lomu ka xidlodlo a tikweni gakwe.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 12:38

Zonake a vo kari va vatsali ni vaFarisi va te ngalo kakwe: Mugonzisi, hi ranza ku wona a xiwoniso xi mahiwa hi wena. Mar. 8:11; Joh. 2:18; 1 Kor. 1:22

Mateu 24:30

Zonake ku ta woneka le tilweni a xiwoniso xa Nʼwana wa munhu; kwalaho a tixaka tontlhe ta misava ti ta rila loku ti wona a Nʼwana wa munhu na ata hi marefu ya tilo ni ntamu ni kungangamela ka hombe. Dan. 7:13; Zak. 12:12; Kuv. 1:7

Marku 13:25

ni tinyeleti ti tawa hi le tilweni, ni mintamu leyi yi nga le tilweni yi ta tsekatseka.

Luka 21:11

Ku tava kona kutsekatseka ka hombe ka misava, ni ka matshamu ma tsalangeneko ku tava kona tindlala ni mitungu; a masingita ni ziwoniso za hombe zi ta woneka le tilweni.

Luka 21:25

Ku tava kona a ziwoniso le gambyeni, ni le hwetini, ni le tinyeletini; ni laha misaveni a vamatiko va ta xaniseka, va kanganyiseka hi kota ya kudzinza ka bimbi ni mabyandlati. Mat. 24:29; Mar. 14:12

Johani 3:29

Loyi a nga ni mutekiwa hi yena muteki; kanilezi a nyatsumi wa muteki, loyi a yimako kona a muzwa, wa tsaka nguvu hi kota ya gezu ga muteki; hi kona kutsaka loku ku tatisekileko ka mina. Mat. 22:2; Efe. 5:25; Kuv. 21:9

Mitiro 2:19

Nzi ta wonisa zihlamaliso le tilweni, Ni ziwoniso laha hasi misaveni: A nkhata ni nzilo ni hunguva ya musi. Joeli 2:37

Va le Roma 13:14

Kanilezi ambalani a Hosi Jesu Kristu, mu nga alakanyeli a nyama, a kuva mu lanza a kunavela ka yona. Gal. 3:27; 5:16

Va le Roma 3:22

ku nga kululama ka Nungungulu ku tako hi kukholwa ka Jesu Kristu a ka vontlhe va kholwako. A ku na kuhambana, Xip. 4; Kol. 3:11

2 Va le Korinte 11:2

Nza lusa ha nwina hi xiluse xa Nungungulu; hakuva nzi lo mu nyikela a ku wutiwa hi nuna munwe, kasi nza fela ku mu yisa ka Kristu na mu hi nhwana a basileko. Levi 21:13; Hos. 2:19; 1 Kor. 4:15; Gal. 4:17; Kol. 1:28

Va le Galatia 3:27

Hakuva nwina nwentlhe lava mu nga bapatizelwa Kristu, mu ambele Kristu.

Va le Galatia 4:26

Kanilezi Jerusalema wa le hehla i tlhatlhekile, hi yena mamani wa hina, Isa. 2:2; Maheb. 12:22; Kuv. 3:12; 21:2

Va le Galatia 6:14

Kanilezi a zive kule na mina a ku ti kulisa hi nchumu, ahandle ka xihambano xa Hosi Jesu Kristu, lexi a misava yi belelweko ka mina ha xona, na mina nzi belelweko ka yona.

Va le Efesusi 5:32

A fihlakalo lowu ngwa hombe; kanilezi nza wulawula hi xungetano na Kristu ni bandla.

Kuvululelwa 1:20

A fihlakalo wa tinyeleti ta ntlhanu ni timbiri leti u nga ti wona canjeni ga mina ga xinene, ni timeza ta nzalama ta ntlhanu ni timbiri to veka tikandiya hi lowu: A tinyeleti ta ntlhanu ni timbiri hi tingelosi ta ntlhanu wa mabandla ni mambiri, ni timeza leti ta ntlhanu ni timbiri to veka tikandiya hi mabandla lawa ya ntlhanu ni mambiri. Zak. 4:2; Mat. 5:15

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Kuvululelwa 12:3

Ku lo woneka manwani masingita le tilweni, ya drako wa hombe wo pswhuka, a nga hi ni ntlhanu wa tihloko ni timbiri, ni khume ga timhonzo, ni ntlhanu wa zidlodlo ni zimbiri tihlokweni takwe. Xip. 13:1; 17:3, 9, 10

Kuvululelwa 15:1

Nzi lo wona manwani masingita le tilweni lawa ya hombe ma hlamalisako, ya ntlhanu wa tingelosi ni timbiri ti nga ni ntlhanu wa zixaniso ni zimbiri zo gumesa, hakuva ku tatiseka ha zona a zanga ya Nungungulu.

Kuvululelwa 21:14

A ligingisi la muti li wa hi ni khume ga ziseketelo ni zimbiri, ku tsalilwe ka zona a khume ga mavito ni mambiri ya khume ga vapostoli ni vambiri va Yivana. Mat. 16:18; Gal. 2:9; Efe. 2:20

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20