14 Ni vanana va ka Josefa va lo wulawula na Joxua, vaku: Hikuyini u hi nyika a tshomba ya xiavelo xinwe, a tiko ga hina gi maha ginwe basi, kasi wa hi wona lezaku hi vanhu lava va teleko, lava Jehova a va katekisileko nguvunguvu kala lezi ke?
Kanilezi a raru wakwe i lo ala, aku: Nza zi tiva, nwananga, nza zi tiva; yenawu i tava a tiko, ni lezaku yenawu i tava wa hombe; hambu zi hi tano a nzisana yi tava wa hombe kakwe, ni pswalo wakwe wu tava matiko manyingi.
Hikwalaho i lo va katekisa lego siku, aku: A vaIsraeli a va wule hi kukateka ka wena, vaku: Nungungulu a ku mahe kota Efraime ni ku kota Manasse. Zi wa nghaho i lo yimisa Efraime mahlweni ka Manasse.
Makunu mina nza ku nyika a xiavelo xinwani a handle ka vanakuloni, lexi nzi wutlileko canjeni ga maAmori hi supado ya mina zinwe ni wura ga mina. Gen. 34:27; Joh. 4:5
A lixaka la hombe u ta li nyika a tshomba yo tala; leli li nga litsongwani u ta li nyika a tshomba yitsongwani; linwe ni linwani li ta nyikiwa tshomba khwatsi hi wunyingi ga lona.
Na Joxua i te ngalo kabye: Loku u hi tiko ga hombe, kanziha lomu makhwatini mu ya ti xakatsela masimu lomu tikweni ga maPerezi, ni ga maRefaime, lezo a xitsunga xa Efraime xi hlongileko ka wena.