Johani 21:7 - Tshwa Bible

⁷ A mupizani loyi Jesu a nga mu ranza aku ngalo ka Pedro: Hi Hosi. Laha Simoni Pedro na a zwile lezaku hi Hosi, i lo boha nguwo yakwe, hakuva i wa hi ximbyiri, a pfunwala bimbini. Xip. 13:23; 20:2

Johani 21:7 교차 참조

Tisimu 118:23

Lexi xi mahilwe hi Jehova, Xa hlamalisa mahlweni ya hina.

Xizimba xa ka Solomoni 8:7

A mati ya ku tala a ma na ku tima liranzo, Ge, hambu a ntalo a wu na ku li mbembisa; Hambu loku munhu a wa ta nyikela yontlhe tsomba ya yindlu yakwe hi kota ya liranzo I wa ta nyenyiwa futsi.

Marku 11:3

Loku munhu aku ka nwina: Hi yini mu mahako lezo? Mu taku: A Hosi ya xi lava, yi ta xi tlhelisa lokuloku.

Luka 12:35

Ngha na ziwunu za nwina zi bohiwa hi mabhandi, ni tikandiya ta nwina ti vura; Mat. 25:1; Efe. 6:14; 1 Ped. 1:13

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

Luka 7:47

Hikwalaho nziku ka wena: A zionho zakwe leʼzinyingi, zi tsetselelwe, hakuva i ranzile nguvu; kanilezi loyi a tsetselelako a zitsongwani, i ranza kutsongwani. 1 Tim. 1:14

Johani 13:23

Kwalaho mezeni a munwe wa vapizani vakwe i wa khegele xifuveni xa Jesu, hi loyi Jesu a nga mu ranza. Xip. 19:26; 20:2

Johani 19:26

Laha Jesu na a wona a nyine wakwe, na a yimile kona zinwe ni mupizani loyi a mu ranzako, aku ka nyine wakwe: Wasati, a nʼwana wa wena hi loyi! Xip. 2:4; 13:23; 20:2; 21:7, 20, 24

Johani 20:2

I lo tsutsuma aya ka Simoni Pedro, ni ka munwani mupizani loyi a nga kari a ranziwa hi Jesu, aku ngalo kabye: Va yi susile Hosi nkeleni, a hi ku tivi laha va yi vekileko kona. Xip. 13:23; 19:26; 21:7, 20, 24

Johani 20:20

Laha na a wulile lexo, i lo va komba a mandla yakwe ni reve gakwe. A vapizani va lo tsaka hi ku wona Hosi. Xip. 16:22

Johani 20:28

Tomasi i lo hlamula, aku kakwe: Hosi ya mina ni Nungungulu wa mina.

Johani 21:20

Pedro i lo hunzuluka, a wona a mupizani loyi Jesu a nga mu ranza, na a kari a va lanza; hi loye a nga khegele xifuveni xakwe laha kugeni, a mu wutisa aku: Hosi, himani a ku nyikelako ke? Xip. 13:23, 25; 20:2

Johani 21:24

Hi yena mupizani loyi a mahako wukustumunyu ga timhaka leti, a engeta a ti tsala; ha zi tiva ku a wukustumunyu gakwe gi nene. Xip. 19:35; 3 Joh. 12

Johani 21:8

Kanilezi a vapizani vanwani va lota hi xingalavana, na va koka a likoka li nga tele hi zidluwani, hakuva va wa nga hi kule ni muhanza, ntsena a 200 wa mikono.

Mitiro 10:36

Ma yi tiva a mhaka leyi a nga yi rumela ka vana va Israeli, laha a nga kanela a mahungu yo saseka ya kurula hi Jesu Kristu, loyi a nga Hosi ya vontlhe; Isa. 57:19; Kol. 1:20; Dan. 7:14; Kuv. 17:14

Mitiro 2:36

Hikwalaho ngha yindlu yontlhe ya Israeli yi tiva hi kutiyisilweko, lezaku Nungungulu i mu mahile Hosi ni Kristu, yena Jesu loyi mu nga mu belela. Xip. 5:31

1 Va le Korinte 15:47

A munhu wo ranga i lo mahiwa hi misava, ngwa misava; a munhu wa wumbiri ngwa le tilweni. Gen. 3:19; Joh. 3:13, 31

2 Va le Korinte 5:14

Hakuva a liranzo la Kristu la hi kurumeta, kota lezi hi alakanyako ku ngalo: Munwe i lo fela vontlhe, hikwalaho vontlhe va file. Rom. 5:15

Jakobe 2:1

Vamakabye va mina, a kukholweni ka nwina hi Hosi ya hina Jesu Kristu, a Hosi ya kungangamela, mu nga hlawuli vanhu. Deut. 1:17; Mat. 22:16; 1 Kor. 2:8