Joxua 11:6 - Tshwa Bible

⁶ Jehova a ku ngalo ka Joxua: U nga va chavi, hakuva manziko hi xona lexi xikhati, nzi ta va nyikela vontlhe va dawa mahlweni ka vaIsraeli. U ta tsema misiha ya milenge ya mahaxi yabye, u hisa tikareta tabye hi nzilo.

Joxua 11:6 교차 참조

2 Samueli 8:4

I lo mu wutlela 1,700 wa vakhileli va mahaxi, ni 20,000 wa vavanuna va fambako hi milenge, a tsema misiha ya mahaxi ya tontlhe tikareta, a siya lawa ma ringanako 100 wa tikareta.

2 Tihosi 6:16

Yena i te ngalo: U nga chavi, hakuva lava va nga na hina va tele ku hunza lava va nga na vona.

2 Kronekele 20:16

Manziko relelani mu va yela; hi lavaya, va kanziha vata hi le xitsungeni xa Zizi. Mu ta ya kumana navo le magumo ka nkova lowu wu cuwukeneko ni xiwula xa Jerueli.

Tisimu 46:10

Yimani, mu tiva lezaku mina nzi Nungungulu; Nzi ta tlakuswa xikari ka matiko, nzi ta tlakuswa misaveni. Isa. 30:15

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Tisimu 46:9

Yena i maha a tiyimpi ti khawula kala magumelweni ya misava, Wa tshova wura, ni ku tsema tlhari gi pulakanyeka; A hisa tikareta nzilweni.

Mavingu 20:7

A munhu nene i famba kululameni kakwe; a katekile a vana vakwe va mu lanzelako.

Isaya 30:16

Nwina mu te ngalo: Hina hi ta hlasela na hi khilele mahaxi! Hikwalaho mu ta hlaselwa. Muku ngalo: Hi ta khilela mahaxi ya mazambo! Hikwalaho mu ta hlongolwa hi lava va nga ni mazambo. 2 Tih. 25:4

Isaya 31:1

Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

Ezekieli 39:9

Lava va akileko mitini ya ka Israeli va ta huma, va ya maha tihunyi hi matlhari, a zitlhangu ni tingenge, a mawura ni tigalala, a zigomba ni mahubula, va ta dzivela ha zona a nzilo a ntlhanu wa malembe ni mambiri.

Hosea 14:3

Assiria a nga ta hi hanyisa; hi nga ta khilele a mahaxi. Hi nga ta wula kambe ka mitiro ya mandla ya hina, hiku: Nwina mu vanungungulu va hina; hakuva a xisiwana xa kuma wuxinji ka wena.

Nahume 2:13

Languta, nzi ta ku vukela, ku wula Jehova wa tiyimpi; nzi ta hisa tikareta ta wena, ti maha musi; a supado yi ta lovisa a tinghalana ta wena. Nzi ta susa misaveni lezi u zi phangileko, ni magezu ya mitsumi ya wena ma nga ta ha zwala kambe.

Deuteronome 7:16

Wena u ta heta wontihe matiko lawa Jehova Nungungulu wa wena a ku nyikileko wona, u nga ta va hawukela. Kambe u nga khozeli vanungungulu vabye, hakuva lezo zi tava ziyo ka wena.

Joxua 10:8

Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2

Joxua 11:5

Ni tontlhe leti tihosi ti wa tsombene wutshamu ginwe, zonake vontlhe va loya gova kusuhani ni mati ya le Merome, a kuva valwa ni va ka Israeli.

Joxua 11:7

Zinghaho Joxua ni vontlhe vanhu vakwe va hlomileko va lota va putsuketa kusuhani ni mati ya Merome, va va vukela.

Joxua 11:9

Na Joxua i lo va maha khwatsi hi lezi Jehova a mu byelileko; i lo tsema misiha ya milenge ya mahaxi, a hisa tikareta tabye nzilweni.

Joxua 3:5

Na Joxua i te ngalo ka vanhu: Basisani wutsumbu ga nwina, hakuva manziko Jehova i ta maha zihlamaliso xikari ka nwina. Ekso. 19:10, 14

Valamuli 20:28

Fineasi nʼwana Eleazare wa Aroni na a yimile mahlweni ka gona masikwini lawo), vaku: Hi engeta kambe hi huma ku yalwa ni vanana va nakulori Benjamini, kutani hi tsika ke? Jehova aku: Kanzihani, hakuva manziko nzi ta va nyikela mandleni ya nwina. Jox. 22:13, 30

Valamuli 7:9

Gwalego wusiku Jehova i te ngalo kakwe: Suka u relela le wugovelweni, hakuva nzi gi nyikele mandleni ya wena.

1 Samueli 11:9

Vona va te ngalo ka mitsumi leyo yi nga wa tile: Mu taya byela a vanhu va le Jebexe-Gileade, muku: Manziko, hi xikhati lexi a gambo gi hisako nguvu, mu ta poniswa. Zonake a mitsumi yi lo tlhela yi ya tivisa timhaka leto ka va le Jebexe. A vanhu lavo va lo tsaka.