Johani 6:2 - Tshwa Bible

² A xidlemo xa hombe xi lo mu lanzela, hilezi va nga wona a ziwoniso lezi a nga zi maha ka lava va nga kari va babya:

Johani 6:2 교차 참조

Mateu 12:15

Jesu na a zi tivile i lo suka laho; a vanyingi va lo mu lanzela, a va hanyisa vontlhe.

Mateu 13:2

Ku lo tsombana kakwe a zidlemo za hombe, kala a enghena ngalaveni, a tshama ka yona; ni zontlhe zidlemo zi lo yima fungwini. Lu. 5:3; 8:4

Mateu 14:14

Loku a huma ngalaveni a wona a xidlemo xa hombe, i lo xi zwela wusiwana, a hanyisa vababyako vabye. Xip. 9:36; Mar. 6:34

Mateu 8:1

Laha na a relele hi le xitsungeni a zidlemo za hombe zi lo mu lanzela.

Marku 1:45

Kanilezi yena i lo suka a ya hlawutela nguvu, ni ku hangalasa a mahungu lawa, a kala Jesu a nga ha zi koti ku enghena ni wihi muti kubaseni; kanilezi i wa fanele ku tshama lehandle wutshanwini ga xiwula, ni vanhu va lota kakwe hi matlhelo wontihe.

Marku 6:33

Kanilezi vanhu va lo va wona ni ku famba, a vanyingi va lo va tiva, va tsutsumela kona hi muhanza hi le mitini yontlhe, va rangela Jesu ni vapizani.

Johani 11:47

Zonake a vapristi va hombe ni vaFarisi va lo tsombanyisa a huwo, vaku ngalo: Hi ta maha yini? A munhu loyi i maha ziwoniso zinyingi. Tis. 2:2; Mat. 26:3; Miti. 4:16

Johani 12:18

Hi kota ya lezo ku lo huma vanwani vanhu kambe, hilezi va nga zwile hi xiwoniso lexi a xi mahileko.

Johani 12:37

Hambu lezi a nga mahile a ziwoniso zinyingi mahlweni ka vona, a va kholwangi ka yena;

Johani 2:11

Lexi hi kusangula ka ziwoniso zakwe, Jesu i lo xi maha le Kana wa le Galilea, a wonekelisa a wukulu gakwe; ni vapizani vakwe va lo kholwa ka yena. Xip. 1:14

Johani 2:23

Na a ha hi Jerusalema laha mubuzweni wa Pasika, a vanhu vanyingi va lo kholwa vitweni gakwe, loku va wona a ziwoniso lezi a nga zi maha.

Johani 20:30

Zinyingi a ziwoniso zinwani lezi Jesu a nga zi maha mahlweni ka vapizani, lezi zi nga tsaliwangiko bhukwini legi; Xip. 21:25

Johani 3:2

Yena i lota ka Jesu ni wusiku, aku ngalo: Rabi, ha zi tiva lezaku u mugonzisi loyi a tileko hi ka Nungungulu; hakuva a ku na munhu a zi kotako ku maha a ziwoniso lezi u zi mahako, loku Nungungulu a nga hi naye. Xip. 7:50; 19:39; Miti. 2:22; 10:38

Johani 6:14

Hikwalaho vanhu na va wonile a xiwoniso lexi a nga xi mahile, vaku: Hakunene loyi muprofeti loyi a nga wa ta kuta lomu tikweni. Gen. 49:10; Deut. 18:15; Mat. 11:3

Johani 6:22

Hi manziko wa kona a xidlemo lexi xi nga sele le tlhatuko wa bimbi, xi lo wona lezaku ku wa nga hi na ngalava laho, saseka leyi a vapizani va nga enghena ka yona, ni lezaku Jesu a nga enghenangi navo, kanilezi a vapizani vakwe va fambile voce.

Johani 6:26

Jesu i lo va hlamula, aku: Hizinene nziku ka nwina: A mu nzi lavi hilezi mu nga wona ziwoniso, kanilezi hilezi mu ngaga zibaba, mu xura.

Johani 6:30

Vaku kakwe: Xiwoniso muni u xi mahako wena, kasi hi fela ku xi wona, hi ku kholwa? U tira yini ke? Mat. 12:38; 16:1; 1 Kor. 1:22