Johani 15:5 - Tshwa Bible

⁵ Mina nzi tshinya ga vina, nwina mu maravi. Loyi a tshamako ka mina, na mina ka yena, yaloye wa pswala mihanzu yo tala; hakuva ahandle ka mina a mu zi koti ku tira nchumu. Hos. 14:8; Fil. 1:11

Johani 15:5 교차 참조

Mavingu 11:30

A mbhanzo ya loyi a lulamileko i sinya ya wutomi; i loyi a tlharihileko wa kanyara mihefemulo.

Hosea 4:8

Vaga a zionho za tiko ga mina, va navela a zigoho za gona.

Mateu 13:21

kasi yena wutsumbu a nga na mitsu, e tiya xikhatanyana ntsena; kanilezi loku ku chikela a kukarateka kutani kuxaniseka hi kota ya mhaka, a khunguvanyeka zalezo.

Johani 12:24

Hizinene nziku ka nwina: Loku a mbewu ya mavele yi ngawi misaveni yifa, yi ta tshama yoce; kanilezi loku yifa, ya pswala nguvu. 1 Kor. 15:36

Johani 15:16

A hi nwina mu nga nzi hlawula, kanilezi hi mina nzi mu hlawulileko, nzi mu yimisa lezaku mu ya pswala mihanzu, ni mihanzu ya nwina yi simamisa; kasi ni xihi lexi mu ta nga mu kombela Dadani hi vito ga mina, a fela ku mu nyika xona. Mat. 28:19; Xip. 14:13; 1 Joh. 4:10

Johani 5:19

Jesu i lo hlamula, aku ngalo kabye: Hizinene nziku ka nwina: a Nʼwana a nga zi koti ku ti sangulela a tira nchumu, ntsena lezi a zi wonako na zi mahiwa hi Dadani; hakuva ni zihi zilo Dadani a zi mahako, lezo ni Nʼwana i zi mahisa lezo. Xip. 8:28; 9:4; 12:49

Johani 9:33

Loku munhu loyi a ngati hi ka Nungungulu, ngha a nga zi kotangi a ku maha nchumu.

Mitiro 4:12

A ku kona kuhanyiswa hi ka munwani; hakuva a ku na vito ginwani lahasi ka tilo, legi gi nyikilweko xikari ka vanhu, legi hi nga hanyiswako ha gona. Mat. 1:21; Xip. 10:43; Rom. 3:24; 1 Tim. 2:5

Va le Roma 12:5

hizalezo na hinawu lava hi nga vanyingi, hi miri munwe ka Kristu, munwe ni munwani xiro xa vanwani. Efe. 1:23

Va le Roma 6:22

Kanilezi makunu na mu tlhatlhisilwe kuonheni, na mu hi malanza ya Nungungulu, mu bhinzule a kubasiswa, ni magumeso ya kona hi wutomi ga pinzukelwa.

Va le Roma 7:4

Hizalezo na nwina vamakabye va mina, mu file hi tlhelo ga nayo hi miri wa Kristu; aku kasi mu fela ku tlhanganyiswa ka munwani, a nga yena loyi a vuxilweko hi ka vafileko, lezaku hi fela ku humesa mihanzu ka Nungungulu. Hos. 2:19; Gal. 2:19; Efe. 2:15

1 Va le Korinte 10:16

A gombe ga zikatekiso legi hi gi khesako, a hi gona ga hlengelo wa nkhata wa Kristu ke? Ni xibaba lexi hi xi khemako a hi xona xa hlengelo wa miri wa Kristu ke? Mat. 26:26; Miti. 2:42

1 Va le Korinte 12:12

Hakuva khwatsi hi lezi a miri wu nga munwe, wu nga ni ziro zo tala, ni ziro zontlhe za miri, hambu lezi zi nga zinyingi, zi maha miri munwe, zinghaho ni ka Kristu. Gal. 3:16

1 Va le Korinte 12:27

Makunu nwina mu miri wa Kristu, nwina mu ziro zakwe a munwe ni munwani. Rom. 12:5; Efe. 1:23; 4:12; 5:23; Kol. 1:24

2 Va le Korinte 13:8

Hakuva a hi na ntamu ku maha nchumu xo vukela zinene, kanilezi hi nawo wa ku yimela zinene.

2 Va le Korinte 9:10

Loyi a nyikako mbewu ka muxwanyi, a muha ni zakuga, i ta mu nyika a mbewu ku xwanya, a yi anzisa, ni ku enzelekisa a mihanzu ya kululama ka nwina, Isa. 55:10; Hos. 10:12; Mal. 6:1

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Efesusi 5:9

hakuva a mihanzu ya kuwonekela hi wunene gontlhe, ni kululama, ni zinene;

Va le Filipi 1:11

na mu tele hi mihanzu ya kululama leyi yi tako ha Jesu Kristu, a ka wudumo ni wudzunzo ga Nungungulu. Joh. 15:4

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Va le Filipi 4:17

A hi lezaku nzi lava zinyikiwo; kanilezi nzi lava a mihanzu leyi yi talelako nwina hi kota ya zona. Rom. 15:28

Va le Kolosi 1:10

lezaku mu famba hi laha ku faneleko Hosi, mu yi xalalisa ka zontlhe, ni ku pswala mihanzu mitirweni yontlhe yo saseka, mu kula kutiveni ka Nungungulu. Joh. 15:16; 1 Tes. 2:12; 4:1

Va le Kolosi 1:6

leyi yi tileko ka nwina, kota lezi yi tileko matikweni wontihe, yi ta pswala mihanzu ni ku anza ka wona, kota lezi yi mahako ka nwina kambe, kusukela a siku legi mu nga yizwa, ma tiva a tipswalo ta Nungungulu hi zinene, Mat. 24:14; Joh. 15:16; 2 Kor. 6:1; Efe. 3:2; Tit. 2:11

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

1 Pedro 2:4

Tanani ka yena loyi a nga ribye gi hanyako, legi gi alilweko hi vanhu, kanilezi ka Nungungulu gi hlawuleka, gi dzunzeka, Tis. 118:22

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6