Johani 3:2 - Tshwa Bible

² Yena i lota ka Jesu ni wusiku, aku ngalo: Rabi, ha zi tiva lezaku u mugonzisi loyi a tileko hi ka Nungungulu; hakuva a ku na munhu a zi kotako ku maha a ziwoniso lezi u zi mahako, loku Nungungulu a nga hi naye. Xip. 7:50; 19:39; Miti. 2:22; 10:38

Johani 3:2 교차 참조

1 Tihosi 17:24

A wasati i te ngalo ka Elija: Makunu nza zi tiva lezaku wena u munhu wa Nungungulu, ni lezaku gi tiyile a gezu ga Jehova, gi nga lomu nonwini wa wena.

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Jeremia 38:16

Zonake hosi Zedekia i lo hlambanya ka Jeremia xihundleni, aku: Ha Jehova a hanyako, loyi a hi nyikileko wutomi legi, nzi nga ta ku daya, hambu a ku ku nyikela a mandleni ya vanhu lava va hlotako wutomi ga wena.

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Mateu 23:7

ni kuloswa wutshanwini go hlengeletana, ni ku vitanwa hi vanhu hiku: Rabi!

Mateu 23:8

Kanilezi nwina ngha mu nga vitanwi aku Rabi; hakuva munwe mugonzisi wa nwina, nwina nwentlhe mu vamakabye. Jak. 3:1; 1 Ped. 5:3

Marku 12:14

Va lota, va taku kakwe: Mugonzisi, ha zi tiva lezaku u wula zinene, a ku chavi munhu, hakuva a ku cuwuki a xiyimo xa vanhu, kanilezi u gonzisa a ndlela ya Nungungulu hi zinene. Xana zi fanele ku yisa nzhuvo ka Kesari, kutani a hi zona ke? Hi luva, kutani hi nga luvi ke?

Johani 1:38

Jesu i lo hunzuluka, a va wona na va kari va mu lanzela, aku kabye: Mu lava yini? Vaku ngalo kakwe: Rabi (hi kutlhamusela ku ngalo, Mugonzisi), u tshama kwihi?

Johani 10:38

kanilezi loku nzi kari nzi yi maha, hambu loku mu nga kholwi ka mina, kholwani hi mitiro; kasi mu fela ku tiva ni ku vumela lezaku Dadani i kona ka mina, na mina ka Dadani. Xip. 5:36; 14:10, 11

Johani 12:37

Hambu lezi a nga mahile a ziwoniso zinyingi mahlweni ka vona, a va kholwangi ka yena;

Johani 14:10

A ku kholwi lezaku mina nzi kona ka Dadani, ni Dadani i kona ka mina ke? A timhaka leti nzi ti wulawulako ka nwina, a nzi ti kaneti hi wutsumbu ganga; kanilezi hi Dadani a tshamileko ka mina a mahako mitiro yakwe. Xip. 5:19; 8:28; 10:38; 17:21, 23

Johani 15:24

Loku nzi wa nga tirangi xikari ka vona a mitiro leyi yi nga tiriwangiko hi munwani, ngha va nga hi na nanzu; makunu va yi wonile, va venga mina ni Dadani.

Johani 2:11

Lexi hi kusangula ka ziwoniso zakwe, Jesu i lo xi maha le Kana wa le Galilea, a wonekelisa a wukulu gakwe; ni vapizani vakwe va lo kholwa ka yena. Xip. 1:14

Johani 20:16

Jesu aku ngalo kakwe: Maria! Yena i lo hunzuluka, aku ka yena hi xiHeberu: Raboni; hi ku ngalo: Mugonzisi.

Johani 3:26

Va lota ka Johani, vaku ngalo kakwe: Rabi, loyi a nga hi na wena le tlhatuko wa Jordani, loyi u nga kustumunya ha yena, yena wa bapatiza, ni vanhu vontlhe vaya ka yena. Xip. 1:4, 7

Johani 4:31

Na a sukile wasati, a vapizani va lo mu khongotela, vaku: Rabi, gana!

Johani 5:36

Kanilezi mina nzi na ni wukustumunyu ga hombe ku hunza legi ga Johani; hakuva a mitiro levi a nzi nyikileko Dadani a kuva nzi yi mbhetisa, ya kustumunya hi mina lezaku Dadani i nzi rumile. Xip. 3:2; 1 Joh. 5:9

Johani 6:2

A xidlemo xa hombe xi lo mu lanzela, hilezi va nga wona a ziwoniso lezi a nga zi maha ka lava va nga kari va babya:

Johani 7:31

Kanilezi vanyingi va lomo xidlenwini va lo kholwa hi yena, vaku: Kristu loku a tile, xana i ta maha ziwoniso Zo hunza lezi a zi mahako loyi munhu ke?

Johani 9:16

Hikwalaho a vaFarisi vanwani vaku ngalo: Loyi munhu a ngati hi ka Nungungulu, hakuva a nga hlayisi a sabado. A vanwani vaku: A muonhi a nga mahisa kuyini a ziwoniso za kunghahi ke? Ku wa hi kona kuhambana xikari kabye. Xip. 3:2; 7:12, 43; 10:19

Mitiro 10:38

yaku ngalo: Nungungulu i lo tota Jesu wa le Nazareta hi Moya wa ku Basa ni ntamu; loyi a nga nzulanzula a maha kusaseka, a hanyisa vontlhe lava va nga tsimbeketwa hi Diabolus; hakuva Nungungulu i wa hi naye. Lu. 4:18; Joh. 3:2; Xip. 4:27

Mitiro 2:22

Nwina madota ya ka Israeli, ingisani leti timhaka: Jesu wa le Nazareta, loyi a nga mahelwa wumboni mahlweni ka nwina hi Nungungulu, hi mitiro ya ntamu, ni zirewukiso ni ziwoniso, lezi Nungungulu a nga zi maha ha yena xikari ka nwina, kota lezi mu zi tivako nwina wutsumbu; Maheb. 2:4

Va le Filipi 1:14

A linyingi la vamakabye le Hosini va tiyilehlana hi kota ya ziboho za mina, va tiyisa nguvu a ku kanela a mhaka ya Nungungulu na va nga chavi nchumu.

Valamuli 6:27

Zonake Gideoni i lo teka a 10 ga vavanuna va malanza yakwe, a maha khwatsi hi lezi Jehova a mu byelileko. Hi kota ya ku chava va laha ngangweni wa raru wakwe ni vanhu va muti, a nga zi mahangi ni hlikanhi; i lo zi maha ni wusiku.