Joxua 8:1 - Tshwa Bible

¹ Makunu Jehova i te ngalo ka Joxua: U nga chavi, hambu ku mbhela ntamu! Famba ni vontlhe lava va hlomileko u yalwa ni Ai. Languta, mina nzi nyikele canjeni ga wena a hosi ya Ai zinwe ni vanhu va yona, ni muti wa yona ni tiko ga yona. Deut. 1:21; 7:17

Joxua 8:1 교차 참조

Tisimu 27:1

Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Tisimu 44:3

Hakuva a va kumangi tiko hi matlhari yabye, A va hlulangi hi mawoko yabye, Kanilezi hi canja ga wena ga xinene, ni woko ga wena, Ni kuvaninga ka nghohe ya wena, hakuva u lo xalala ha vona. Ekso. 33:14; Mitse. 6:25; Jox. 24:12

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 43:2

Hambu loku u tsemakanya matini, nzi tava na wena, Loku U tsemakanya micongo, cima u nga ta mhemba, Loku u famba lomu nzilweni u nga taswa, Ge hambu ku hiswa hi malangavi. Tis. 23:4; Mar. 16:18

Jeremia 46:27

Kanilezi u nga chavi, wena Jakobe, nanza ga mina, U nga dzukiswi wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a ta tshameka khwatsi, Ku nga tava kona wo mu chavisa.

Jeremia 49:3

Bana huwa wena Hexboni, hakuva Ai i hahlulwe. Rilani nwina vanhanyana va Rabba, ambalani tinguwo ta tisakwa. Tlhavani nkosi, mu renzelekela lomu tigingisini, hakuva Malkamu i taya wukhumbini, zinwe ni vapristi vakwe ni tihosana takwe.

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Mateu 8:26

Yena aku kabye: Nwina va kukholwa ku tsongwani, hi yini mu chavako? Zonake i lo vuka, a kawuka mheho ni bimbi, ku lova ni malenga ya hombe. Tis. 65:7

Deuteronome 1:21

Languta Jehova, Nungungulu wa wena, i ku nyikile tiko. Kanziha uya gi teka, kota lezi Jehova a wulileko, yena Nungungulu wa vararu va wena. U nga chavi hambu ni ku rurumela.

Deuteronome 31:8

Jehova i ta famba mahlweni ka wena, ava zinwe na wena; cima a nga ta ku tsika, hambu ni ku ku siya; hikwalaho u nga chavi u mbhela ntamu.

Deuteronome 7:18

U nga va chavi! Alakanya khwatsi lezi Jehova Nungungulu wa wena a zi mahileko ka Faro ni ka vontlhe vaGipite,

Deuteronome 7:21

Wena u nga dzukiswi ha vona, hakuva Jehova Nungungulu wa wena i kona xikari ka wena, i Nungungulu wa hombe, wo tshisa.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Joxua 10:7

Zonake Joxua i lo suka le Gilgale zinwe ni vontlhe vavanuna va hlomileko ni tontlhe tinhenha.

Joxua 10:8

Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2

Joxua 2:24

Na vona va te ngalo ka Joxua: Hakunene Jehova i nyikile tiko gontlhe mandleni ya hina, hakuva a vaaki va tiko va mbhelile ntamu hi kota ya hina.

Joxua 6:2

Na Jehova i te ngalo ka Joxua: Languta, nzi nyikele canjeni ga wena a Jeriko ni hosi ya kona, ni tinhenha ta kona.

Joxua 7:9

Laha a vaKanani ni vontlhe lava va akileko lomu tikweni va ta nga zizwa, va ta su ta hi ranzela, va susa a vito ga hina laha misaveni; wenake u ta maha yini hi vito ga wena ga hombe ke? Ekso. 32:12; Mitse. 14:13