Johani 19:9 - Tshwa Bible

⁹ a enghena kambe ndlwini ya wuhosi, aku ngalo ka Jesu: Uta hi kwihi ke? Kanilezi Jesu a nga mu hlamulangi nchumu. Isa. 53:7; Mat. 27:12, 14

Johani 19:9 교차 참조

Isaya 53:7

I lo hlokiswa, hambu lezi a nga ti tsongahata, Na a nga vululi nomu wakwe; Khwatsi hi yivana leyi yi gulelwako kutlhabyiweni, Ni yivu leyi yi miyelako mahlweni ka mukayi, Hizalezo a nga vululangi nomu wakwe. Mat. 23:63; Joh. 1:29; Miti. 8:32

Mateu 26:63

Kanilezi Jesu i lo miyela. Ni mupristi wa hombe i te ngalo kakwe: Nza ku hlambanyisa hi Nungungulu, lezaku u hi byela loku u hi Kristu, a Nʼwana wa Nungungulu. Levi 5:1; Isa. 53:7

Mateu 27:27

Zonake a masochwa ma lo yisa Jesu lomu xiluvelweni, a ntlawa wontihe wu tsombana lomo.

Luka 23:9

I lo mu wutisa timhaka to tala, kanilezi Jesu a nga mu hlamulangi nchumu.

Johani 18:28

Zonake va lo huma na Jesu le ka Kayafasi, va mu yisa ndlwini ya wuhosi, yi wa hi mixo nguvu. Vona a va enghenangi ndlwini ya wuhosi, va nga ti nyenyezisa, kasi va ta zi kota kuga a pasika. Mat. 27:2; Mar. 15:1; Lu. 23:1; Miti. 3:13; 10:28; 11:3

Johani 18:33

Pilatu i lo tlhela a enghena ndlwini ya wuhosi, a vitana Jesu aku ngalo kakwe: Wena u hosi ya vaJuda ke? Mat. 27:11

Johani 18:34

Jesu aku ngalo: U wula lexi hi wutsumbu ga wena ke, kutani u lo byeliwa hi vanwani ha mina ke?

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 19:10

Pilatu aku ka yena: A ku nzi hlamuli nchumu ke? Xana a ku zi tivi lezaku nzi na ni ntamu ku ku tlhatlha, ni ntamu a ku ku belela ke?

Johani 19:8

Pilatu na a zwile leyi mhaka, i lo chava nguvu;

Johani 8:14

Jesu i lo va hlamula, aku: Hambu loku nzi ti mahela wukustumunyu mina nwinyi, a wukustumunyu ga mina gi nene; hakuva nza ku tiva laha nzi humako kona, ni laha nzi yako kona; kanilezi nwina a mu ku tivi laha nzi humako kona, ni laha nzi yako kona. Xip. 7:28; 9:29

Va le Filipi 1:28

na mu nga dzukiswi ha nchumu hi valala. A kutiya ka nwina xikombiso ka vona xa kulobyiswa kabye, kanilezi ka nwina xi tava xa kuhanyiswa ka nwina, ni lexi xita hi ka Nungungulu. Isa. 41:10; Mat. 10:28; Rom. 8:17; Maheb. 13:5

Valamuli 13:6

Zonake a wasati i lo ya byela a nuna wakwe, aku: Ku tile ka mina a munhu wa Nungungulu. A kutshisa kakwe i fanana ni ngelosi ya Nungungulu. A nzi mu wutisangi lomu a tako ha kona, na yenawu a nga nzi byelangi vito gakwe.