Johani 3:10 - Tshwa Bible

¹⁰ Jesu i lo hlamula, aku kakwe: Wena u mugonzisi wa Israeli, na u nga pimi a timhaka leti ke?

Johani 3:10 교차 참조

1 Kronekele 29:19

U nyika ka nʼwana wa mina Solomoni a mbilu yi mbheleleko a ku hlayisa milayo ya wena, ni timhaka ta wena, ni zileletelo za wena, ni ku maha a zilo lezi zontlhe, ni ku aka a yindlu leyi nzi yi longiseleko!

Tisimu 51:10

Nungungulu, nzi vangele a mbilu yi hlazekileko; Vuxa luswa a moya wa kutiya xikari ka mina.

Tisimu 51:6

Wena wa ranza zinene lomu mbilwini; Nzi gonzise a kutlhariha lomu nzeni ka mina.

Tisimu 73:1

Hakunene, Nungungulu i nene ka Israeli, Ka lava va nga ni timbilu to basa. Mat. 5:8

Isaya 56:10

A varinzeli vakwe vontlhe zikhumu, a va tivi nchumu; Vona vontlhe timbyana ta ziwiri, a va zi koti ku wukula; Mba miloro wurongweni gabye, va ranza ku khudzehela.

Isaya 9:16

Hakuva a varangeli va tiko legi va gi hambukisa, Ni lava va rangelwako ha vona va lobyiswa.

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Ezekieli 11:19

Nzi ta va nyika a mbilu yinwe, nzi chela a moya muswa nzeni ka vona; nzi ta susa a mbilu ya ribye mirini wabye, nzi va nyika a mbilu ya nyama, Jer. 32:39; Zef. 3:9; Miti. 4:32

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Mateu 15:14

Va tsikeni; zikhumu, zi rangelako zikhumu-kulobye. Loku xikhumu xi koka xikhumu, zi ta wela rinzini hi wumbiri ga zona.

Mateu 22:29

Jesu i lo hlamula, aku ngalo kabye: Nwina mu lahlekile, lezi mu nga tiviko mitsalo, hambu ni ntamu wa Nungungulu. Joh. 20:9

Luka 2:46

Anzhako ka masiku manharu va lo mu kuma tempeleni, na a tshamile xikari ka vagonzisi, a vazwa ni ku va wutisa ziwutiso;

Luka 5:17

A siku ginwani laha Jesu a nga kari a gonzisa, ku wa tshamilewo laho a vaFarisi ni vagonzisi va nayo, lava va nga tile hi le mitini yontlhe ya le Galilea ni Judia ni Jerusalema; ni ntamu wa Hosi wu wa hi zinwe na yena a ku hanyisa.

Johani 3:9

Nikodemusi i lo hlamula, aku kakwe: Lezi zilo zi nga mahekisa kuyini ke?

Mitiro 5:34

Kanilezi a muFarisi a vitwako Gamalieli, a mugonzisi wa nayo, a nga dzunziwa hi vanhu vontlhe, i lo suka a yima hubyeni, a laya lezaku a vapostoli a va nga humeswa xikhatanyana. Xip. 22:3

Va le Roma 2:28

Hakuva a muJuda wa zinene, a hi yena a nga yena hi lahandle ntsena; hambu ni wutshiva a hi legi ga nyama. Mat. 3:9; Joh. 8:39; Gal. 6:15

Deuteronome 10:16

Enghenisani wukwera a timbilu ta nwina, mu nga nonohisi tinhamu ta nwina;

Deuteronome 30:6

Na Jehova Nungungulu wa wena i ta enghenisa wukwera a mbilu ya wena, ni timbilu ta zizukulwana za wena, kasi wena wa fela ku ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, kasi wa fela ku hanya. Jer. 4:4; Ezek. 11:19; Rom. 2:29; Fil. 3:3

Va le Filipi 3:3

Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11

Va le Kolosi 2:11

Ka yena mu enghenisilwe wukwera hi wukwera legi gi nga mahiwangiko hi mandla, kanilezi a wukwera ga Kristu, legi gi mahiwako hi ku tlhatlha a miri wa nyama, Deut. 10:16; Rom. 6:6