Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9
Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9
Jesu aku kakwe: Kale na nzi tshamile na nwina, kasi a ku nzi tivi ke, Filipu? Loyi a wonileko mina, i wonile ni Dadani: u wulawula hikuyini uku, hi wonise Dadani? Xip. 12:45; Kol. 1:15; Maheb. 1:3
Jesu na a wulawulile timhaka leti, i lo tlakusa mahlo yakwe le tilweni, aku ngalo: Dadani, a xikhati xi chikele; dumisa Nʼwana wa wena, kasi a Nʼwana wa wena a fela ku ku dumisa; Xip. 12:23
Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17
A ku na munhu a kanzihileko le tilweni, sine loyi a releleko hi le tilweni, a nga Nʼwana wa munhu, loyi a nga hi le tilweni. Mat. 30:4; Miti. 2:34; Efe. 4:9
loyi, hambu lezi a nga hi xiyinweni xa Nungungulu, a nga alakanyangi lezaku a ku ecana ni Nungungulu xilo a faneleko ku namarela ka xona. Isa. 9:6; Joh. 1:1, 2; 2 Kor. 4:4; Kol. 1:15
Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22
Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4
Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9
(Hakuva a wutomi gi lo wonekeliswa, hina hi gi wonile, hi maha wukustumunyu ha gona, hiba hungu ka nwina hi wutomi legi ga pinzukelwa, legi gi nga hi zinwe na Dadani, gi lo wonekeliswa ka hina,) Joh. 1:1, 2, 4; Rom. 16:26
Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8
Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2
