Kuvululelwa 11:19 - Tshwa Bible

¹⁹ Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Kuvululelwa 11:19 교차 참조

Tisimu 105:32

A va nyika maralala akuva vula yabye, Ni malangavi ya nzilo a tikweni gabye.

Tisimu 18:12

A marefu yakwe yo phuma malo suka kuhatimeni loku ku mu rangelako, Kuwa maralala ni makhala ya nzilo.

Isaya 28:2

Langutani, a Hosi ya ruma a nala a nga ni ntamu, ni wa ku tiya; Wata khwatsi hi bhubhutsa ga vula ya maralala, Kukotisa a ntalo wa mati ya hombe, lawa ma phandlulako kontlhe, I ta zi hoxa misaveni hi ntamu. 2 Tih. 17:3, 6; 18:10

Isaya 29:6

Jehova wa tiyimpi i ta ku tsayisa hi kudzinza Ni kutsekatseka ka misava ni guwa ga hombe, Hi xipupuri ni bhubhutsa, ni langavi ga nzilo wu hisako.

Isaya 30:30

Zonake Jehova i ta zwakalisa a gezu gakwe ga wudumo, A kombisa lezaku gi bisa kuyini a woko gakwe zangeni yakwe, Hi nzilo wu lovisako, ni bhubhutsa, ni xipupuri ni vula ya maralala. Ekso. 9:23; Jox. 10:11

Isaya 32:19

Kanilezi a khwati gi tawa loku kuna maralala, Ni muti wu ta tsongahatiwa.

Ezekieli 13:11

hikwalaho u ta byela lava va gi tshulako hi mhemba lezaku gi tawa. Ku tana a vula ya hombe, na nwina maralala ya hombe mu tawa; ni xingulu xi ta gi khungumula.

Ezekieli 13:13

Hikwalaho Hosi Jehova i ngalo: Nzi ta vuxa a xingulu zangeni ya mina, hi kota ya khulo ga mina ku tana a vula ya hombe, ni maralala ya hombe zangeni ya mina, kasi ku gi hetisa.

Ezekieli 38:22

Nzi ta mu lamula hi ntungu ni nkhata; nzi ta nisa a vula hehla kakwe ni mitlawa yakwe ni matiko laʼwo tala ma nga zinwe naye, a vula yo tshisa, ni maralala ya hombe, a nzilo ni solufa.

Mitsengo 10:33

Va lo andlamuka hi le xitsungeni xa Jehova, va famba a pfhuka wa masiku manharu, ni nghaxa ya xivumelwano xa Jehova yi wa famba mahlweni kabye a pfhuka wa masiku manharu, a ku lava a wutshamu ga kuhumula.

Mitsengo 4:15

Loku Aroni ni vana vakwe va mbhetile ku fenengeta a wutshamu ga kubasa ni zontlhe zibya za kona, a wugovelo gi ta andlamuka; zonake a vanana va ka Kohati va ta ta rwala. Kanilezi va nga ta zi khumba, hakuva zilo zi basileko, va ngafa. Lowu wu tava ntiro wa vanana va ka Kohati, a ku rwala a zibya za tenda ga mutlhangano.

Mitsengo 4:5

Loku a wugovelo gi andlamuka, Aroni ni vana vakwe va ta chisa a xisirelo, va fenengeta ha xona a arke ga wumboni,

Joxua 10:11

Ku te na va ha chava va ka Israeli, na va relela le Bete-Horoni, Jehova i lo nisa maribye ya hombe hehla kabye mata hi le tilweni, kala le Azeka, vona va lo dawa, lava va nga dawa hi vula ya maribyana va wa tele nguvu ku hunza lava va nga dawa hi va ka Israeli hi matlhari. Ekso. 9:17

Kuvululelwa 11:13

Hi xwalexo xikhati ku wa hi kona a kutsekatseka ka hombe ka misava, ku lo khungumuka a xipanze xa wukhume xa muti; ku dawa a 7,000 wa vanhu hi kutsekatseka loko; lava va nga sele va lo chava, va dumisa Nungungulu wa tilo. Jox. 7:19; Xip. 14:7; 16:19

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 12:1

Zonake ku lo woneka a masingita ya hombe le tilweni, ya wasati loyi a nga ambele gambo, a hi ni hweti lahasi ka mikonzo yakwe, le hlokweni yakwe i wa hi ni xidlodlo xa khume ga tinyeleti ni timbiri.

Kuvululelwa 16:1

Zonake nzi lozwa a gezu ga hombe gi huma tempeleni, giku ka tingelosi ta ntlhanu ni timbiri: Fambani mu ya halata misaveni a ntlhanu wa mikhelo ni yimbiri ya zanga ya Nungungulu. Xip. 14:10

Kuvululelwa 16:18

Ku wa hi kona a kuhatima, ni kuvuma, ni kudzinza, ni kutsekatseka ka hombe ka misava, loku cima ku nga tsekatsekisangiko nguvu kota lezo a ku sukela lezi vanhu va nga vangiwa laha misaveni. Dan. 12:1; Xip. 11:13

Kuvululelwa 16:21

Ku lona vula ya maralala ya hombe hi le tilweni hehla ka vanhu, a kutika ka ginwe ni ginwani ku wa hi talenta; ni vanhu va lo rukatela Nungungulu hi kota ya xixaniso xa maralala, hakuva xi wa hi xa hombe nguvu. Ekso. 9:23-25; Xip. 11:19

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5

Kuvululelwa 4:1

Zonake nzi lo wona a nyangwa yi vululekileko le tilweni, a gezu go sangula legi nzi nga gizwa gi lo wulawula na mina, na gi zwala kota mpunzu, giku: Kanziha uta laha, nzi ta ku wonisa lezi zi ta nga maheka anzhako ka lezi. Xip. 11:12; 22:6

Kuvululelwa 4:5

Laha xitshanwini xa wuhosi ku lo huma kuhatima ni magezu ni kudzinza. Ku wa hi ni ntlhanu wa minwenge ni mimbiri yi nga vura mahlweni ka xitshamu xa wuhosi, leyi yi nga mimoya ya ntlhanu ni mimbiri ya Nungungulu Ekso. 37:23; Ezek. 1:13; Zak. 4:2

Kuvululelwa 7:15

Hikwalaho va yimile mahlweni ka xitshamu xa wuhosi xa Nungungulu, va mu tirela mumu ni wusiku tempeleni yakwe. Loyi a tshamileko xitshanwini xa wuhosi i ta tshambuluta tabernakeli gakwe hehla kabye. Isa. 4:5, 6; Xip. 21:3

Kuvululelwa 8:5

Zonake a ngelosi yi lo teka a xibya, yi xi tatisa hi nzilo wa laha alatini, yi xi hoxa misaveni; laho ku wa hi kona a kudzinza, ni kuvuma, ni zingwalangwanza, ni kutsekatseka ka misava. 2 Sam. 22:8; 1 Tih. 19:11; Miti. 4:31

Kuvululelwa 8:7

Leʼyo ranga yi loba a mpunzu wa yona, zonake kuna vula ya maralala ni nzilo, na zi patsilwe ni nkhata, zi hoxwa misaveni. Ku lo hiswa a xipanze xa wunharu xa misava, ku hiswa ni xipanze xa wunharu xa tisinya, ku hiswa ni byanyi gontlhe go nyuka. Isa. 2:13; Ezek. 38:22; Xip. 16:2