Juda 1:3 - Tshwa Bible

³ Varanzekako, kota lezi nzi pangamileko a ku mu tsalela hi mhaka ya kukholwa ka hina hontlhe, nzi yimelwe hi ku mu tsalela nzi mu khongotela lezaku mu lwela a kukholwa loku ku nyikilweko kanwe ka vobasa. Fil. 1:27; Tit. 1:4

Juda 1:3 교차 참조

Nehemia 13:25

Nzi lo va holovela, nzi va rukatela, a vanwani va kona nzi vaba, nzi hlurula misisi yabye, nzi va hlambanyisa hi Nungungulu, nziku: Mu nga lowolisi a vanhanyana va nwina ka vafana vabye, ge hambu ku lowota a vafana va nwina a vanhanyana vabye, ge hambu ku ti lowolela nwina wutsumbu. Deut. 7:3; Ezra 9:2

Isaya 45:17

Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

Isaya 45:22

Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

Jeremia 9:3

Va kondla lirimi labye ku fanana ni wura kasi ku hemba mawunwa, Va na ni ntamu tikweni, kanilezi a va wu tirisi ku maha zinene, Hakuva vaya mahlweni hi kubiha ni kubiha, A va nzi tivi, ku wula Jehova.

Mitiro 17:3

a va tlhatlhambutela ni ku va kombisa aku zi wa lavekile lezaku Kristu a xaniseka, a tlhela a vuka hi ka vafileko; ni lezaku Jesu loyi nzi mu kanelako ka nwina, hi yena Kristu. Lu. 24:26, 46; Xip. 18:28

Mitiro 18:28

hakuva i lo kanetisana ni vaJuda hi ntamu, a va kona mahlweni ka vanhu, a kombisa hi Mitsalo lezaku Jesu hi Kristu. Xip. 9:22; 17:3

Mitiro 20:27

Hakuva a nzi lovangi a kuba hungu ka nwina hi khungo gontlhe ga Nungungulu. Lu. 7:30; Joba 15:15; Efe. 1:11

Mitiro 28:28

Hikwalaho ngha zi tiveka ka nwina, lezaku a kuhanvisa loku ka Nungungulu ku rumelwe ka vamatiko, vona va ta ingisa. Mat. 21:41, 43; Xip. 13:46-47; Rom. 11:11

Mitiro 4:12

A ku kona kuhanyiswa hi ka munwani; hakuva a ku na vito ginwani lahasi ka tilo, legi gi nyikilweko xikari ka vanhu, legi hi nga hanyiswako ha gona. Mat. 1:21; Xip. 10:43; Rom. 3:24; 1 Tim. 2:5

Mitiro 6:7

A mhaka ya Nungungulu yi lo anza, ni ntsengo wa vapizani wu lo enzelekelana ha hombe le Jerusalema; ni vapristi vanyingi va lo kholwa. Kol. 1:6; 2 Tim. 3:1; Joh. 12:42

Mitiro 9:13

Kanilezi Ananiasi i lo hlamula, aku: Hosi, nzi zwile hi vanyingi hi munhu loyi, hi kubiha kontlhe loku a ku maheleko a vakubasa va wena le Jerusalema;

Mitiro 9:22

Kanilezi Saule i lo enzeleka hi ntamu, a hlula a vaJuda lava va nga hi le Damasku, a va kombisa lezaku Jesu hi Kristu. Xip. 18:28

1 Va le Korinte 15:3

Hakuva a mhaka ya hombe nzi nga mu fayela yona, leyi minawu nzi nga yi amukela, hi lezaku Kristu i lo fela zionho za hina kota lezi yi wulako mitsalo; Gen. 3:15; Tis. 22:15; Isa. 53:5; 1 Ped. 2:24

Va le Galatia 2:5

A hi va nyikangi ni mole wa ku va ingisa, ge ni xikhatanyana; lezaku kasi a zinene za ivangeli zi fela ku tshama na nwina.

Va le Galatia 3:28

A ka hi kona muJuda hambu muGreki, a ka hi kona khumbi hambu a tlhatlhekileko, a ka hi kona wanuna hambu wasati; hakuva nwina nwentlhe mu munwe ka Kristu Jesu. Joh. 10:16; 17:21; Rom. 10:12

Va le Galatia 6:11

Ma nga wonani lezaku ma kulisile kuyini a maletela lawa nzi tsalileko ka nwina hi canja ga mina wutsumbu.

Va le Efesusi 1:1

Paule, a mupostoli hi kuranza ka Nungungulu, nza rungula a vobasa lava va nga le Efesusi, lava va tsumbekileko ka Kristu Jesu, nziku: Kol. 1:2

Deuteronome 21:9

Zinghaho wena u ta susa a nkhata lowu wu nga hiko ni nanzu xikari ka wena kasi mu maha kululama mahlweni ka Jehova.

Deuteronome 9:10

Zonake Jehova i lo nzi nyika a timbila timbiri ta maribye, ku tsalilweko ka tona hi litiho la Nungungulu; a ka tona ku wa tsalilwe a timhaka tontlhe leti Jehova a mu byelileko xitsungeni, na a hi lomu nzilweni a siku lego ga tlhangano.

Va le Filipi 1:1

Paule na Timote, a malanza ya Jesu Kristu, ha losa a vobasa ka Kristu Jesu, lava va nga le Filipi, zinwe ni varisi ni madikoni, hiku:

Va le Filipi 1:27

Ntsena ngha na mahanyela ya nwina ma fanela a ivangeli ya Kristu; lezaku hambu nzita nzi ta mu wona, hambu nzi ngati, nzi fela kuzwa timhaka ta nwina lezaku mu yimile muku nde moyeni munwe, na mu lwela a kukholwa ka ivangeli hi mbilu yinwe,

Va le Kolosi 1:2

ha rungula a vobasa ni vamakabye va tsumbekileko ka Kristu lava va nga le Kolosi, hiku: A tipswalo ni kurula a zive na nwina na zi huma ka Nungungulu a Dadani wa hina. Efe. 6:21

1 Va le Tesalonika 2:2

Kanilezi hambu lezi hi nga rangile hi xaniseka ni ku khonʼwa hi tingana le Filipi (kota lezi mu zi tivako), hi lo tiya-hlana ka Nungungulu wa hina, hi kanela ka nwina a ivangeli hi kulwa ka hombe. Miti. 16:22; 17:2

1 Timote 1:18

Nza ku laya, Timote nwananga, kota lezi ku nga profetiwa kale ha wena, lezaku ulwa ha kona a kulwa ko saseka, Xip. 4:14

1 Timote 6:12

Lwana a kulwa ko saseka ka kukholwa, u khomisisa a wutomi ga pinzukelwa, legi u vitanelweko gona, laha u nga vumela a kuvumela ko saseka mahlweni ka vakustumunyu vanyingi. Fil. 3:12; 2 Tim. 4:7; Maheb. 13:23

2 Timote 1:13

Khomisisa hi kukholwa ni liranzo leli li nga ka Kristu Jesu a timhaka leti ti nene, leti u ti zwileko ka mina, lezaku tiva xikombiso ka wena. Rom. 2:20; 6:17; 1 Tim. 6:3; Tit. 1:9; Maheb. 10:23

Titusi 1:4

Mina Paule nza rungula Titusi, a nwananga hizinene a kukholweni loku hi nga nako hi wumbiri ga hina, nziku: A tipswalo ni kurula a zive na wena, na zi huma ka Nungungulu Dadani na Kristu Jesu a Muhanyisi wa hina. 2 Kor. 2:13; Gal. 2:3

Maheberu 13:22

Kanilezi nza mu khongotela, vamakabye, timiselani ni mhaka leyi ya ku mu luleka; hakuva nzi mu tsalele hi timhaka ti tsongwani. 1 Ped. 5:12

Maheberu 6:9

Kanilezi, varanzekako, hina hi cuwukele a zilo za chukwana ka nwina, lezi zi xungeteneko ni kuhanyiswa, hambu loku hi wulawulisa lezo.

1 Pedro 5:12

Mina nzi tsalile a timhaka leti ti tsongwani ha yena Silvanusi, a nakulori a tsumbekileko hi kuwona ka mina, kasi ku mu khongotela ni ku maha wukustumunyu lezaku a tipswalo ti nene ta Nungungulu hi leti. Yimani muku nde ka tona. 1 Kor. 15:1; 2 Kor. 1:19

2 Pedro 1:1

Simoni Pedro, a nanza tlhelo mupostoli wa Jesu Kristu, nza rungula vona lava va kumileko a kukholwa ku nga ni tsengo wa hombe wo fanana ni loku hi ku kumileko hina kululameni ka Nungungulu wa hina tlhelo Muhanyisi Jesu Kristu, nziku:

2 Pedro 2:21

Hakuva ngha ku hi chukwana ka vona loku va wa nga tivangi a ndlela ya kululama, a ku hunza lezaku na va yi tivile va tlhelela nzhako, va tsika a xileletelo xo basa lexi va nyikilweko xona.

Juda 1:1

Mina Juda, nzi nga nanza ga Jesu Kristu, a nakulobye wa Jakobe, nza rungula lava va vitanilweko, va nga lava va ranzekako ka Nungungulu Dadani, va hlayiselweko Jesu Kristu, nziku: Lu. 6:16; Joh. 17:11; Rom. 1:7

Juda 1:17

Kanilezi nwina, varanzekako, alakanyani a timhaka leti ti nga kanelwa a kale hi vapostoli va Hosi ya hina Jesu Kristu;

Juda 1:20

Kanilezi nwina, varanzekako, ti akeni kukholweni ka nwina loku ku basileko, mu khongela hi Moya wa ku Basa; Kol. 2:7

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12