Johani 16:10 - Tshwa Bible

¹⁰ hi kululama, hakuva nzi famba nziya ka Dadani, mu nga ta ha nzi wona; Xip. 3:14; Miti. 2:32

Johani 16:10 교차 참조

Isaya 42:21

Zi mu xalalisile Jehova hi kota ya kululama kakwe A ku kulisa a nayo wu kheseka.

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Johani 16:28

Nzi humele hi ka Dadani, nzita misaveni, makunu nzi tlhela nzi siya misava, nziya ka Dadani. Xip. 13:3

Johani 16:5

Makunu nziya ka loyi a nzi rumileko; a nga kona ka nwina a nzi wutisako ku ngalo: Uya kwihi? Xip. 14:28

Johani 3:14

Kukotisa lezi Mosi a nga tlakusa a nyoka xiwuleni, hizalezo Nʼwana wa munhu i fanelwe ku tlakuswa; Mitse. 21:9

Johani 5:32

Kanilezi i kona munwani a nzi kustumunyelako; nza zi tiva lezaku a wukustumunyu legi a nzi mahelako gona gi nene. Mat. 3:17; 1 Joh. 5:6, 7, 9

Johani 7:33

Kanilezi Jesu aku ngalo: Ka ha hi xikhatanyana na nza ha hi na nwina, zonake nza famba ka loyi a nzi rumileko. Xip. 13:33

Mitiro 17:31

Hakuva i vekile a siku legi a ta nga lamula ha gona tiko hi kululama hi munhu loyi a mu yimisileko; hi ka kona i nyikile a xitsumbiso ka vanhu vontlhe, hilezi a nga mu vuxa hi ka vafileko. Xip. 2:24; 10:42; Rom. 2:16

Mitiro 2:32

Jesu loyi, Nungungulu i lo mu vuxa, hina hontlhe hi vakustumunyu va lezo. Xip. 1:8

Mitiro 3:14

Mu lo kaneta loyi wa Kubasa ni wa Kululama, mu kombela lezaku mu tlheliselwa a mudayi, Tis. 16:10; Mar. 1:24; Xip. 7:52

Mitiro 7:52

Hi wihi wa vaprofeti a vakoko va nwina va nga mu xanisangiko ke? Va dele lava va nga ranga va kanela hi kuta ka Loyi a Lulamileko; loyi nwina mu mu nyikeleko ni ku mu daya;

Va le Roma 1:17

Hakuva a kululama ka Nungungulu ku wonekelisilwe ka yona, ku huma kukholweni ku yisa kukholweni; khwatsi hi lezi ku tsalilweko ku ngalo: Loyi a lulamileko i ta hanya, hi kukholwa. Xip. 3:21; Hab. 2:4; Joh. 3:36; Gal. 3:11

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Galatia 5:5

Hakuva hina hi rinzela hi Moya hi ku kholwa, a kululama loku hi ku lavelelako. Rom. 8:24

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26