Johani 7:13 - Tshwa Bible

¹³ Hambu lezo ku wa nga hi kona munhu a nga wulawula ha yena kubaseni, hi kota ya kuchava vaJuda.

Johani 7:13 교차 참조

Mavingu 29:25

A ku chava vanhu ku neha ziyo, anilezi loyi a tsumbako Jehova i ta pona. Mat. 10:28

Johani 19:38

Anzhako ka lezo Josefa wa le Arimatea, loyi a nga hi mupizani wa Jesu, kanilezi hi kufihlaleni hi ku chava vaJuda, i lo kombela Pilatu lezaku a vumelwa ku hawula a xirumbi xa Jesu; Pilatu i lo mu vumela. Zonake i lo famba, a ya susa a xirumbi xakwe. Mat. 27:57; Mar. 15:42; Lu. 23:50

Johani 20:19

Laha gi nga hlwile gwalego siku, gi nga siku go ranga ga viki, na ti valilwe tivati laha vapizani va nga hi kona hi ku chava vaJuda, Jesu i lota a ta yima xikari kabye, aku ngalo: A kurula a kuve ka nwina. Mar. 16:14; Lu. 24:36; 1 Kor. 15:5

Johani 3:2

Yena i lota ka Jesu ni wusiku, aku ngalo: Rabi, ha zi tiva lezaku u mugonzisi loyi a tileko hi ka Nungungulu; hakuva a ku na munhu a zi kotako ku maha a ziwoniso lezi u zi mahako, loku Nungungulu a nga hi naye. Xip. 7:50; 19:39; Miti. 2:22; 10:38

Johani 7:1

Anzhako ka lezo, Jesu i wa fambafamba le Galilea; i wa nga ranzi ku fambafamba le Judia, hakuva a vaJuda va wa lava ku mu daya. Xip. 5:16, 18

Johani 7:11

A vaJuda va lo mu lava le mubuzweni, vaku: I kwihi? Xip. 11:56

Johani 7:15

A vaJuda va lo hlamala, vaku: A munhu loyi i tivisa kuyini mitsalo, lezi cima a nga gonzangi ke? Mat. 13:54; Miti. 2:7

Johani 9:22

A vapswali vakwe va lo wula lezo, hi ku chava vaJuda; hakuva a vaJuda va wa vumelene vaku, loku munhu a vumela lezaku Jesu hr Kristu, i ta humeswa sinagogeni. Xip. 7:13; 12:42; 16:2

Johani 9:34

Va lo hlamula, vaku kakwe: Wena u la su pswalelwa kuonheni ku tshingileko, wa hi gonzisa wena ke? Va lo mu hlongola aya handle. Vesi 2

Kuvululelwa 2:13

Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.