Johani 2:16 - Tshwa Bible

¹⁶ Aku ngalo ka lava va nga xavisa matuva: Susani lezi zilo laha; a yindlu ya Dadani mu nga yi mahi a yindlu ya mabhinzu. Lu. 2:49

Johani 2:16 교차 참조

Jeremia 7:11

Xana a yindlu leyi yi vitanwako hi vito ga mina, yi mahile a bako ga vaphangi a mahlweni ka nwina ke? Kunene, na minawo nzi zi wonile, ku wula Jehova. Isa. 56:7; Lu. 19:46

Mateu 21:12

Jesu i lo enghena tempeleni ya Nungungulu, a hlongola vontlhe lava va nga kari va xavisa ni ku xava tempeleni; i lo khubhunyeta a timeza ta vaxavisi va mali, ni zitshamu za lava va nga Xavisa zipomba; Mar. 11:11; Lu. 9:45; Deut. 14:25

Mateu 21:13

aku ngalo ka vona: Ku tsalilwe ku ngalo: A yindlu ya mina yi ta tibyiwa ku ngalo i yindlu ya kukhongela; kanilezi nwina mu yi mahile a bako ga vaphangi. Jer. 7:11; Mar. 11:17; Lu. 19:46

Mateu 22:5

Kanilezi va lo honisa, va ti fambela; munwani masinwini yakwe, ni munwani mabhinzwini yakwe.

Marku 11:17

I lo va gonzisa, aku: A ku tsaliwangi lezaku: A yindlu ya mina yi ta vitanwa a yindlu ya kukhongela ya matiko wontihe? Kasi ke nwina mu yi mahile a mhako ya vaphangi. Isa. 56:7; Jer. 7:11

Luka 2:49

Yena aku ngalo kabye: Mu wa nzi lavela yini ke? Xana mo wa nga zi tivi lezaku nzi fanele a kuva nzi hi ndlwini ya Dadani ke? Joh. 2:16

Johani 10:29

Dadani, loyi a nzi nyikileko tona, ngwa hombe ku hunza vontlhe; i hava loyi a zi kotako ku ti wutla canjeni ga Dadani. Xip. 14:28; 17:2, 6

Johani 2:15

I lo maha a tsilani ya tingoti, a va hlongola vontlhe tempeleni, zinwe ni tiyivu ni tihomu; a hangalasa a mali ya vaxavisi va mali, na a khubhunyeta timeza tabye.

Johani 20:17

Jesu aku ngalo kakwe: U nga nzi khumbi; hakuva a nzi se ku kanziha a kuya ka Dadani; kanilezi famba ka vanakulori, u yaku ka vona: Nza kanziha ka Dadani wa mina ni Dadani wa nwina, a Nungungulu wa mina ni Nungungulu wa nwina. Tis. 22:22; Mat. 28:10; Rom. 8:29; Maheb. 2:11; Xip. 16:28

Johani 5:17

Jesu i lo hlamula, aku: Dadani wa ha tira ni lezi, na mina nza tira. Xip. 9:4; 14:10

Johani 8:49

Jesu i lo hlamula, aku: A nzi na dimoni; kanilezi mina nzi dzunza Dadani, kasi nwina ma nzi kanyisa.

1 Timote 6:5

ni kukanetisana ka vanhu lava va bihisilweko kupimeni kabye, lava va lahlekelweko hi zinene, na va alakanya lezaku a xikholwa i ndlela ya bhinzu. Rom. 16:17; 2 Tim. 3:8; Tit. 1:11

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15