Kuvululelwa 11:18 - Tshwa Bible

¹⁸ A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

Kuvululelwa 11:18 교차 참조

Tisimu 103:11

Hakuva khwatsi hi lezi a tilo gi tlakukileko hehla ka misava, Zi tano a wuxinji gakwe ka lava va mu chavako.

Tisimu 110:5

A Hosi yi nga reveni ga wena ga xinene, Yi ta hihirita tihosi hi siku ga zanga ya yona.

Tisimu 147:11

Jehova wa xalaliswa hi lava va mu chavako, Lava va tsumbako wuxinji gakwe.

Tisimu 2:5

Zonake i ta wulawula kabye zangeni yakwe, A va hlokisa hi kutsanwa kakwe,

Tisimu 85:9

Hizinene, a kuhanyisa kakwe ku tshinele ka lava va mu chavako, Kasi kungangamela ka tshama tikweni ga hina. Joh. 1:14

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Mutshawuteli 8:12

Loku muonhi a maha kubiha zana ga makhati, hambu loku masiku yakwe ma hlaya laha misaveni, nza zi tiva lezaku lava va chavako Nungungulu va ta humelela, hakuva va mu chava mahlweni kakwe. Deut. 6:24; Tis. 33:18

Danieli 11:44

Zonake a mahungu lawa ma ta nga huma hi le Mutsuwuka-gambo ni le Nwalungu ma ta mu karata. I ta huma hi zanga ya hombe nguvu a ku ya hlasela ni ku hihirita vo tala.

Danieli 7:26

Kanilezi a lamulelo wu tata, i ta tekelwa mufumo wakwe, wu hahlulwa wu lovela magumo.

Danieli 8:25

Hi kota ya kutlhariha ka yona yi ta humelela hi mano ya yona; i ta ti kulisa mbilwini yakwe, a lovisa vanyingi lava va tshamekileko. Kambe i ta vukela a hosi ya tihosi, kanilezi i ta tshobyiwa na ku nga hi woko ga munhu.

Mateu 5:12

Tsakani, mu nengela nguvu, hakuva ngwa hombe a nchachazelo wa nwina le tilweni; hakuva va lo xanisisa lezo a vaprofeti lava va mu rangeleko. Neh. 9:26; Miti. 5:41; 1 Ped. 4:13

Luka 1:50

A zizukulwaneni zontlhe a wuxinji gakwe gi ka lava va mu chavako.

Maheberu 9:27

Kambe kota lezi ku yimiselweko vanhu a kuva vafa kanwe, va lamulwa; Gen. 3:19; 2 Kor. 5:10; Kuv. 20:12

Kuvululelwa 10:7

Kanilezi a masikwini ya gezu ga ngelosi ya wuntlhanu ni timbiri, laha yi ta ngaba mpunzu, ku heteka a fihlakalo wa Nungungulu, khwatsi hi mahungu yo saseka lawa a nga ma byela a malanza yakwe a vaprofeti.

Kuvululelwa 11:2

Kanilezi a hubye leyi yi nga lahandle ka tempeli, yi tsike, u nga yi pimi; hakuva yi nyikelwe a vamatiko; va ta kanzihela a muti wo basa a mune wa makume ya tihweti ni timbiri. Tis. 79:1; Ezek. 40:17; Lu. 21:24

Kuvululelwa 13:10

Loyi a yisako vanwani wukhumbini, yenawu i ta mahiwa khumbi; loyi a dayako hi supado, i ta dayiwawu hi supado. Kwalaho ka woneka a kutimisela ni kukholwa ka vobasa. Gen. 9:6; Isa. 33:1; Mat. 26:52

Kuvululelwa 13:16

Xi lo kurumeta vontlhe a vatsongwani ni vahombe, lava va fumileko ni lava va vumalako, a va tlhatlhekileko ni tikhumbi, lezaku va vekwa xifungo canjeni gabye ga xinene, kutani zimombyeni zabye; Xip. 19:20

Kuvululelwa 14:10

yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10

Kuvululelwa 15:1

Nzi lo wona manwani masingita le tilweni lawa ya hombe ma hlamalisako, ya ntlhanu wa tingelosi ni timbiri ti nga ni ntlhanu wa zixaniso ni zimbiri zo gumesa, hakuva ku tatiseka ha zona a zanga ya Nungungulu.

Kuvululelwa 15:7

Xinwe xa mune wa zimahwa zi hanyako xi lo nyika ntlhanu wa mikhelo ni yimbiri ya nzalama ka tingelosi leti ta ntlhanu ni timbiri, na yi tele hi zanga ya Nungungulu, loyi a hanyako kala kupinzuka ni kupinzuka.

Kuvululelwa 18:6

Mu tlheliseleni kota lezi yena a nga tlhelisela, mu mu engeta kumbiri hi ku ringanisa ni mitiro yakwe; ni ku mu chela kumbiri gombeni legi a nga chela ha gona. Tis. 137:8; Jer. 50:15, 29

Kuvululelwa 19:15

Ku huma nonwini wakwe a supado yo kariha, leyi a ta ngaba matiko ha yona. I ta ma fumela hi nhonga ya xiketse; i ta kamela xigowolweni xa vinya ga zanga yi tshisako ya Nungungulu Nyamintamu. Tis. 2:9; Isa. 11:4; 3:3; Xip. 1:16; 2:27

Kuvululelwa 19:18

Mu taga a nyama ya tihosi, ni nyama ya tinduna, ni nyama ya tinhenha, ni nyama ya mahaxi ni ya lava va khileleko ka wona, ni nyama ya vontlhe lava va tlhatlhekileko ni tikhumbi, a vatsongwani ni vahombe.

Kuvululelwa 19:5

A gezu gi lo huma xitshanwini xa wuhosi, giku: Khesani Nungungulu wa hina, nwina malanza yakwe nwentlhe, nwina lava mu mu chavako, a vatsongwani ni vahombe. Tis. 134:1; 135:1

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.

Kuvululelwa 22:12

Languta, nzata lokuloku ni nchachazelo wa mina, kasi ku ta nyika munwe ni munwani kotisa lezi wu nga zona ntiro wakwe. Isa. 40:10; 62:11; Xip. 20:12