Johani 3:21 - Tshwa Bible

²¹ Kanilezi loyi a mahako zinene, wata kuwonekeleni, kasi a mitiro yakwe yi fela ku woneka yiku dlunya, lezaku yi tisilwe ka Nungungulu.

Johani 3:21 교차 참조

Tisimu 119:105

A mhaka ya wena i kandiya mikonzweni ya mina, Ni kuwonekela le ndleleni ya mina. Mav. 6:23; 2 Ped. 1:19

Tisimu 119:80

A mbilu ya mina a yi mbhelele ziyimisweni za wena; Kasi nzi nga wiswi tingana.

Isaya 26:12

Jehova, u ta vanga kurula xikari ka hina, Hakuva a mitiro ya hina yontlhe hi wena u yi mahileko.

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

Hosea 14:8

Efraime, i mhaka muni nzi nga nayo ni zifananiso? Mina wutsumbu nzi mu hlamule, nzi ta mu khatalela. Mina nzi kota a sinya yo nyuka ya khuwu, a mihanzu ya wena u ta yi kuma ka mina.

Johani 1:47

Jesu i lo wona Nataneli na a kari ata kakwe, aku ngalo: Langutani a muIsraeli wa zinene, loyi a nga hiko na kuxengetela. Tis. 32:2; Xip. 8:39; Rom. 2:28

Johani 3:20

Hakuva ni wihi a mahako kubiha wa venga kuwonekela, zonake a ngati kuwonekeleni, ku nga taku a mitiro yakwe yi tsetsulwa.

Johani 5:39

Mu kamba mitsalo, hakuva mu alakanya lezaku ka yona mu ta kuma a wutomi ga pinzukelwa; yona hi yona yi kustumunyako hi mina. Isa. 8:20; Lu. 16:29; 24:27

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

1 Va le Korinte 15:10

Kanilezi hi tipswalo ta Nungungulu nzi lezi nzi nga zona, ni tipswalo takwe a nzi nyikiwangi tona mahala; hakuva nzi tirile nguvu ku hunza vona vontlhe; na ku nga hi mina, kanilezi hi tipswalo ta Nungungulu leti ti nga hi zinwe na mina. 2 Kor. 11:23; Gal. 2:8; Efe. 3:7

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

Va le Galatia 6:8

Hakuva loyi a byalelako a nyama yakwe, hi nyama i ta tshovela kubola; kanilezi loyi a byalelako a Moya, hi Moya i ta tshovela a wutomi ga pinzukelwa. Jak. 3:15

Va le Efesusi 5:9

hakuva a mihanzu ya kuwonekela hi wunene gontlhe, ni kululama, ni zinene;

Va le Filipi 1:11

na mu tele hi mihanzu ya kululama leyi yi tako ha Jesu Kristu, a ka wudumo ni wudzunzo ga Nungungulu. Joh. 15:4

Va le Filipi 2:13

Hakuva hi Nungungulu a vangako ka nwina a kuxuva ni kutira, hi kota ya wunene gakwe. Maheb. 13:21

Va le Kolosi 1:29

Hizalezo nzi tirelako zona mina, na nzilwa khwatsi hi kutira ka ntamu wakwe lowu wu tirako nguvu ka mina.

Maheberu 13:21

a mu maha mu mbhelela mitirweni yontlhe yo saseka, kasi mu maha kuranza kakwe; na a tira ka nwina ha Jesu Kristu lezi zi tsakisako mahlweni ka yena. A wudzunzo a give ka yena kala kupinzuka ni kupinzuka. Amen! Gal. 1:5; 1 Ped. 5:10

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

1 Johani 1:6

Loku hi wula lezaku hi hlengele zinwe naye, kasi lezo ha ha famba munyameni, ha hemba wunwa, a hi mahi zinene. 2 Kor. 6:14

3 Johani 1:11

Xiranzwa, u nga pimanyisi lezi za kubiha, kanilezi pimanyisa lezi zo saseka. Loyi a mahako kusaseka ngwa Nungungulu; kanilezi loyi a mahako kubiha a nga mu wonangi Nungungulu. Tis. 37:27; Isa. 1:16, 17; 1 Joh. 2:29

Kuvululelwa 3:15

Nza yi tiva mitiro ya wena, lezaku a ku titimeli, a ku hisi; zi wa ta saseka loku u wa titimela, kutani u hisa.