Johani 5:44 - Tshwa Bible

⁴⁴ Mu ta kholwisa kuyini nwina lava va dzunzanako, kasi a wudzunzo legi gi tako hi ka Nungungulu a nga yece, a mu gi lavi? Xip. 12:43; Rom. 2:29

Johani 5:44 교차 참조

2 Kronekele 6:8

kanilezi Jehova i te ngalo ka dadani wa mina Davida: Khwatsi hi lezi u xuvako ku aka a yindlu yi lumbako a vito ga mina, u mahile khwatsi hi mixuvo ya wena.

Jeremia 13:23

Xana a maEtiopia a nga hunzula a hlonge yakwe ke, Hambu a yingwe a mavalavala ya yona ke? Loku zi hi tano na nwinawo mu nga zi kota ku maha zinene, Nwina lava mu toloveleko ku maha kubiha.

Mateu 23:5

A mitiro yabye yontlhe va yi maha kasi ku woniwa hi vanhu; hakuva va anamisa a mafilakterio yabye, va lehisa a machakafula ya tinguwo tabye. Mitse. 15:38; Deut. 22:12

Luka 19:17

Aku ngalo ka gona: U mahile khwatsi, nanza go saseka; lezi u nga tsumbeka ka lezi zi tsongwani, u ta fumela khume ga miti.

Johani 12:43

hakuva va wa ranza ku dzunziwa hi vanhu a ku hunza ku dzunziwa hi Nungungulu: Xip. 5:44

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

Johani 3:20

Hakuva ni wihi a mahako kubiha wa venga kuwonekela, zonake a ngati kuwonekeleni, ku nga taku a mitiro yakwe yi tsetsulwa.

Johani 5:41

A nzi amukeli kudzunziwa hi ka vanhu;

Johani 8:43

Hiyini mu nga pimiko a xuxela ga mina ke? I hakuva a mu na ku ingisa a mhaka ya mina.

Va le Roma 2:10

Kanilezi munwe ni munwani loye a mahako kusasa i tava ni wukosi ni kudzunziwa ni kurula, a ka muJuda kusangula, ni ka muGreki kambe. 1 Ped. 1:7

Va le Roma 2:29

Kanilezi a muJuda wa zinene, hi loyi a nga yena lomu mbilwini; a wutshiva hi legi gi nga ga mbilu, legi gi mahiwako moyeni, na ku nga hi kota ya kutsala; yena a nga khesiwi hi vanhu, kanilezi hi Nungungulu. 2 Kor. 3:6; Kol. 2:11; Joh. 1:47; Xip. 7:6; Fil. 3:3; 1 Ped. 3:4

Va le Roma 2:7

I ta nyika wutomi ga pinzukelwa ka vona lava va lavako a wukosi ni kudzunziwa ni kungaboli, na va timisela mitirweni yo saseka. 2 Kor. 4:17; Juda 21; Kuv. 2:7

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Va le Korinte 10:18

Hakuva yena loyi a ti dzunzako a hi yena a amukelekako, kanilezi sine loyi a dzunziwako hi Hosi. Mav. 27:2; Lu. 18:10; Rom. 2:29; 1 Kor. 4:5

Va le Filipi 2:3

mu nga mahi nchumu hi mubango ni kutikukumukisa, kanilezi ngha munwe ni munwani a ti koramisa a wula munwani aku i chukwana ku hunza yena. Jak. 3:14; 1 Ped. 5:5

1 Va le Tesalonika 2:6

Kambe a hi lavangi a ku dumiswa hi vanhu, hambu hi nwina, kutani hi vanwani; hambu loku hi wa ta ngha hi zi kotile ku mu binzela, kota lezi hi nga vapostoli va Kristu. Joh. 5:41

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Jakobe 2:1

Vamakabye va mina, a kukholweni ka nwina hi Hosi ya hina Jesu Kristu, a Hosi ya kungangamela, mu nga hlawuli vanhu. Deut. 1:17; Mat. 22:16; 1 Kor. 2:8

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

Juda 1:25

a ka Nungungulu leyi wa munwe a nga Muhanyisi wa hina ha Jesu Kristu, a Hosi ya hina, a kuve wudzunzo, ni wukulu, ni kufuma, ni ntamu, na zi nga seva kona zikhati, ni makunu, ni ku kala kupinzuka. Amen.

1 Samueli 15:30

Saule aku: Mina nzi onhile! Kanilezi nzi dzunze makunu mahlweni ka masingalakati ya vanhu va mina, ni mahlweni ka va ka Israeli, u tlhela na mina, kasi nza fela ku ya khizama mahlweni ka Jehova Nungungulu wa wena!

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.