Johani 2:4 - Tshwa Bible

⁴ Jesu aku kakwe: Wasati, nzi na ni yini na wena ke? A xikhati xa mina a xi se nga chikela. Xip. 19:26

Johani 2:4 교차 참조

2 Samueli 16:10

A hosi yi te ngalo: I mhaka muni nzi nga nayo na nwina vafana nzinwina va Zeruia? A rukatele, hakuva Jehova i mu byelile ku ngalo: Rukatela Davida. Himani a ta nga wula, aku: Hi yini u mahako lezo? 1 Tih. 2:8; Joh. 18:11

2 Samueli 19:22

Davida aku: Mahungu muni nzi nga nawo na nwina, vafana nzi nwina va Zeruia? Hakuva inyamutlha nwina mu lava ku hambana na mina. Cima ku nga ta dawa munhu nyamutlha lomu ka va ka Israeli. Nzo kala nzi nga zi tivi mina lezaku inyamutlha nzi yimisilwe a kuva hosi lomu ka va ka Israeli ke?

1 Tihosi 17:18

Zonake loyi wasati i te ngalo ka Elija! I mhaka muni nzi nga nayo na wena munhu wa Nungungulu? Kasi u tile laha a ku ta nzi alakanyisa zionho za mina ni ku ta daya nwananga ke? Lu. 5:8

Mutshawuteli 3:1

A xilo xinwe ni xinwani xi nani nguva ya xona, ku nani xikhati ka zilo zontlhe lezi zi mahiwako lahasi ka tilo.

Mateu 15:28

Zonake Jesu i lo mu angula aku ngalo: Wasati, a kukholwa ka wena ka hombe; a ku maheke ka wena kota kuranza ka wena. Ni nhanyana wakwe i lo hanyiswa hi xwalexo xikhati.

Mateu 8:29

Va lo kanyuluka, vaku: I mhaka muni hi nga nayo na wena, Nʼwana wa Nungungulu? U tile laha ku ta hi xanisa na xi nga se ku chikela xikhati ke?

Luka 2:49

Yena aku ngalo kabye: Mu wa nzi lavela yini ke? Xana mo wa nga zi tivi lezaku nzi fanele a kuva nzi hi ndlwini ya Dadani ke? Joh. 2:16

Johani 12:23

Jesu i lo va hlamula, aku: Makunu xi chikele a xikhati xa kuva Nʼwana wa munhu a dumiswa. Xip. 13:32

Johani 13:1

A mubuzo wa Pasika na wu nga se va kona, Jesu na a zi tiva lezaku a xikhati xakwe xi chikele xa kuva a suka tikweni, aya ka Dadani, lezi a nga ranza a vanhu vakwe lava va nga laha misaveni, i lo va ranza kala kugumesa, Mat. 26:2; Xip. 11:1

Johani 2:3

A vinya gi lo mbhela, zonake a nyine wa Jesu aku ngalo kakwe: Va hava vinya.

Johani 20:13

Ti ku ngalo ka yena: Wasati, u rilela yini ke? Aku ka tona; Hilezi va susileko a Hosi ya mina, a nzi ku tivi laha va yi vekileko kona.

Johani 20:15

Jesu aku ngalo kakwe: Wasati, u rilela yini ke? Maria na a alakanya lezaku hi murimi wa simu, aku ka yena: Hosi, loku u mu susile laha, nzi byele laha u mu vekileko kona, nzi ta ya mu teka.

Johani 7:30

Zonake va wa lava ku mu khoma, kanilezi ku wa nga hi kona munhu a nga mu henya, hakuva xikhati xakwe xi wa nga se ku chikela. Mar. 11:18; Lu. 19:47; Xip. 8:20

Johani 7:6

Jesu aku kabye: A xikhati xa mina a xi se ku chikela, kanilezi a xikhati xa nwina xi kona zikhati zontlhe. Xip. 2:4

Johani 7:8

Yanani nwina mubuzweni, mina a nza hayi mubuzweni lowu; hakuva a xikhati xa mina a xi se ku tatiseka.

Johani 8:20

A timhaka leti i lo ti kanela laha ka bhako ga minyikelo, na a kari a gonzisa tempeleni. Ku wa nga hi kona munhu a nga mu khoma, hakuva a xikhati xakwe xi wa nga se ku chikela. Xip. 7:8, 30

2 Va le Korinte 5:16

Hikwalaho a ha ha tivi munhu hi ka nyama; hambu lezi hi nga mu tiva Kristu hi ka nyama, makunu a ha ha mu tivisi lezo. Mat. 12:50

Deuteronome 33:9

Loyi a nga ku ngalo hi dadani wakwe ni mamani wakwe: A nzi va wonangi! Loyi a nga tivangiko vamakabye vakwe, Loyi a nga khataleliko a vanana vakwe, Kasi va hlayisa a gezu ga wena. Va chivirikela xivumelwano xa wena. Ekso. 32:25; Mat. 10:37; Lu. 14:26