Loku hi kuvululwa ka Jesu Kristu, a nga nyikiwa hi Nungungulu lezaku a tivisa a malanza yakwe lezi zi ta nga humelela lokuloku. I lo ruma a ngelosi yakwe a ku ya zi kombisa ka Johani a nanza gakwe; Joh. 3:32
Lezi u zi wonako zi tsale bhukwini, u gi rumela ka mabandla ya ntlhanu ni mambiri: le Efesusi; ni le Sinima, ni le Pergamumi, ni le Tiatira, ni le Sardisi, ni le Filadelfia, ni le Loadikea.
Nzi lo hunzuluka a kuva nzi wona loyi nzi zwileko gezu gakwe na gi wulawula ka mina; na nzi hunzulukile nzi lo wona a ntlhanu ni timbiri a timeza ta nzalama to veka tikandiya. Zak. 4:2
Laha a ntlhanu wa kudzinza ni kumbiri na ku zwatile a magezu ya kona, mina nzi wa lava ku tsala. Kanilezi nzi lozwa a gezu ga le tilweni giku; Vala hi zifungo a timhaka leti ti kanelweko hi kudzinza ka ntlhanu ni kumbiri, u nga ti tsali. Dan. 8:26; 12:4, 9
Yiku ka mina: Tsala: Va katekile lava va rambilweko mubuzweni wa muchado wa Yivana. Yi engeta yiku ka mina: Leti hi timhaka ta zinene ta Nungungulu. Mat. 22:2, 3; Lu. 14:15, 16
