Makunu laha a tihosi ta le Babuloni ti nga rumela a mitsumi ka yena a ku ta mu wutisa hi zihlamaliso lezi zi humelelako lomu tikweni ga va ka Israeli, Nungungulu i lo mu tsika a mu ringa, kasi ku tiva zontlhe zi nga wa hi mbilwini yakwe.
Ti hloteni wutsumbu ga nwina, mu wona loku mu hi kona kukholweni; ti kambeni wutsumbu ga nwina. Kutani a mu zi tivi nwina lezaku Jesu Kristu i kona ka nwina ke? Loku zi nga hi tano a mu na ku amukeleka. Joh. 17:23; Rom. 8:10; 1 Kor. 9:27; 11:28; Gal. 4:10
u nga ingisi timhaka ta muprofeti loye ni mulori loye, hakuva Jehova Nungungulu wa nwina hi yena a mu ringako, kasi ku tiva lezaku xana ma ranza Jehova Nungungulu wa nwina hi timbilu tontlhe ta nwina ni mihefemulo yontlhe ya nwina.
Ha Levi i te ngalo: Tumina wa wena ni Urima wa wena a zi nyikiwe ka wa kubasa wa wena, Loyi u mu ringileko le Masa, Loyi u nga kanetisana naye le matini ya le Meriba. Ekso. 17:7; 28:30
loyi a nga ku gisa manna lomu xiwuleni, lawa ma nga tibyiwiko hi vararu va wena; lezaku a ku koramisa, ni ku ku ringa kasi hi magumeso wa fela ku ku mahela kusasa.
Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.
Nza yi tiva mitiro ya wena, ni kupinyama ka wena ni kutimisela ka wena, ni lezaku a ku na kuhonisela hi vanhu va kubiha; u va hlolile lava va ti wulako vaku vapostoli, na va nga hi vona, u kumile lezaku vo hemba. Tis. 1:6; 2 Kor. 11:18; 1 Joh. 4:1
