Johani 5:18 - Tshwa Bible

¹⁸ Hikwalaho ka mhaka leyi a vaJuda va lo hlota ku mu daya, hakuva a nga tshovangi sabado ntsena, kanilezi i lo vitana Nungungulu aku i Raru wakwe, a ti maha a ecana ni Nungungulu. Xip. 7:19; 10:30; Fil. 2:6

Johani 5:18 교차 참조

Johani 10:33

A vaJuda va lo mu hlamula, vaku: A hi ku gandli hi kota ya ntiro wo saseka, kanilezi hi kota ya tihlamba; lezi wena na u hi munhu, u ti maha Nungungulu. Xip. 5:18

Johani 10:30

Mina na Dadani hi munwe.

Johani 19:7

A vaJuda va lo hlamula, vaku; Hina hi na ni nayo, hi nayo lowu i yimelwe hi kufa, hakuva i ti mahile a Nʼwana wa Nungungulu. Levi 24:16; Mat. 26:65; Xip. 5:18

Johani 8:58

Jesu aku ngalo kabye: Hizinene nziku ka nwina: Nzi wa hi kona Abrahama na a nga se ku pswaliwa. Ekso. 3:14; Isa. 43:13; Kuv. 1:8

Johani 14:23

Jesu i lo mu hlamula, aku: Loku munhu a nzi ranza, i ta hlayisa timhaka ta mina; Dadani i ta mu ranza, zonake hi tata ka yena, hi tshama zinwe naye. 1 Joh. 2:24; Kuv. 3:20

Johani 5:23

kasi vontlhe va fela kuva ni xichawo hi Nʼwana, kota lezi va nga ni xichawo hi Dadani. Loyi a nga hiko na xichawo hi Nʼwana, a nga chavi ni Dadani loyi a mu rumileko. 1 Joh. 2:23

Va le Filipi 2:6

loyi, hambu lezi a nga hi xiyinweni xa Nungungulu, a nga alakanyangi lezaku a ku ecana ni Nungungulu xilo a faneleko ku namarela ka xona. Isa. 9:6; Joh. 1:1, 2; 2 Kor. 4:4; Kol. 1:15

Kuvululelwa 22:3

A nzhukano yi nga tava kona kambe. A xitshamu xa wuhosi xa Nungungulu ni xa Yivana xi tava kona ka wona; ni malanza yakwe ma ta mu tirela. Ezek. 48:35; Zak. 14:11

Kuvululelwa 22:1

Zonake yi lo nzi komba a congo wa mati ya wutomi, na ma vangamela khwatsi hi kristali, wu huma xitshanwini xa wuhosi xa Nungungulu ni xa Yivana, Ezek. 47:1; Zak. 14:8

Johani 8:54

Jesu i lo hlamula, aku: Loku nzi ti dzunza, a wudzunzo ga mina a hi nchumu, kanilezi hi Dadani a nzi dzunzisako, loyi ha yena mu nge ngalo, i Nungungulu wa nwina; Xip. 5:31, 41; 16:14; 17:1

Johani 7:19

Xana Mosi a nga mu nyikangi a nayo ke? Hambu zi hi tano, a nga kona munwe wa nwina a gongako nayo. Hikuyini mu lava ku nzi daya? Ekso. 24:3; Deut. 33:4; Miti. 7:38; Mat. 12:14

Johani 7:1

Anzhako ka lezo, Jesu i wa fambafamba le Galilea; i wa nga ranzi ku fambafamba le Judia, hakuva a vaJuda va wa lava ku mu daya. Xip. 5:16, 18

Johani 5:16

Hi kota ya lezi a vaJuda va lo sangula ku xanisa Jesu, hilezi a nga tira lezi zilo hi sabado.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Johani 14:9

Jesu aku kakwe: Kale na nzi tshamile na nwina, kasi a ku nzi tivi ke, Filipu? Loyi a wonileko mina, i wonile ni Dadani: u wulawula hikuyini uku, hi wonise Dadani? Xip. 12:45; Kol. 1:15; Maheb. 1:3

Mateu 12:5

Kutani a mu gonzangi nayweni ke, aku hi siku ga sabado a vapristi va onha a sabado le tempeleni, na va nga hi na nanzu? Mitse. 28:9, 10

Johani 1:19

Legi hi wukustumunyu ga Johani, laha a vaJuda va nga rumele a vapristi ni vaLevi hi le Jerusalema, a ku ya mu wutisa, vaku: Hi wena mani ke?

Johani 5:15

A munhu loyi i lo famba, a ya byela vaJuda, lezaku hi Jesu a mu hanyisileko.

Johani 5:17

Jesu i lo hlamula, aku: Dadani wa ha tira ni lezi, na mina nza tira. Xip. 9:4; 14:10