Johani 17:2 - Tshwa Bible

² kota lezi u mu nyikileko ntamu hehla ka nyama yontlhe, lezaku vontlhe lava u mu nyikileko vona, a fela ku va nyika wutomi ga pinzukelwa. Dan. 7:14; Mat. 11:27; 28:18; Xip. 6:37; 1 Kor. 15:25

Johani 17:2 교차 참조

Tisimu 110:1

Jehova i te ngalo ka hosi ya mina: Tshama hi le reveni ga mina ga xinene, Kala nzi veka a valala va wena a kuva xikegetelo xa mikonzo ya wena. Mat. 22:44; 1 Kor. 15:25; Maheb. 1:13

Danieli 7:14

I lo nyikwa kufuma, ni wukosi, ni mufumo, kasi a va matiko wontihe ni tixaka ni tirimi va fela ku mu tirela. A kufuma kakwe ka simasima, ku nga ta hunza, ni mufumo wakwe cima wu nga ta mbhetiswa. Lu. 1:33; Maheb. 1:8

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Mateu 25:46

Ni lava va taya kutsayisweni ka pinzukelwa; kanilezi a valulamileko va taya wutomini ga pinzukelwa, Dan. 12:2; Joh. 5:29

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Johani 17:6

Nzi wonekelisile a vito ga wena ka vanhu lava u va tekileko tikweni u nzi nyika vona; va wa hi va wena, zonake u nzi nyikile vona; va yi hlayisile a mhaka ya wena. Tis. 22:22; Xip. 6:37, 39

Johani 17:9

Nza va khongelela; a nzi khongeleli tiko, kanilezi nzi khongelela vona lava u nzi nyikileko, hakuva mba wena. 1 Joh. 5:19

Johani 3:35

A Dadani wa ranza Nʼwana, i vekile zilo zontlhe canjeni gakwe. Mat. 11:27; Lu. 10:22; Maheb. 2:8

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Johani 6:27

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu. Mat. 3:17; 17:5; Xip. 4:14

Johani 6:37

Zontlhe lezi a nzi nyikako Dadani, zi tata ka mina; ni loyi a tako ka mina, cima nzi nga ta mu hlongola. Vesi 45; Xip. 10:28; 2 Tim. 2:19

Johani 6:39

A kuranza ka loyi a nzi rumileko hi lezaku nzi nga lahli ni munwe wa vontlhe lava a nzi nyikileko, kanilezi nzi fela ku va vuxa hi siku go gumesa. Xip. 10:28; 17:12; 18:9

Va le Roma 6:23

Hakuva a hakhelo ya kuonha hi kufa, kanilezi a xinyikiwo xa Nungungulu hi wutomi ga pinzukelwa ha Jesu Kristu a Hosi ya hina. Gen. 2:17; 1 Ped. 1:4

1 Va le Korinte 15:25

Hakuva i yimelwe hi ku fuma a kala a veka a valala vakwe vontlhe lahasi ka mikonzo yakwe. Tis. 110:1; Maheb. 1:13

Va le Efesusi 1:20

lowu a nga tira ha wona ka Kristu, laha a nga mu vuxa hi ka vafileko, a mu tshamisa canjeni gakwe ga xinene le tilweni,

Va le Filipi 2:10

lezaku hi vito ga Jesu a madzolo ya vontlhe lava va nga le tilweni, ni laha misaveni, ni lahasi ka misava, ma ta mu khizamela, Isa. 45:23; Kuv. 5:13

1 Timote 1:16

Kanilezi mina nzi lo mahelwa wuxinji, lezaku Kristu Jesu a kombisa ha mina, loyi nzi nga nhonzwa, a kuhonisela kakwe kontlhe, nziva xiwonelo ka lava va ta nga kholwa ka yena, va kuma a wutomi ga pinzukelwa.

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

1 Pedro 3:22

loyi a yileko tilweni, a ya tshama reveni ga xinene ga Nungungulu; a tingelosi ni tihosi ni mintamu na zi vekilwe a lahasi kakwe. Tis. 110:1; Rom. 8:28; 1 Kor. 15:24

1 Johani 1:2

(Hakuva a wutomi gi lo wonekeliswa, hina hi gi wonile, hi maha wukustumunyu ha gona, hiba hungu ka nwina hi wutomi legi ga pinzukelwa, legi gi nga hi zinwe na Dadani, gi lo wonekeliswa ka hina,) Joh. 1:1, 2, 4; Rom. 16:26

1 Johani 2:25

A xitsumbiso lexi a nga hi tsumbisa xona hi lexi, a wutomi ga pinzukelwa. Joh. 17:3

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

Juda 1:21

mu ti hlayisa liranzweni la Nungungulu, na mu cuwukela a wuxinji ga Hosi ya hina Jesu Kristu legi gi yisako kuhanyeni ka pinzukelwa.