17 Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10
Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.
Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.
Kanilezi Mosi aku ka vanhu: Mu nga chavi, hakuva Nungungulu i tile ku ta mu ringa, kasi a kuchabya kakwe kuva mahlweni ka nwina, kasi ma fela ku kala mu nga onhi.
Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.
U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.
Himani a mahileko lezi zilo a zi mbhelelisa? Hi yena loyi a vitanileko a zizukulwana za vanhu hi le kusanguleni; Mina Jehova, a wo ranga ni wo gumesa, nzi mina yena. Kuv. 1:8, 17; 22:73
Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17
A kuvangamela matlhelweni wontihe ku wa fanana ni kungangamela ka wura ga nyazimu, legi gi wonekako refini hi siku ga vula. Zi wa wonekisa lezo leʼzi nga fanana ni kungamela ka Jehova. Laha nzi nga zi wona nzi lowa hi nghohe ya mina, na nzi kari nzizwa a gezu ga munwe loyi a wulawulako.
Zonake aku ka mina: Danieli, u nga chavi, hakuva kusukela a siku go ranga legi a mbilu ya wena yi nga pika ku pimisisa ni ku ti tsongahata mahlweni ka Nungungulu wa wena, a timhaka ta wena ti zwilwe; nzi tile hi kota ya timhaka ta wena.
Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.
Pedro i lo hunzuluka, a wona a mupizani loyi Jesu a nga mu ranza, na a kari a va lanza; hi loye a nga khegele xifuveni xakwe laha kugeni, a mu wutisa aku: Hosi, himani a ku nyikelako ke? Xip. 13:23, 25; 20:2
Lezi u zi wonako zi tsale bhukwini, u gi rumela ka mabandla ya ntlhanu ni mambiri: le Efesusi; ni le Sinima, ni le Pergamumi, ni le Tiatira, ni le Sardisi, ni le Filadelfia, ni le Loadikea.
Johani a rungula a mabandla ya ntlhanu ni mambiri ma nga le Asia, aku: A tipswalo ni kurula a zive na nwina zi tako hi ka yena Loyi a nga kona, Loyi a nga hi kona, Loyi a ta ngata, ni ka mimoya ya ntlhanu ni mimbiri leyi yi nga mahlweni ka xitshamu xakwe xa wuhosi; Ekso. 3:14; Zak. 3:9; Joh. 1:1
